ومبروك عليكم الشهر
مع أزمة الدريوليه اللي مستويه فالبلاد قررت اني اتعلم السواقه ولا اكون تحت رحمة الدريول
اليوم خبرتهم فالبيت ومحد متشجع وكل حد يصعب عليه السالفه
ابا اعرف منكم كيف الاجراءات الحينه؟
لاني يوم قلتلهم بخلي وحده تيني البيت واتعلمني قالولي لا ماشي هالسالفه خلاص
اللي يبا يتعلم يسير المدرسة ويحضر صفوف ووووو يعني عشان اعاف الفكرة
ادري طولت وااايد قرقر
اتريا من اخواتي السائقات يخبروني
انا سرت معهد دبي والصراحه كنت مسجله من شهر 3 بس ماتفيجت اسير لان وايد بالغو قالو 40 حصه وخرابيط
عقب اتشجعت شهر 6 لاني بديت اشووف ربيعاتي كلهن خذت الليسن الا انا
بديت اسير المركز والمدربه كانت فنانه كنت اسير يوم هيه ويوم لا وقبل البارحة كان امتحاني الفايل واليوم استلمت الليسن
انصحج تاخذين الليسن لان الحين التقديم وهذا تقريبا حوالي 3000 ويا كل شي وسمعت انه بيكون التسجيل حوالي 6000 عالسنه اليديده 
واذا بغيتي اي استفسار كلميني
وبعدين سرت مدرسه تعليم القياده اجباري دفعت 780
وعطونى اربع حصص اربع ايام اختيارى الوقت واليوم انا خذيتهن ورا بعض عشان اخلص
وخامس يوم امتحان نظرى ونجحت فيه الحمدلله وكل شئ موجود فالكتاب الى بيعطونج اياه
حق تعليم القياده وان شاء الله بعد العيد بدرب ويا مدربه وقدم على موعد امتحان تراى باذن الله
وعقب يقولوج سيري المدرسه الامارات….وتسجلين حق امتحان النظري وتسوين لج جدول تقريبا 4 حصص وعقب يمتحنونج..ويكلف تقريبا 780 جي..
ويوم تنجحين يعطونج شهاده تسيرين المرور مره ثانيه عسب تقدمين ع موعد تراي مال الليسن…
ويعطونج بطاقه خضرا عسب اتيبيلج وحده ادربج.. اللي بدربج بتشوف لو عندج البطاقه بدربج ولو ما عندج ما بدربج..
المهم بتعلمج لين اي موعد التراي عقب اسيري تسوين تراي|..وان شاءالله تنجحين
هاي اسهل..طريقه انج اتيبيلج وحده تعلمج…وتأخذ عليج فاليوم 45 دقيقه ب 50 درهم تقريبا اذا مب 100
حد يقول ممنوع لازم ادشين المدرسه هناك تأخذين العملي,,بس كله خررريط انا جربت
وسرت المدرسه لين ذلوني بمواعيدهم جان اطلع وايبلي وحده بتعلمني الاسبوع الياي..
واذا دخلتي المدرسه تتعلمين نظري بيكلفج 3000 تقريبا…
اذا من بوظبي صدج السالفه بتكون طويله
وانا اليوم خذيت الليسن الحمدالله افتكيت
اذا انتي فاضيه وماعندج لا دوام ولا دراسه
روحي قدمي وبالمره اتسلين عمرج
وبالتوفيق