ليش طلقوو ؟ وكيف ومتى وشحقا والدوافع والاسباب

بغيت اتكلم عن شغلة بصراحة واايد تزعجني مثلا في شخص اتزوج وطلق لازم الناس فيها فضول تعرف ليش طلق ؟
وقسم بالله كل مانروح عند حد نستانس لاااااااازم ايبولنا طااري الطلاق ليش وكيف ومتى وشحقاا
وماعرف شو اقولهم بصراحة يعني شو ارد مثلا اقول لا هو مينون ولا هي المينونه
بصراحه انتو ماتحسون ان هااشي عيييييييب والله صدق احس عيب والله استحي على ويهي
اذا قلت حق حد ليش اطلق فلاان استغفر الله نااس ماتحس على دمهاا خلاااص راح الحيا ماشي احتراام ابدا
الكل يبي يعرف ليش وكيف واذا قلنا مانعرف يقولون معقووولة ماتعرفين شسالفة
ويلسوون يفسروون على كيفهم
اشكره يحطون علىى الشخص جدااامي مافي اي احتراام لي ولا جنه في حد
يالسة جدامهم
كرهت الناس وكرهت الطلعة وسبة هالسؤال قمنا انخاف انزوج حد من عيالنا
وسبة اذا اطلقوو ولا شي
ميت سوال استجوااااااب استغفر الله من هالمجتمع الي ماافي خصوصية ابدا
ليش الكل يبي يعرف شو الموضوع
ليش فلانة اطلقت من ريلها وليش فلان طلق حرمته هاااااااااااا انا عرفت
اكيد هي مب زينة ولا هووو محترم ومافي احسن عنه
ولا وحده اترد عليهاا لاااا بالعكس هي احس حرمة وحلوة وكل شي وهو
انسان اناني
يااااااااااااااااخي انتوو شو يخصكم في النااس يطلقون يتزوجون
يموتوون كيفهم مايخصكم افففففففف
شي بين الريال وحرمته استوا خلااف طبيعي يستوي وطلقوو ماشي نصيب
انزين ليش تساليني شو الموضوع سيري عندهم قوليلهم ليش اطلقتوو

واذا في وحده دخلت هالموضوع اتحس انها من النوع الي يحب اخبار
ونقل الرمسة من بيت لبيت وطلقت فلانة والتعنت فلانة وماتت فلانة
بي يوم تراا جي بيستوي فييج وبيقولون عنج مثل ماقلتي عن الناس
واذا مب فيج فعياالج والله فوووق ترا يراااقب ولا تيلسين تحكمين على النااس
شوفي عيوبج بعدين شوفي عيوب النااس
بس في النهاية سؤال يقرقع في قلبي ابغي اسالكم اياه
ابغي اعرف هل هاشي صح ولا انا المينونه الي ماافهم
الحين مب عيب تسالين ليش اطلق فلان او ليش اطلقت فلانة وشو السبب ؟
واذا حد سالكم هالسوال ابغي اعرف شوو اتجاوبووووووووون

الهدف من المووضوع انج تتعلمين ماتسالين ليش اطلقت وكيف ومتى واتسبين ريل البنت عشان اتراضينها شدراج يمكن هي ماتبا بس غصب اطلقت والعكس نفس الشي عند الريال لا تقولين ريال عادي بدال الف وحده لاا حبيبتي الريايل بعد كتلة من الاحاسيس لا تغرج المظاهر الهدف
انج اتوااسين الشخص واتقولين الله يعوضج خير بدال لا تيلسين اتزيدين هم الناس
بليزز بنات اي وحده تبا اترد فكري في الكلام ميت مرة قبل لا تكتبينه لان في رب فوق راح يحاسبج على كل كلمة واكتبي كلاام انتي مقتنعة في ذاتيا وولا جذبين على عمرج وعلينا وتخلين عمرج مثاليه في يوم من الايام ترا بينكشف الستار وبنطالع بعضناا ..
اتقبل اي رد سواء كان قاسي او بناء >> لاني ماراح احاسبج ربج فوق يطالعج

لا انتي مب مينونه بختصاار هالشي عييييييييييب

واذا حد سالني بقولة ماعرف السبب صرااحة

الحمدالله ارتحت يعني في حد وياي

الله المستعان المشكة وين ما نروح الفئه موجوده وماراح اجاملج بس صدق انا ماحب هالنوعيه واتجنبها ويجبرونج انج ترمسين ويضغطون عليج ويحورون لج السؤال الف مره ( كيف , لماذا , وليش , ومتى ) يعني تلقين السؤال هو نفسه ينعاد امية مره بس صيغة السؤال تختلف ويتمن يسأل وماشي يشفي فضولهن ويسالن الخوات والام وحتى عادي يسالن البشكاره خخخخخخخ ويطابقن الاجوبه واذا شكوا في الموضوع يردون يتخبرونج مره واثنين والف

لين اخر شي تلقين روحج كاره الطلعه والوناسه <<ياخي ارحموا الخلق من لسانكم ترا هاي اسرار بيوت عيب تسالن فيها .

يارب كل وحده تتعمد تحرج الخلق باسالتها يصير فيها نفس الموقف ويتمون يالونها عسب تجرب الغصه

موضوعج حلو الغاليه ويستاهل النقاش ويليت الكل يشارك

سؤال المحكمة هذااا غيييييييير وهذا حق عشان يصلحون من بينهم

بس اغلب الناس يسالون من باب الفضول القاتل الي فيهم مب من شي ثاني

هلا فديتج ..

هيه والله حتى البشكارة يسالونها هههههه

مافي رحمة ابدا للناس بروحها طالعة من مصيبة خلوها لا يزيدونها هم فوق هم

ماااااااعليه الدنيا دواارة يوم لك ويوم عليييك وبي يووم بيجربون الغصة على قولتج