لكنّ يبقى غصْن لاشـْواق مَيـّاس على فرات َالحبّ يقهرَ حسوَدكـ ◄روتانا ياس

المكتب عن جريب

الفون هذا عند الشبريه ..

عاد هااه اهم شي عندناا ^^

وبديت ارتب بعض لاغراض اكره شي عنديه ابطل واخذ من الشنط بالعكس احب ارتب كل شي

العطر هديه من بووحنووبي حبيبي ، والميك اب هديه من ختيه العوده لولو الله يحفظهم لي يارب

و هاللوشناات هديه من نبضي استغفااري مثل اختي وربيعتيه اعدها كلمة حلوين اشوي عليهم

وعااد اهم شي اغراض عسّووليه ربي يحفظه ^^

يوم دخلنا مااستبشرت خير ع الرسبشن رياال ، وبووحارب بين انطبااعه من ع البااب مارتااح ، قلنا له نبا ناخذ موعد للسبا
قال دخلوا عند الحرمه فلبينيه قالت لي : بس يسوون مسااج للبودي او تختارين ظهرج اجتوفج اي جزء من جسمج طبعا بووحارب
من عقد حياته وطالعها بنص عين نظرة الصقر هااي هااه ههه ف قالت : تبين قلتلها لا لا خلاص ثاانكيو وخيرج ساابق هههه ..

هني استاانس عااد محد قده .. وانا اصلا ما اامن اسوي مسااج

بس صورت لكن الغرفه :

قالت لي سيري فندق كراون بلازا في نفس المجمع مال الفناادق عندهم صالون بس تعاايزت وبووحنووبي كنسل الجيم عسب نقعد اربااعه
والظهر ياخوااتي اذن وصلينا و على السااعه 1:00 نزلنا و المطعم فل وممزوره الطاولات بس اليلسه الخارجيه شي طاولات وطبعا حر وعندنا حنووبي بعد

ف رجعنا الغرفه وبووحنوبي قرر ان اختيار الغدا عليّه يعني اي مطعم اختاره ف لان missq8 حبيبتي امدحت لي وجبات ماكدونالدز اليديده "الجراند سبيشال وديلوووكس"
ولاني يومها سرت المول ومااحصلت لان الفرع اللي ف المول كان ع وشك انه يسكر ف تمت هالوجبه في خااطريه جي قتله بنتغدا من ماكدونالدز شرايك قال : حلوو

طبعا مااعندهم توصيل وريلي متعايز يطلع ف الشمس ف كلّف الفندق يطلعون ساايق يستلم الطلبيه وخذوا 100 درهم

وتغدينا ع ذوووق حبيبتي مسوووتي وفعلاً حلوووو الاكل و كاان اختياار موفق ^^

وهالجزء اللي كنت ابااج تترين التقرير عشاانه ، فهمتي احينه ليش ^^

العصر اذن وصلينا وبابا يبا يسير نفس اليلسه مال الصبح عسب يدرس اشوي ف سرنا وخذت مصحفي عسب اقرا سورة البقره
و تميت اقرا وهويدرس ، يباني اطلب قتله مااشي مكاان في بطني صراحه خلااص هههه وطلب كبتشينووو

هني كنت احط له شكر لازم اشوية اهتمام عسب يبذل ويشد حيله ^^

مع انه شكل الكبتشينووو لذييذ بس ماا طلبت شبعانه صح يعني م الخااطر ><

كاان باقيليه جزئين من سورة البقره الثاني والثالث ترا الحمدلله كل يوم نقراها انا وبووحنوووبي وسبحاان الله قريتهن و تووووني
اكمل الايه الاخيره و اذن المغرب وهني يوم اذن شلينا قشنا ، وولدنا وانطلقنا للغرفه عسب نصلي ..

كلما اتجهت ابها شمال اشتاق قلبي للجنـــوب
واذا اتجهت لشرقها .. يشتاق قلبي غربـــــــها
واشتاق انا للشمس فيها كلما تنــوي غروووب
واجدّم السااعه عسى ان الصبح يجمـــعني بهاا ..

هذي اماارات الغلا .. في قلبي وكل القلوووب
احبها ..وافخر .. بأني واحد .. من شعبها

واذن العشا و صلينا ونزلنا لمطعم يااس و فل اكثر عن الظهر و الصبح فيه وايدين ش السالفه ؟؟!!
بس حصلنا طاوله لكن الاكل ماعيبنا يعني السويتاات كاانت حلوه بس الاكل ماايشجع و سرنا سنتروا اليلسه الخارجيه

انا خذت بااستا وديااي

وهو كل بريااني ديااي وخذناا سلطه ..

والحلووو ماكثرنا خذنا كيكة موووز و ويااهاا كيكة كااكااو مع اسكريم كيكة المووز ماب لين اهنااك وماا يينا صوووبها

اللهم كلة الفراوله واايد علي >< و كلت نص كيكة الككاوو وهو مااشالله كلها كاامله

وهاااي حركتيه بعد الاكل لازم غلووس ولاازم اكسترا خخخ .. ورجعنا الغرفه

سويت لناا شااي اخضر ويلسنا اشووي خلاف رقدناا

والصبح انطلقنا للريوووق ف الفندق نفسه سنترووو ريووقهم حلووو ويلسنا خااري

الاجباان تكون يوميا بس يغيرووون ف الاطبااق الرئيسية

واحلى شي في ريووق هاليوم الفطااير ..