لفائف السنبون
لعمل 32 حبه
225 غ / كوب زبده
225 غ / كوب جبن كريم ( فيلاديلفيا / كيري …. إلخ )
10 مل / ملعقة شاي سكر
225 غ / 2 كوب طحين رقم واحد الأبيض
بياض بيضه مخفوق مع 15 مل / ملعقة شاي ماء
115 غ / كوب جوز مجروش
75 غ / نص كوب سكر بني فاتح
5 مل / ملعقة شاي جرفه
الخطوه الأولى بلخلاط الكيك تخلط الجبن الكريم مع الزبده و السكر لين ما يصير معانا لين و بعدين انضيف عليه الطحين و تخلط لين ما تتكون معانا عجينه نعجنها بأيدنا شوي و تقسمها لقسمين و نغطيهم بحيث لا تسمح بدخول الهواء علشان ما تنشف العجينه و انخليها ترتاح لمدة 30 دقيقه
الحشو
الخطوه الثانيه تخلط الجوز المبشور مع السكر البني و الجرفه .
الخطوه الثالثه انجهز الفرن على حرارة متوسطه و اتخليه يحر
في نفس الوقت نشتغل مع العجينه
الخطوه الرابعه نفرد العجينه و انيب صحن دائري نفس إلي في الصوره و نحدد عليه بسجين
الخطوه الخامسه الحين انيب بياض البيضه إلي خلطناه مع الماي و نمسح فيه ويه العجينه و انقطع الدائره إلى نصف إلي ربع و الربع قسميه اربع اقسام يعني الدائره بتصير 16 قطعه اوكي
الحين النرش عليها الحشوه
الخطوه السادسه و بعدين نبدأ انلفها مثل الكروسن من برع إلى داخل
الخطوه السابعه بعدين نيب ماي و نمسح على الوجه و انرش عليه سكر
الخطوه الأخيره اندخله الفرن من 15 الى 20 دقيقه لين ما يحمر
صدقوني روعه و خفيفه و سهل يوم اتسونه
طعمه مثل السينبون و العجينه تطلع نفس الباف باستري
بنوتة بوظبي © 2024
تحياتي
بنوتة بوظبي
تسلم ايدج
تسلم يمنآأإج ختيهـ ع هيك موضوع
ونترقب الزود من صوبج .ْ~