لحفظ النعمة

السلام عليكم ورحمة الله وبركاته

أخواتي الكريمات

أنا أسكن في شقة ,وأحيانا عند الطبخ تفضل معاي بعض بقايا الاكل اللي ما نحتاجها
مثل حبات العيش مثلا اللي تتساقط على السفرة او بقايا الخبز المقطع او بقايا الاطعمة المأكول منها في الاطباق

أستحرم اني القيها في الزباله
شو الحل ؟
هل مشروع حفظ النعمة يتكفل بهالش ؟ممكن طريقة للتواصل معاهم ؟

لو كنت في بيت اهلي وجريبة منهم كنت بحفظها لغنمهم مثلا

ممكن تساعدوني وجزاكم الله كل خير ..

ما اعتقد مشروع حفظ النعمة يأخذ الفتات !!

هم ياخذون الاكل الزايد بس ..

بخصوص العيش المتنثر وفتات الخبز ممكن تحطينه في البلكونه حق الطيور

وان شا الله البنات يساعدونج باقتراحات

اختي ،، انا مرة قريت موضوع تقريباً نفس طلبج

البنات عندهن افكار مثلا جمعي الاكل واخر الاسبوع عقيه في البحر للسمك

كتبي في GOOGLE (الباقي من الاكل) !!

الله يعينا على عمل الخير بكافة انواعه دائماً // دعواتج لي بالزواج

أنا أجمع الفتات واحطه في مكان خاص في منزلي من الخلف وماشاءالله الطيور تاكل منها … انتي جمعيهم في كيس وخليهم في الفريزر ولما تطلعين من البيت حطيهم في مكان مفتوح مثل براحة أو حديقة بصورة ما اتشوه المنظر العام… والطيور والقطط بتاكل منها ان شاءالله…. وإذا مب ممنوع او تقدرين توصلين لسطح البنايه خلي ريلج يوديهم فوق والطيور بتاكل منها…. الله يعينج على فعل الخير ويحنن قلبج أكثر يارب….

حطينة خارج البيت بمكان نظيف حتى القطط والعصافير تاكل منه

مثل ما قالو الخوات ما قصرو
تجمعين بقايا الطعام وتحطينه بكيس او صحن بلاستيك وتحطينه فوق السطح او على الشباك او في البلكون او في مكان مفتوح في الحديقة , وشوفي جيرانك يمكن احدهم عنده دواب

وعموما حاولي تقللين كمية الاكل المطبوخ , حتى ما يزيد شي في الأطباق وينكب
والله يقدرنا على فعل الخير

مثل ما قالوا الخوات حطيه بمكان بس مايشوه المنظر العام . .