السلام عليكم ورحمة الله وبركاته
خواتي من كم يوم رحت العين مول واشتريت شاي أخضر أكياس مثل أكياس السكر الأسمر تلقينه يبعونه في كشك ثمنه ميتين وستين بس كلمة روعة روعة روعة قليلة الكيس الصغير عن خمسين كوب من الشاي الأخضر وتشربين منه كيسين في اليوم أنا يربته تقريبا اسبوع يسد النفس عن الأكل وتحسين بطنج يخف وتحسين بنشاط صدقني بتدعلي وبيكون معاه البرشور ماله ومكتوب انج بتنقصين في الشهر من ثمانية لين عشرة رطل عاد ماادري بالكيلو كم الي ثقافته رطل تخبرني وبعد انه يحمي من أمراض وايده ومنها عافانا الله المرض الخبيث لأنه يمنع الأكسدة وفوايده وايده ونحطيه في غرشة ماي بارد نص لتر وترجينه زين وتشربينه والكرتون يكفي لشهر وداخل الكرتون نكهات يعني شاي أخضر بنكهة البرتقال والمانجو والطبيعي وأي سؤال أنا حاضرة بس لا تنسون المشي لو في اليوم نصف ساعة عشان الصحة قبل كل شي لان الضعف صح مهم بس صحة الانسان هي الأهم والأمراض الحين عافانا الله تي الانسان بلا سبب
خواتي من كم يوم رحت العين مول واشتريت شاي أخضر أكياس مثل أكياس السكر الأسمر تلقينه يبعونه في كشك ثمنه ميتين وستين بس كلمة روعة روعة روعة قليلة الكيس الصغير عن خمسين كوب من الشاي الأخضر وتشربين منه كيسين في اليوم أنا يربته تقريبا اسبوع يسد النفس عن الأكل وتحسين بطنج يخف وتحسين بنشاط صدقني بتدعلي وبيكون معاه البرشور ماله ومكتوب انج بتنقصين في الشهر من ثمانية لين عشرة رطل عاد ماادري بالكيلو كم الي ثقافته رطل تخبرني وبعد انه يحمي من أمراض وايده ومنها عافانا الله المرض الخبيث لأنه يمنع الأكسدة وفوايده وايده ونحطيه في غرشة ماي بارد نص لتر وترجينه زين وتشربينه والكرتون يكفي لشهر وداخل الكرتون نكهات يعني شاي أخضر بنكهة البرتقال والمانجو والطبيعي وأي سؤال أنا حاضرة بس لا تنسون المشي لو في اليوم نصف ساعة عشان الصحة قبل كل شي لان الضعف صح مهم بس صحة الانسان هي الأهم والأمراض الحين عافانا الله تي الانسان بلا سبب
وعليكم السلام ورحمة الله وبركاته
تسلمين الغالية
ممكن تخبرينا شو اسم الجاي بالضبط ؟
شو مكتوب عليه ؟
يمكن نحصله برع العين
وان شاء الله خير
والسموحة منج الغالية
شو اسم الكشك حبوبه واسم الشاي وانا مرضعه اوكي اشربه او لا ؟؟؟
حبياباتي اسم الشاي Green tea HP واختي اسمحيلي ما أدري اذا المرضع ممكن تشربه تقدرين اتسألين الصيني الي يبيع الشاي وبعدين المحل في الطابق الأول بالضبط ما أذكر .
والله وايد حلوه بس يخوف لانش ما تدرين شو حاطين في هذا الكيس والناس تتسبب للامراض ……..مره استخدمت اعشاب وانا انسانه وايد اخاف من هذي الاشياء بس يوم شفتهم متكلمين عنه في مجله طبيه استخدمته وبعد اسبوع رحت اسوي فحص دم على شان الكلسترول قالي الدكتور عندش ارتفاع في وضائف الكبد ..وبعدين قال تستخدمين اعشاب ….قلتله نعم اعشاب تنحيف وطبيه ..ضحك الطبيب وقال هذي الاعشاب اضرارها اكثر بكثير من نفعها ليش ما ترتبين اكلج مع المشي وحتى اذا بتنزلين شي بسيط مع المواصله بتنزلين شوي شوي …ولاتيبين لنفسج امراض ماتقدرين تتخلصي منها …وسامحيني لاني حطمت معنوياتج والله حتى انا مثلج اريد اضعف بس شو انسوي الله يعطينا العزم ونضعف بالرياضه والاكل الصحي …واذا خوفتج روحي مختبر وفحصي محتويات الاعشاب
اختي هذي الأعشاب فيها رقم التصريح الطبي يعني مفحوصة من المختبر وبتلقين على الكرتون رقم التصريح وهي شاي أخضر بس مركز انتي شوفي الصينين كيف أنهم يعمرون وكيف صحتهم أصلا حياتهم الشاي الأخضر ومحافضين على أكلهم مش مثلنا تقول خلاط اسمنت كل يمشي عندنا وسلامتج
الغالية ممكن تنزلين صورة علبة هذا الشاي….