شحالكن ؟ عساكن بخير
بندش فصلب الموضوع ,,, بنات انا من شهر وشوي مالجه و الصراحه يوم اروح السوق ويا ريلي و اخواني تصير لي مواقف والله مانحسد عليها الموقف الاول وصار قبل 3 ايام …
يوم كنت فالسينما عسبت نحجز تذاكر الا اشوف وحده ترمس اربيعتها فالفون واطالع ريلي من فوق لين تحت وشوي بتاكله ولا بعد تاكل لبنان وتنقعه وتسوي اصوات متت من القهر واحمد الله اني ماصفعتها بس يوم شفتها تطالع جسمه ماقدرت ايود عمري لا وبعد تطالعني ولا جني موجوده وعقب تتبسم له وهو حليله مانتبه لانه مشغول فالفون يرمس اخواني المهم عقب ماخلصنا من الحجز رحت انا صوبها والا ادزها بالقو وطالعتها من فوق وقلت لها ابوس سوري واحلى شي انهنا كانت وشوي بطيح ابتسمت انا والا اشوف ريلي عصب علي يقولي ليش اتسوين جيه ليش تنزلين مستواج لوحده خايسه بالعكس انتي جيه عطيتيها اهتمامج وهي حرقتج بغيت اصيح لانه تضايج مني وقعد اذكره واقوله عيل يوم حد يسوي لي حركات ويشوفني ليش اتعصب وتروح تضاربه و تتناقع معاه ولا انت انسان وعندك مشاعر وانا لا وعشانك بعد لبست النقاب وناا صغيره وعمري 17 تم صاخ وقعد يهديني ويقول لي اشياء تضحك وعقب هدينا ورحنا نشوف الفلم فيوم ظهر من الفلم عسبت يروح اييب لي ماي رد وهو معصب يقولي نفسها الي تمت اطالعني شفتها وسوت لي حركات وقعد يقولي انا اسف ومالومج بس المفروض تحقرينها لان هالخايسه المفروض مانضيع وقتنا ونحن نتكلم عنها وحتى لو ماسكتي عنها خايف عقب كل ماطلعنا تصير مشاكل وعدا الموقف الاول على خير
وثاني موقف وهالموقف احترقت منه وحتى ريلي واخواني انقهرو من هالبنتين
المهم رحنا المطعم وقعدنا وطلبنا الا اشوف وحده من البنتين تفج الي يشبه الستاره شوي و تبتسم وتسوي حركات وهالحركات كانت حق ريلي وعقب حق اخواني صج قلة ادب فعمري ماشفت بنات بهالاسلوب الماصخ وانا قاعده اشوفهن منصدمه ومب مستوعبه حتى ريلي عقب سوينا طاف ويوم قلت حق ريلي هاييل خايسات عسبت جيه مابخيس الساني اشوف ريلي استانس على كلامي وقالي ماشالله عليج كبرتي انا استانست بس من داخلي محترقه الا ونحن ناكل قاعدين يرمسون بأصوات كلها مياعه ويضحكن بصوت عالي ريلي عصب وانا رمست المدير وخبرته وقالي بيتصرف بس للاسف ماراح لهن ولا قال لهن اي شي انا تميت صاخه وماسكه اعصابي اخوي تم ينغزهن برمسه الا واشوفهن صخن عاد نحن عقب ماسكتن رتحنا عقب ماخلصنا رحت التواليت الا اشوف وحده منهن كانت هناك المهم شفتها من فوق لين تحت وهي كانت خايفه ومنزله راسها تبي اطوف لان المكان كان ضيق بس انا عقب ماغسلت ايدي تميت اعدل شيلتي وهي تقول لو سمحتي شوي وانا عطيتها نظرة وتمت صاخه وواقفه فمكانها لين مانا خلصت وعقب ريلي ان الي وياها كانت تسوي حركات
وانا كل مانظهر معاه احس بضيق والله واتمنى اني ماشوفه برع البيت عسبت ماتصير مشاكل بس لين متى بتحمل ومب عارفه شو اسوي ,, اسمحولي خواتي طولت عليكم و غثيتكم بمشكلتي بس ربي الوحيد الي يعلم بالحرقه الي ففوادي
لا تحسسين انهم ايشوفون ريلج….بالعكس انتي استانسي معاه لان احلى شي فتره الملجه…… الله يسعدج معاها…..
عــــيـــمـــيـــه دبــــــــــي
2024
الحياة جدامكم وبعدج بتشوفين وايد من هالنوعية ،،
وترى في بنات يتصرفون جي من باب التسلية بس ،، يعني يبون يقهرون ويستانسون يوم يشوفونكم مقهورين
فـ احسن حل انج تحقرينهم ،،
لانهم بالفعل (( أحقر)) من انج تعطينهم من انتباهج ومشاعرج ،،
خلي مشاعرج مركزة على ريلج وبس ،، والباجي ماعليج منه
بالتوفيق
بس اقتنعت بكلامكن وان شاء الله بيطبق