ليش نعيش زمن خلى من الاخلاق الساميه في التعامل

تعلمت من صغري ان اساس اي تعامل او تخاطب مع الناس هو الاخلاق الساميه ..الذوق ..والادب
الرد على اي شخص صغير او كبير …الاحترام والابتسامه الطيبه …لاكني اليوم كبرت وانصدمت بواقعي ..يوم عن يوم …استغفر الله مافيه حتى ادب …والله اني اول مره انحط بها الموقف …اللي خلاني اكمل اسابيع وانا افكر …وماعرف الرقاد …اول مره في حياتي حتى يغبط علي بها الاسلوب اللي كل كلمه فيه اخيس عن اللي قبلها…وخاصه اني كمن ارد على كل كلمه بادب واعتذار عشان احصل كلمه ادب وحده او ان الشخص المقابل يستحي ..من ردة فعلي …بس لاحياة لمن تنادي …وصدمتى الاكبر…لما يكون هاالكلام من حرمه..يعني انثى…يعني ..ام واخت..واساس المجتمع وايد سمعت عن هالاشكال …لاكني ماصادفتها لاول مره اصادفها …والله يسامح اللي كان السبب…يمكن تبون تعرفون شو السالفه ومستغربين من كلامي …لاكني مقهورة من ناس جذيه …السالفه ان كانت عندي مشكله وحده من ربيعاتي طرشتني ع حرمه وقالتلي انها بتساعدني…بس انقلب العكس …هالحرمه باسلوبها سودت الدنيا بويهي …باسلوبها …تصدقون اول مارديت عليها سلمت وقلتلها اسفه خالتي ع الازعاج بس ابغي منج شغله بسيطه …مالحقت وكلتني بقشوري وماخلت كلمه خايسه ماقلتها لي وانا اقولها ياخالتي انتي ماتعرقيني ومابيني وبينج شي بس بعد تمت اتصول وتحت …على من غير اي سبب غير اني اتصلت ..مهما كانت الظروف ..بس عمري مابغلط ع انسان جيه …وكلام وسخ …والله اني انصدمت انه غيه حرمه تتكلم بها الاسلوب وفي نهايه المكالمه اعتذرت منها لاني اتصلت …وللاسف بعد جرحتني بكلامها …الله واكبر واستغفر الله وين عايشين نحن كيف…فيه مربية اجيال وزوجه بها الاسلوب .والله للحين مصدومه وافكر
ياترى انا غلطانه والا انا ماعرف اتعامل مع هالناس وباسلوبهم …وياترى كيف اتعامل معاهم لو صادفت اناس بها الصوره في حياتي اليوميه
ياترى مطلوب مني اكون اقوى من جيه ..قولولي والله احترت بها الزمن والناس

انتي لو سكرتي في ويها وهي يالسه تسب احسن

في هالزمن اللي مايحترمج لا تحترمينه

الغالية لا تيلسين تفكرين فيها وايد والله ماتستاهل

لان لو انج انتي غلطتي بكلمه او بتصرف المفروض ماتكون هاي ردة فعلها تجاه وحده ماتعرفها و اول مره تكلمها!

الله يعينا على هالزمن والله

زين انج ما رديتي عليها عشان ما تكونين اخس عنها

ويمكن هاييج تحس في سوم من الايام ع دمها

وتلقى اللي يعاملها بالمثل وتندم ع اللي سوته فيج

زكلي امرج لربج

ولا تطلبين شي من فلان وعلان

كل همه نفسه

الجأي لربج واسأليه وهو ما يخيب ظن عبده

والله ييسر امرج ويحل مشكلتج وتلقين لها مخرج

الله المستعان حبوبه خليها على الله ولا تخلي هالامور تاثر عليج حبيبتي

ماكنت افكر مول احط مشكلتي
لاكني لما لقيت الردود حسيت ان الدنيا بخير …مشكلتي اني عنياتي …والله مافكرت اغلط حتى ع انسان كيف وهي غلطت علي من غير سبب حطي نفسج ..لو وحده اتصلت فيج وكان اسلوبها احترام وادب
كيف بيكون ردج …

تسلمين اختي دلوعه فزاع والله ان ردودكم ريحتني …

ماقدر اكون نفس اللي يعاملني لازم اكون احسن منه …لان اجري عند الله …بس انا انصدمت من ردها
ومشكوره الغلا ع الرد