أنا مرة كنت قاعدة افكر، و ما ادري كيف قمت افكر فها البنات اللي يحبون يلبسون شرات الممثلين والمغنيين
يعني البنات خاصة اليهال استوو يحبون يلبسون شرات هانا مونتانا مثلا
والكبار يحبون يلبسون شرات اليسا
لما سرت شارع الرقة فدبي حصلت اكثر من ثلاث محلات يبيعون نفس فستان أليسا مال ألبومها اليديد
الحين في وحدة منكم جي تحب تلبس شرات مغنية او ممثلة او اي اعلامية معينة؟
أبا اسأل ليش يعني تحبين تلبسين شراتهم؟
يعني بشو تحسين؟
أنا عن نفسي ما عندي وحدة معينة البس شراتها لأني احس عادي اللي يعجبني
البسه
انتو شو رايكم؟
عني اي شي حلو ويعيبني البسه ماحب البس شرات حد
انا احب اخذ موديلاتهم مب لاني احب البس شراتهم فيه موديلات مميزه وغريبه
ما عندي حد معين.. اللي اشوفه حلو ويناسبني اشتريه ولا اسوي نفس الموديل
موضوعج حلو
ويعطيج العافيه حبوبه ^^
البنات بالذات واللي فعمر 12-18
تشوف الممثله الفلانيه الرول مودل لها
يعني تشوفها قدوه
فتحب تلبس نفسها
تحب تسوي نفس ستايل شعرها
تلبس نفس الاكسسواريز اللي تلبسها
وفي بنات يوم تشوف شي دارج تبا نفسه
لان الفرد يميل للجماعه
وطبعا المحلات تستغل هالشي
البسه
المشاركة الأصلية كتبت بواسطة sense miss 
البنات بالذات واللي فعمر 12-18
تشوف الممثله الفلانيه الرول مودل لها
يعني تشوفها قدوه
فتحب تلبس نفسها
تحب تسوي نفس ستايل شعرها
تلبس نفس الاكسسواريز اللي تلبسها
وفي بنات يوم تشوف شي دارج تبا نفسه
لان الفرد يميل للجماعه
وطبعا المحلات تستغل هالشي
انزين بس ليش؟
يعني الحين البنات ما ينجذبون للزي التقليدي بس يحبون يلبسون شرات الأجانب
بنطلون وقميص وغيره من اللي يشوفونه في المجلات والتلفزيون
اكثرهم يقولون لانه مريح بس أنا اشوف ان الزي التقليدي مريح اكثر
بعدين تقليد النجوم او اللبس شراتهم مو شي غريب في وايد ناس في كل انحاء العالم يحبون يلبسون شراتهم حتى النجوم قامو يطلعون ماركاتهم الخاصة
بس ليش ها الشي انتشر وايد في الامارات
شو هو السبب؟
هل لان الناس استوت تحب ها الشي؟
انزين هم ليش استوو يحبون ها الشي؟
عادةً المراهقات يحبون يقلدون الممثلات والمغنيات وإلي يعتبرونهم نجوم ..
بس المفروض الوحدة تكون مثل ماهي بإسلوبها وستايلها الخاص
وحلاة المرأة والبنت بحشمتها وسترها ..
كوني أنتِ كما أنتِ بدون تقليد أحد .