شحالكم خواتي طبعا انا كنت ناويه انزل الموضوع من فتره بس كنت متردده والحين تشجعت اكثر بعد موضوع العضوه اسوار والعضوه ميثه المنهالي
مادري كيف ابدأ المهم انا يوم كنت في الثنويه تقدملي واحد من دوله خليجيه بس طبعا رفضت واخواني وخواتي رفضوا لانه اهله كله مشاكل وفوق هذا انا ماتصور اعيش بعيد عن بلادي واتلعوز المهم هذا الولد ولد اخت حرمة ابويه .. انتهت السالفه من زمان وانا خلصت من الثنويه تقريبا من 3 سنوات المهم انخطبت كذا مره ووتفركش الخطبه ومايصير شيء او الاهل يرفضون والحمد لله على كل حال وكل شيء قسمه ونصيب
المصيبه الكبرى حرمة ابويه دوم تحشرنا على سالفة الزواج كانها تبا تفتك منا هع علشان يخلالها الجو وتتحكم على كيف كيفها وعلى فكره نحن ماضريناها بشيء هيه بقسمها بس دومها رزه وتحب المشاكل طبعا وايدين يقولوا انها مسويه شيء في ابويه صح هو يصلي الخ ويحاول يعدل بس مع هذا مقصر في حقنا وحق امايه
ومايرضى علي حرمته .. المهم انا صح اصلي ويعني الحمد لله اخاف ربي بس الفتره بعد الثنويه تمييت اخورها وصرت اسوي اشياء وايد ومدمنة اغاني صح اودرهن فتره بس ارد مره ثانيه وغيرهن والحمد لله الله هداني وودرت الاغاني تقريبا من سنتين وابتعدت عن الاشياء الغلط الي كنت اسويها..
في فتره من الفترات اختيه نصحتني قالت لاتاكلون شيء من صوب حرمة ابويه لانها تمت تطرش اكل حق اختيه الكبيره وخصيصا حقها حتى البشكاره ماتروح الا يوم تبا تتاكد انه اختي تبا تاكله … المشكله انا ماكنا نربط هالشيء ودوم ناكل من اكلها عادي يعني .. المهم لاحضت اني كل مابا استمر في قراية سورة البقره اتم اسبوع او اسبوعين عقب اودر وماقدر اكمل كله نعاس وفوق هذا كان ينزل ماي مصحوب بدم خفيف وريحه كريه وماكنت ادري يعني من فتره اقول يمكن بسبب الاجهاد وماكنت اربط بهالشيء الا من فتره لاحضت انه ينزل ويزيد الفتره الي ابا التزم في سورة البقره .. وصوب خصري من الجهه اليمين دوم يعورني ..المهم تميت ادور في النت خفت يكون فيني الكلى ولا شيء وبالصدفه تميت اقراء موضوع عن السحر الخ وشفت الاعراض والي منها رائحة الفم كريه دوم والسهر واعصب بسرعه وألم صوب الجهه اليمنى . . والاحلام تطيحين من فوق ولا اسود او قطاو .. ضعف البصر والم في الضرس والاسنان … وطبعا كل هذا فيني واشياء ثانيه وهنيه بديت اشك انه فيني شيء ماعرفت شو اسوي قلت بطرش حق شيخ من موقع رقيه اسمه احمد بن سعود البلهيد .. وماشاء الله عليه ماقصر على طول رد على رسالتيه المهم قالي استمر على الرقيه لمدة 10 ايام … وهنيه بدات المعاناه اول يوم يوم سمعت تميت اصيح بطريقه غريبه وبدون سبب صياح صياح وخواتي بالغصب سكتوني .. ومره سعمت صوت ابويه ويوم طلعت في الحوش اشوف القطوه يايه تربع صوبي وحسيت بقشعريره فضيعه واشياء وايد ومنها النوم والسهر زاد والكوابيس مالها حد لدرجه اني مرات انش ومن الضيجه اتم اصيح وفوق هذا كله اصارخ واعصب .. المهم عقب هالفتره الشيخ ماقصر كان دوم متواصل وياي وعطاني رقم الشيخ هشام الهاشمي هذا عراقي في دبي وقال هو مابيقصر وياي وهنيه بديت اتعالج وياه كنت تقريبا احاول التزم بسورة البقره والرقيه والاذكار والاستغفار وعقب قالي بيطرش لي عشبه بعد ماسالني اسئله علشان يتاكد شوفيني بالضبط اول شيء ماخبرني بس انا كنت وايد ادور في النت وشكيت انه سحر ماكول او مشروب المهم
طلع كلامي صح في النهايه لانه هو خبر اخويه لانه دوم متواصل وياه .. وانا الحبيبه بديت اربط واستوعب
اذكر من فتره حرمة ابويه تمت تطرش لمدة 3 ايام اكل خصيصا حق مريم وانا هبله كنت اكل عادي .. وفوق هذا حلمت حلم انها هيه مسوتلي سحر مب حقي بس حق ابويه بعد وانا نتعالج منها .. ترى مرات يقولون تحلمين بالشخص الي اذاج في فترة العلاج المهم انا ماكنت ابا اشك فيها بس وايد اشياء تدل انها هيه. المهم بديت فتره العلاج العشبه اقسمها لمدة 4 ايام وهيه تخليج ترجعين ويمشيلج بطنج اذكر بالضبط اليوم هذا كنت رايحه بوظبي بيت اخويه علشان اكون مب في العين وبعيده عنهم وعلشان ماتشك هذيج اني اتعالج لانه محذرني الشيخ
وعلى فتره الضهر خواتي في الدوام واخوي وحرمته في العين وانا ويالبشكاره وقلت بسمع الرقيه وبعد الرقيه رقدت الله لايراويكم الحلم الي حلمته فضييع كابووس يعني لدرجه يوم نشيت حسيت انهم وياي كانوا ينانوه وانا احاول اشرد منهم وسبحان الله نشيت على وقت اذان العصر وتميت اصيح ودقيت على اختيه وعقبها طرشت البشكاره وحليلها هيه متدينه وتمت مشغله القرآن وحاولت حرمة اخويه واخويه واختيه يهدوني في الفون ويقولون انهم هذيلاك يحاولون يخوفني علشان ماابدا العلاج بس انا كانت عندي عزيمه وعارفه انه ابتلاء من رب العالمين وبصبر المهم اليوم الاول يوم بديت بشرب العشبه رجعت 3 مرات وطلع شيء نفس الحشره صغيره فيها جناح ووصخ اسود ماعرفت شوهذا وشيء نفس الدم خفيف وغير هذا فوق ال10 مرات رايحه راده على الحمام اكرمكم الله لدرجه اني طحت هناك وتميت منسدحه ومدوخه من التعب الفضيع الي فيني .. واليوم الثاني مره وحده رجعت ومشاني بطني .. واليوم الثالث مارجعت بس مشاني طبعا تميت اصيح اول بدون دموع وصوت غريب وتمن خواتي يقرن علي المهم على فكره مب انا الي كنت اصيح فهموها بروحكم …
راح اكمل تحت لانه السالفه طويله شوي
… المهم اليوم الرابع قالي الشيخ ماشرب العشبه و بديت في مرحله ثانيه اني اشرب زيت زيتون مقراي عليه ربع فنجان بعد كل وجبه من
واتسبح بماي ورد وماي مقراي في البانيو لمدة 20 دقيقه .. لمدة 3 او اربع ايام استمريت عقب زجمت وقلت مابا تسبح بهالطريقه تعب المهم قال الشيخ اهم شيء استمر على زيت الزيتون وتميت اسبوع تقريبا على هالحال اللهم يومين ماشربته .. وهالاسبوع طلب الشيخ انه اخويه يقراء على 3 اغراش ماي ويحطهن في الثلاجه المهم عقبها تميت على الكرسي ويقولي احاول ارفع راسي شوي واكتم نفسي واخلي حلجي مبطل ويكب الماي البارد فوقي وكنت احس بشيء يروح على فوق وهو المفروض اطلع هواء بصعوبه مادري كيف المهم هذي الطريقه ..
والمرحله النهائيه لازم ارد استخدم العشبه الي كانت حق اليوم الرابع وليش كنت استخدم زيت الزيتون لانه يساعد على تفتت السحر والعشبه راح تطلع الباقي … طبعا انا بعدني ماشربتها العشبه لاني بديت اداوم وصعب علي فقلت بشربها يوم السبت ان شاء الله وادعولي الله يوفقني واشفي من الي فيني .. وترى على فكره في فترة العلاج رد ابويه رمسني عن ولد اختها حرمة ابويه واونه بيشترط عليه يسكن هنيه طبعا انا كنت متاكده انه حرمة عداله وحاط سبيكر قلت له مستحيل ماريد وانا مافكر في الزواج حاليا .. الحمد لله انه ابويه مب من النوع الي يغصبنا على شيء … ههههههه والله حاله هو كان مالج على وحده وتفركش الزواج ومابغته ويبوني انا اضحي علشانه واتزوجه ؟؟؟ الحمد لله بعده عمريه 23 حق شو و ترى كل شيء قسمه ونصيب اخخخ يالقهر المشكله كيف نتخلص منها حتى احاول اطلع أي عذر بس علشان ماكل من اكلها يوم يستوي مناسبه ولا يوم يتيمعون كلهم ..
ياناس لاتلوموني لو شكيت فيها ومافي حد غيرها كنت شاكه بالبشكاره الي راحت عنا بس بعد مايخصه محد غيرها بعد فتره تميت اربط اشياء وايد … وعلى فكره معاملتها تغيرت مب شرات اول اعتقد بعد ماقلت حق ابويه ماباه حسيت وراها شيء .. وصح ازيدكم من الشعر بيت هيه من فتره رايحه المغرب علاج مع اخوها ووحده من اهلها والكل يعرف المغرب معروفه في سوالف السحر ..والمصيبه امايه اول كانت توقفلها ومره طاحت علينا مريضه زين ماراحت فيها تمت شهرين مرقده ويتها فتره ماتمشي عقبها الحمد لله صحت مادري والله اذا هيه السبب في ورى طيحتها لاني بصراحه بديت اشك فيها في كل شيء حتى الحين امايه عادي ماتقولها شيء لاتهش ولاتنش وهالي الكل مستغربنه !!!
ياجماعة الخير مادري شو تبا توصل له تباني ارتبط بولد ختها ولا مسوتلي سحر علشان تزوجني وتفتك مني ومن خواتي والله يستر بعد يمكن خواتي بعد فيهن شيء والله الشاهد علي اني ماحب اكره الناس وصدقوني ادعي لها بالهدايه واذا ماهتدت الله ينتقم منها دنيا واخره والله ماكنت اعرف انه في يوم من الايام بتكتشف اني مسحوره وبيصير فيني الي صار بس الحمد لله هالشيء قربني من ربي اكثر وناويه ان شاء الله في وظيفتي اليديده ابدا حياه يديده .. وحبيت ابشركن الحين ماحلم كوابيس وارقد بوقت وفوق هذا صرت ماعصب وايد وماحب اتم بروحي شرات اول ورديت ارمس ربيعاتي لاني كنت اول اطنشهن بس مسجات ..وادعولي بالرجل الصالح وانه الله يفكنا من كيد الساحرين . وانا كتبت قصتي علشان نتبهون على عماركم ماتثقون باي حد والي يشك انه فيه شيء يتصل ولايدخل المواقع حق الرقيه الشرعيه ويبدون يعالجون عمارهم ومايستسلمون صح العلاج كان بالنسبالي صعب بس الاهم انك تعيش مرتاح وتحس انه هم وانزاح وانه الله ماينسى عباده.
وعلى فكره حرمة اخويه بعد طلع مسولها سحر وتتعالج بعد عند الشيخ وهيه كانت متزوجه من اخويه 8 سنوات ومايابوا عيال ومن فتره الحمد لله بعد ماراحوا الحج حملت ويابت تؤامين فدييتهم ربي يحفضهم ان شاء الله.
الله يعافينا ويعاافيج و يكشف الشر عنج إن شاء الله عاجلا غير آجل يارب..~
وعليج بالرقية الشرعية وسورة البرة والاستغفاااار
المشاركة الأصلية كتبت بواسطة بيني و بينك 
هلا والله ختيه بيني وبينك وتسلمين على الدعوه الطيبه
وامين الله يسمع منج