الحمد لله نزلت الموضوع وماكنت متوقعه انالرسايل بتكون وايد..كلهم يسالون عن السويتات
فقلت بنزل موضوع منفصل فيه صورة كل سويت وطريقته
هذا رابط الموضوع الي فيه الصور…و شكراااااااا لكل وحده مرت وكتبت لي رد رفع معنوياتي
https://forum.uaewomen.net/showthread.php?t=411287
حياااااااااااااااكم….
الكريم كاراميل
لكل وحده سالت عن الطريقه:
انا استخدمت الكراميل الجاهز بس ضفت له اشوية زعفران وماي ورد…بتحسين طعمه كانه كراميل ايراني…طعمه مميز وحلو
2
اصابع السميد اللذيذه
المقادير:
عجينةالسمبوسه
كوبين حليب وكوب سميد ونص كوب سكر ( ممكن يكون اكثر اول اقل على حسب السمك)
شيره وضيفيلها اشوي زعفران وماي ورد
فستق للتزيين
الطريقه:
على النار حطي الحليب والسكر و السميد و حركي لين ماتوصلين للسمك المطلوب( اتكون اشوي سميكه)
شلي خلطه السميد من على النار وخليها تدفى اشوي
وعقب احشي فيها رقايق السمبوسه ولفيها على شكل اصابع ولزقيها بشوية ماي وحطين
قلي الاصابع في الزين الحار
وعلى طول حطيها في الشيره البارده
وطلعيها وزيينيها بشويةفستق ^_^
3
كيكة الككاو
المقادير:
4بيضات….كوب سكرناعم…. ربع كوب زيت….كوب ونص طحين…كوب حليب سائل او علبه وحده من حليب ريمبو…فانيلا…بيكنغ باودر…اشوي زعفران وهيل ناعم…غرشة ككاو نوتيلا..
الطريقه:
اخفقي البيض+السكر+الزيت+الفانيلا + ملعقتين ككاو نوتيلا بالخفاقه
انخلي الطحين+البيكنغ باورد وضيفيهم للخليط وحركيهم بالملقعه الخشب
ضيفي الحليب والهيل والزعفران واخلطيهم
صبي الخليط في صينيه مدهونه بالزيت ودخليها الفرن لين ما تحمر الاطراف وبعدينشغلي منفوق لين ما يحمر السطح
طلعيها وخليها تبرد وزينيها بككاو نوتيلا بعد ما اتسيحينه بحمام مائي
4
مكعبات الكيك مع الجيلي
قطعي الكيك الجاهز الي مستطليتان ووزعيها في البايركس
وسوي جيلي فراوله ولا توت وخليبه يدفا اشوي وعقب ي شربي فيه الكيك وحطيه في الثلاجه….بعد ماا تطلعينه قطعيه لمكعبات متساويه ^_^
5
السينابون
سويته بعجينةالعشر دقايق
وفردته على الطاوله…وكانت الخلطه (اصبع زبده…3 ملاعق جرفةمطحونه..3 ملاعق سكر بودره…ملعقه وحده ككاو بودره) ولفيتها وقطعتهاوحطيتها بالفرن…بعد ما طلعتها حطيت عليه (علبه قيمر وعلبه حليب مركز) وزينتها بصوص الككاو)
6
كور البسكوت بالصلصه البيضا
هذي طريقتها…ويزاها الله خير صابحة الموضوع ..لاني من جربت السويت والكل متخبل عليه ويسال عنه
https://forum.uaewomen.net/showthread.php?t=325837
واخيرا جلاب جاما…السويت الهندي
اسهل منه ما فيه
المقادير:
كوب حليب بودره……بيضه وحده….ملعقه كبيره بيكنغ باودر…ملعقه زيت
اخلطي المققادير مع بعض وشكلي العجيبة على شكل كور صغيره(تقريبا بحجم التيله ^_^)
وعقب قلي الكور على نار خفيفه( النار القويه بتحرق لج الكور ومابتخليها تستوي من داخل)
بعد ما اتطلعين الكور حطيها في الشيره وضيفي للشيره حبات هيل وماي ورد وزعفران)
خليها في الشيره حتى في وقت التقديم
وسلاااااااااااااااامتكم ^_^
وانا خااااااااااااطري في جلاب جاما
يارب يضبط