لتفتيح البشره والاماكن الغامجه تعالي عندي لج خلصات سهله

في البداية بما اني مجربة هالخلطة بنفسي بعطيكم وصف عن بشرتي ..

انا بشرتي لونها ابيض والحمد لله بشرة وجهي حلوة لكن (انتبهي لكلمة لكن ) هالفترة صاير وجهي شاحب ومصفر شوي بسبب النوم الغير منتظم والسهر ..

اما بشرة جسمي … حدث ولا حرج

حالي حال الكل ماشالله الاكتاف والظهر والذراع انواااع الالوان (طبعا هذي آثار الكليه)

والله العظيم واقسم بالله اني ماحطيت هالخلطة الا بس ساااااااااعه والله من اول مره اشوووف لون ظهري ههههههه

الاثار اختفت بنسبة 90% ( اما الـ 10% الباقي فهي بقايا الاثار اللي ماهي واضحه)

والله وبشرتي صارت تلـــــــــــــق ونـــــــــــــاعمة وصــــــــافية واحس لوني فتح كثييييير

حتى خوااااتي لاحظووو التغير الجذري في ظهري بالذااات

اما وجهي صار اصفى من قبل وناااااااااعم نااااااعم نااااااااعم ماشالله

المهم اللي خلاني اجرب هالطريقة اني عندي يوم مخصص اسمه ( يوم الطبيعة ) يعني من الاسم كل البلاوي اللي احطها علي هاليوم تكون اعشاب

او اشياء طبيعية

عموما هي الخلطة معروفة لكن انا اضفت مكون ثالث

المكونات هي :

ملعقتين كبار كركم جسم
ملعقتين كبار فازلين
3-4 ملاعق زيت زيتون
ولنتائج مذهللللللللله اضيفي الحناء البيضاء ( للجسم )
( واللي حابة تقدر تضيف جلسرين انا ماضفته لأن ماكان عندي )

ملاحـــــــظة هـــــــامة : كركم الجسم مختلف عن كركم الأكل والفرق ان كركم الجسم مايطبع اللون الاصفر وريحته احلى من كركم الاكل

وعلى فكرة مش مهم الكمياات أهم شي زيت الزيتون يكون اكثر من الفازلين منعا للّبـــادة

طبعا اخلطيهم كلهم وحطيهم على الجسم

لاتقولون تعب لاتعب ولاشي عادي كنه كريم

والبسي ملابس ماتبينها عشان اذا توسخت عادي

انا والله خليته ساعة وشوي بس الافضل لو تخلونه 4 ساعات

وحطي من الخلطة على وجهك

اما حول العيون حطي زيت زيتون وكركم ( لأن الفازلين بيلزق عيونك هههههه)

طبعا لمن تجين تغسلينةة

لاتغسليـــــــــــــــــه بصــــــــابون عادي

اغسلوه بسدر ( اخلطي كمية مع ماء فاتر وحاولي يكون شوي ثخين عشان لمن تغسلينة يصير زي الصابون )

ليه السدر ؟؟

اول شي عندك الفازلييييييين مستحيييييل يروح مع الصابون العادي والكل عارف هالشي

ثاني شي السدر روووووعه لتصفية البشرة وتنظيفها

ومو بس بينظف الا ويصفي بعد

كيف الطريقة ؟

انك تاخذين عجينة السدر وتفكرين بها جسمك ( بتلاحظين اللون تغير من زيتي الى اخضر عشبي فاااتح كنه صابون غار )

وخليه لين تخلصين جسمك كله اتركيه وروحي نظفي وجهي بالسدر نفس الشي

بعدها ارجعي اغسلي جسمك وفي الاخير شطفيه بماء السدر ( اللي هو موية فيها سدر شوووي )

والي ماعندها سدر تستخدم صابون الغار او صابون الطاووس

واذا حسيتي انه ماراح اثر الكركم مع السدر استخدمي علي صابونة الغار

وطبعا عشان تحافظين زيادة على النعومة بعد ماتخلصين حطي زيت زيتون على جسمك

والله بتصيرووون شييييييي من النظافة والبيااااض

والنتايج من اول مره

عشان اللي يتكيسلون على الاستمرار عادي يجربونها مره وخلاص

واماااااانة اللي تجربها تدعي لي بالتوفيق والنجاح وحسن الخاتمة والثبات لي ولأهلي
وتسهل ودلاتي

هذي الوصفه الاولى ولا تنسون تدعون حق المره

ثاني وصفه جمعت كل الي قريته وحطيته وسويت وصفه شوفو وياي

اهي السالفه كلها خلط بخلط
سميتها وصفه لا سواد بعد الان للأمانه ما جربتها بس 70% بتستفيدون منها لانه انا بس زدت عليها ماي الورد ووالليمون لانه معروف اهم يبيضون

1- سنفره للجسم (انا فكرت بسنفره اللوز مالت بودي شوب مدحوها حقي او مالت بينيفت اسمها bum deal)
2- ملعقتين زيت زيتون او زيت لوز كيفج!

3- ملعقه كركم (شكلنا بنسوي مجبوس لول)

4- هرده وشويه ملح اذا ما فهمتو هرده اهي الي يحطونها ويا التمر مادري شنو تسمونها!

5- انا من عندي بحط ليمون وماي ورد شوي لانه يقولون زين

وبس انا بجرب الوصفه الي ابيض في ابيض وبشوف هذي ويالله عسى عسى بنحصل على نتيجه!

بنات ارجوووكم الي بتجرب تقول لنا والي جربت تقول لنا النتايج بليييييييييييييييييييييييييييز وادعولي انا بعد لا تنسوني اختكم بالجامعه وتبي تنجح