حبيت أشاركم مع ترجبتي وياهالماسك العجيب والي بتحصلون نتيايجه من أول إستخدام
المقادير سهلة وبسيطة مثل ما هي واضحة في الصورة
مب لازم تتقيدين بالزيوت فإذا ما عندج إستخدمي أي زيت متوفر عندج بس مثلا زيت جوز الهند له فاعلية في تبييض الجسم والقهوة كذلك تساعد في تقشير الجلد وتبيضه الي جانب الكركم الخاص بالجسم … الزيوت المركزة بعد لها خاصية في ترطيب الجلد وشده مثل زيت الصندل المركز واللبان والإيلانج إيلانج.
أول شي ذوبت 100 جرام من زبدة الشيا و 100 جرام من زبدة الكاكاو على حمام مائي دافيء
وبعدين أضفت الزيوت تقريبا ملعقة من كل زيت
وتدريجيا أضفت سكر الدمردار الي ايكون خشن شوي عشان يعطي نتيجه فعالة في التقشير والقهوة والكركم وبودرة عرق السوس
وفي الخلطة الثانية حيطت زيت الرمان والخزامي والانولين وزهرة المساء والليمون والبرتقال المركز عشان يعطي نتيجة حلوة في تبييض الجسم
وأخيرا تحطين الخلطة في علبة وتحتفظين فيها لحين الإستخدام
تبللين جسمج بالماي الدافي وبعدين تفركين الخلطة على جسم وتتريين مدة 10-20 دقيقة وتبدين تسوين سنفرة للجسم بحركة دائرية وأخيرا تغسلينه بماي دافي وصابون وإستمتعي بجلد ناعم ومصقول كالحرير
وشكرا علوصفه