رجعتلكم بعد ما عرست والحمدلله عدت ليلتي وكانت من أحلى الليالي بشهادة الكل
باختصار احب اخبركم عن عرسي وعن تجهيزاتي الي ذكرتها من قبل عشان تتذكرون
طبعا كل تجهيزاتي تمت على مايرام والحمدلله
مكياج عرسي كان عند بتافيا في العين وبصراحه طلعتني أميرة فعلا طلعتني مثل ما كنت ابا واحلى ،،،مع اني كنت خايفه انه ما يعيب اهلي واهل ريلي لكن الحمدلله الكل عيبهم
الحين ببدا الشرح عن ليلتي
أراد الله عز وجل بأن يتمم علي فرحتي وفرحة أهلي وأهل ريلي والحمدلله
تجمعو المعازيم في فندق أنتركونتيننتال في العين يوم السبت 10/07/2019
كان تجمع أثبتلي هذا التجمع حب الناس وتقديرهم وشوقهم ولهفتهم بانهم يشوفوني عروس،،، كانت قاعة عرسي يسودها الحب والهدوء ومزيج من الرومانسيه
أما عن كوشتي المتواضعه الي أضافت لها الإضاءات الرائعه الفخامة، المغطاة باللونين الأسود الكاتم المخملي والفضي المضيء والكرستالات المتدلـله وأحلى أنواع الورود
اما عن البخور والعطور الي عم وفاح في أرجاء تلك القاعه منتظر قدوم صاحبة الأنفاس الهادئه
وبدا العد التنازلي وتزداد دقات قلبي المختلطه بنوع من الفرحه والرقه والإبتسامه الراعه والنضرات البريئه
نزلت وامشي بالهون على زفة من اهداء …. كلام رائع هادئة سكون وهدوء الضيوف الكرام ولهفة بكل عين تناظرني ،،، ابتسامتي وعيني كانت على أغلب معازيمنا الكرام أبحث عن الغاليات من أهلي وصديقاتي
احساس فعلا رائع بعد ما وصلت الممر كل بنات الأهل الصغار ماسكين سلال ويرشون الورد صح كانت حركه جديمه بس كان اهم شي عندي فرحة اليهال تقربا 10 بنات او اكثر الله يحفظهم
كنت احس نفسي اميرة،،،، لا ملكه،،،،، لا نجمه،،،،، لا قمر،،،،،، لا لا لا هذا مب وصفي لنفسي هذا وصف الحضور والأهل لي
وقبل نهاية الحفل
دخل المعرس وعلى يمينه ويسارة كل النجوم اهله واهلي كلمهم رجال وشباب وعيال ما شالله عليهم ترسو الكوشه وما كان في مكان واختنقت من الحر ،،،، بس كل شي يهون لأجل الفرحه الكبيرة
حسيت بفرحة الجميع،،،، حسيت بحبهم،،،،،
عسا ربي يجعل ايامنا كلها افراح ومسرات
وعسى ربي يتمم لكل عروس فرحتها
وعسى ربي يرزق خواتي وخوات ريلي وبنات المسلمين كلهم وما يحرمهم من هاللحضه
ونصيحه مني لكم خواتي
تواضعو وارضو بالقليل والبسيط والمعقول،،، وشوفو كيف فرحتكم بتكون
واسمحولي بنات ع الإطاله واني ما حطيت صور ما اعرف انزل الصور وانا اتواصل معاكم على جهاز الدوام
واقولج الله يوفقج في حياااتج ويرزقج الذرية الصالحه
وربي يوفقج ويسهل عليج امورج ويرزقج الذرية الصالحة آمييين يارب
^____^
تستاهلين كل خير وربيه يجعل حياتج كلها سعاده فسعاده
(
)
تحياتي
بس نتريا الصور