حبايبي
توني كنت مندمجه اقراء المواضيع و 95% عن خيانه
الازواج عافاننا الله و بعيد الشر
كلهم علاقات محرمه اللي هي الزنا و عقوبته رجم
حتى الموت للمتزوجين اللي عندهم
زوج او زوجه يفرغون طاقتهم بعيد عن الحرام…
و لكن ليش كل الردود او اغلبيه ردود البنات لصاحبه
المشكله اللي زوجها خايننها
بعلاقة زنا
اصبري الغالية و ادعي الله يهديه
الصبر زين حبيبتي و ادعي الله يحفظلج ريلج و يعيد لج و العيال
غاليتي عليج بقيام الليل و لا تخلين ريلج يروح من ايدج
لا تتركينه لغيرج
لا تتركينه لغيرج
(كأن الرجل يكفي شكله الرجولي لا غير و هو رجل دام قادر على
العلاقه الزوجيه)
عزيزتي ما لج الا تغرينه و تتلبسين و تتدلعين عشان يردلج
اختي اتقي الله شو بعد ابغي اتطلق ؟؟ فكري بعيالج و بيتج و ادعي بجوف الليل ريلج
يترك بنات الحرام و يردلكم
عزيزتي شو بعد بتتطلقين؟؟ ابعدي هالتفكير من مخك
اهم شئ تستخدمين سلاحج الانثوي و كل يوم تطلعين جدامه شكل
لين ما يترك الكل عشانج…
( كأن الحياه كلها علاقات لا غير )
ناااااااادرا وحدة تكتب انتي يجب تتركينه كي لا سمح الله لا يقبض
ايدز او سيفلس و يعاديج…
و نادرا نشوف مشاركه تقول:
اختي الغالية العيب فيج ربما انتي ما سويتي اللي عليج و هو خانج…
و ابدا ما نشوف مشاركه تقول :
الزنا حرااااااااااااااااااااااااااااااام و الرجل اللي يزني يجب تركه ان ما تاب…
و لكن تعالوا شوفوا ان وحده كتبت الزوجه خانت الرجل…
طبعا كلنا نعرف مثل هالمواضيع ما تنكتب بمنتدياتنا لان صاحبه الموضوع بتناكل بقشورها
غير اللي الموضوع بينحذف بسبب سب البنات لها و
يحسسونها هي العاهرة اللي ما في من
بعدها عاهره في العالم و هي لعوبه و هي ما
تستاهل تكون زوجه و ما تستاهل العيش في ا لكون
طبعا ماله لزوم اكتب الحرام حرام للجنسين
و مافي داعي اخبركم قصدي من كتابه الموضوع مب الدفاع عن النساء لان الزاني و الزانيه
محد يدافع عنهم و هم ظالمين انفسهم و يستاهلون عقاب الدنيا و الآخره
و لكن انا اتكلم عن عقلياتنا
تخيلوا ان وحده حطت هالموضوع شو بنسوي فيها؟ او بالاصح شو بيسوون فيها؟؟
و لكن هل نحن تعمقنا نشوف شو سبب الخيانات؟؟
الرجال ما عندهم حجه للحرام و الزنا
لان الله محلل لهم 4 و تعرفون رجالنا ما يعرفون شئ
عن الدين اللهم التعدد
و مب مهم يعدلون او لا .. و لكن على الاقل بيمنعهم
من فعل الحرام و الخطيئة
يعني انحلت مشكله الرجل و لا ييلس يتحجج ما عندي فلوس اتزوج بزني !!!
اتزوج باي جنسيه بدون اي مصاريف
بتتبقى الحرمه
باعتقادكم شو سبب خيانتها؟؟
هل الطيش و لا مبالاة و البعد عن الدين
او هالاشياء + عدم اهتمام الرجل فيها؟؟
طبعا حتى لو الرجل ما يهتم مب حجه تروح و تسوي
علاقات محرمه بل عليها تطلب خلع و تتزوج غيره..
بس ككل انا اشوف هذا هو السبب
عندي قصص حقيقية بس اخاف الموضوع يطول و يمللكم
و كل القصص سبب خيانه الزوجات ,, كان عدم
اهتمام الرجل + خياناته و علاقاته
و المجال مفتوووووووووووووووح
للنقاش و الضرابه و الاكشن
(( الله يبعد شر الحرام عن نساءنا و رجالنا
شبابنا و بناتنا ))
آميييييييييييييين
ياذا الجلال والاكرام ادعوك باسمك الاعظم الذي اذا دعيت به استجبت ان تعطيها من خيرك الكثير خيرك الذى لاينضب وان تعطيها خير يومها هى واهل بيتها وابعدهم عن شر مافيه انك يارب سميع الدعاء
هي والله واذا الحرمه اطلقت رمسو بس الريال عادي بروح ياخذ الف وحد واذا الحرمه ماتيب عيال يا بطلقها ولا بياخذ عليها لكن لو الريال مايب عيال بقولون لها اصبري عيب تطلقين
هذا هو الحرمه بمجتمعناا لازم تصبر واذا اتطلقت العيب فيهاا ؟؟؟؟؟؟
اوافقج الريال ومستغربه من الحريم فمجتمعاتنا يقبلون المذلة والاهانه بكل بساطة وين كرامتج وين كبريائج
يااقلبي مو لشي ولا هي تفرقه بين التفكير
بس الريال يطلب الاشباع اكثر من الحرمة وهو معرض لهالشي اكثر والمغريات كلها حواليه
و بعدين البنت كرررامة وتشل سمعت اهلها وسمعت ريلها مب سمعتها وبس
يسلمووو ع الموضوع الحلووو
بس صعبه تساوين الريال الي يخون بالبنت الي تخون
الريال بطبعه ما تكفيه بنت وحدة وعشان جي الشرع حلل اربع
اما ان البنت تخون وتقول لان الريال يخون ؟؟؟؟
هاي قوية الصراحة ..
وانا عن نفسي وايد اكره الي تسكت عن حقها وتتعلث بعيالها
واتم ساكته وريلها يخونها ويلعب من وراها كل يوم
لو انا .. من اول خيانه بغير معاملتي له 100 %
ما بسامح بس بطوف ..
اما ثاني مرة .. طلالالالالالالالالالاق على طول
الريال بطبعه ما تكفيه بنت وحدة وعشان جي الشرع حلل اربع
اما ان البنت تخون وتقول لان الريال يخون ؟؟؟؟
هاي قوية الصراحة ..
وانا عن نفسي وايد اكره الي تسكت عن حقها وتتعلث بعيالها
واتم ساكته وريلها يخونها ويلعب من وراها كل يوم
لو انا .. من اول خيانه بغير معاملتي له 100 %
ما بسامح بس بطوف ..
اما ثاني مرة .. طلالالالالالالالالالاق على طول