لو غطيتي وجهك . كيف بيكون المجتمع ؟؟؟؟ استفتاء

تعتقدون لو كل وحده فينا تسترت واتغطت زين يوم تطلع من بيتها وغطت وجهها …….. كيف بيكون حال المجتمع

كل وحده تقولي توقعها ؟؟؟!!!!

السلام عليكم ورحمة الله وبركاته

بترجع عزتنا .
لان الوحدة ما بتتغطي الا بعد ما تكون تشبعت من الداخل بالايمان ويكون الاقتناع والاستسلام الداخلي في قلبها لله سبحانه مب لفلان وعلان وعشان الناس ما يقولون(يعني شرك مصغر)!!!!!!!!!!!!!!!!!!!!!!!

شوفي عندي مثل بسيط

في المدرسه يوم ناخذ امتحان شو تكون العلامه الكامله؟ اكيد 100/ 100

فالغطاء الكامل مثل 100/ 100 اذا كان تحته ايمان كامل

وبعده تأتي الدرجات الثانيه
يعني وحده كاشفه وجهها وطيبه وتقوم بالفروظ ومحترمه ممكن تاخذ علامه زينه بس هل بتوصل لدرجة الاولى
( يعني اتقي الله ما استطعت) وكلنا قادر اذا قدره الله وطلب الهدايه من الله
وهكذا

يزاج الله خير ام الطيبين …. وما قصرتي
وما شاء الله عليج المثال اللي حطيتيه رائع
انا عني الحمدلله اتغطى … والبس عباة راس …. بس كتبت هالموضوع بغيت الكل يتفكر في لو انه كل وحده غطت وجهها …. شوه بيكون الوضع

قولي كل شي تتوقعونه
…. كيف بيكون حال الشباب
الازواج
الاطفال
اي شي قولووووه

انا اتوقع بتخف نسبة المعاكسات بدرجه كبيييييييره

والله لو كل وحدة تغطت زين ومب شرط انها تتغشى المهم انها ما تتبرج يعني ماتبدي زينتها جدام الناس

واذا كل وحدة غطت وجها عن الناس والله بيصير مجتمعنا خالي من هالحرام والمغازل اللي صاير

ومشكوورة على هالموضوع والبنت اللي تلبس عباة راس وقفازات وزليغات سود الناس كلهم يحترمونها

والله لاحظت هالشي وعلى فكرة انا البس عباة راس و…..التكملة عاد انتوا تعرفونها الحمدلله ربي من علي بالستر

الحمدلله ربي لا يغير علي

لو كل وحده تغطت جان بيسود الاحترام بين افراد المجتمع وبتختفي ظاهرة المعاكسات وبيكون اتجاه شبابنا وبناتنا غير بنشوف المبدعين والمبدعات في كل المجالات بيكون همهم الابداع والتطور والتميز ولكن الي صاير شبابنا وبناتنا حابسين انفسهم في قوقعه الا مبالاة لانه همهم الهياته والمغازل في السنترات ومافي وقت عندهم لاي شي ثاني ..

بتقل نسبة الطلاق في المجتمع بيكون الزوج مثالي والزوجة مثاليه وبيكون الاحترام والثقة متبادلة بين الاثنين وبيختفي الشك من كلا الطرفين….

وبالتالي ستكون البذرة صالحه ويتربون على المبادئ والاخلاق والقيم و علية سيكون المجتمع خالي من الاحقاد وسيسود التراحم والمحبة والترابط بين الاسر..

همسة في اذنك اخيتي…
عودي ابنتك لبس الحجاب في سن الصف الرابع الابتدائي الى ان تصل الى سن الاول اعدادي عوديها ان تغطي وجهها سيكون بالتدريج اما اذا طلبتي منها فجأة ان تتغطى ستخجل وسوف ترفض لبسه..

أخيتي لا تقولين بنتي بعدها صغيره على الحجاب وتكبر البنت وتقولين بنتي صغيره على الغشوه ….
احترق لما اشوف الام متستره ومتغشية وجنبها بنتها بدون غشوه والميك اب تارس ويها والبكله طالعه والشباب وراها يتغامزون…

كيف ترضين لبنتج هذا الوضع ……

دائما ما اعجب بتوقيعك وها انتي تشاركين في موضوعي ….. والفخر لي بمشاركتك

جزاك الله خير