CLASH OF CLANS
طبعا الموضوع مبين من عنوانه .. هاي اللعبة استوت مثل الادمان الغير طبيعي لزوجي انقطع عن العالم الخارجي و الداخلي و كل شي .. ماشي تواصل ولا علاقات اجتماعيه استولت عليه عالاخر حتى استوت اخس من الشريجه .. طغت هاي اللعبه على الناس الين اشغلتهم حتى عوايلهم عيالهم شغلهم زوجاتهم ولو قلت عن نفسهم ما ابالغ .. ممكن حد يعرف شو الحل …؟؟؟ ملينا من هاي الحاله .. في حد يعاني من نفس المشكله ؟؟؟؟؟؟؟
الحين اللي مايعرفها بيعرفها من موضوعج وانا أولهم ههههههه
فعلا اللي مايعرفها بيعرفها الحين منج .. موضوع غريب
مابقولج امسحيها بالسر عشان لا اخرب بيتج دام ان ريلج جي متعلق فيه ، بس اكيد الحل الاول والاخير هو التفاهم والمصارحه
اختي مافي الا انج ترمسينه بالهداوة وشوفي الوقت الي يكون فيها مرتاح ومزاجه رايق
الله يسخرلج ريلج وينسيه لعبته الي خذته عن العالم !
مب بس انتي الي تعاني من هالشي
تقريبا نص المتزوجات يعانون من هالشي
ريلي نفس الشي لدرجة مرات لو اطلع عسب اخذ راشن
البيت لازم ربعه يتصلون فيه ويتكلمون عن اللعبه
ادمان فضيع .. جربت كل شي معاه ما نفع
حاولي اطنشينه .. ما بقولج نزلي لعبه والعبي لاني جربت
وبعد ما نفع عسب جي لا تعورين راسج وايد
حاولي تفهمينه بالطيب وقولي له ان يوم يكون معاج
ومع العيال يترك الفون وما يزخه خير شر .. ويمكن مع
الايام بيتعود .. بس انتي حاولي معاه وفهمي انج
انتي وعياله تفتقدون وجوده ومشتاقين ل سوالفه وطلع معه
والله يهدي جميع الازواج ..
ما اقول غير حسبي الله على هاللعبة
^^
والله يفرج همج حبيبتي
واذا بغيتي شي تواصلي عالخاص يفضل
والسموحه منج
لاني انا عن نفسي اعتبره اوصخ لعبه فالعالم كله ��