بحط لكم طبختي مشكل محاشي خليجي لانه كل البزار اللي فيه خليجي وطريقتي اللي كلهم اهلي واهل ريلي ايحبونه اتفضلوا بالصور
انجهز محشي كوسه واغسله عدل باسنفجة غسيل صحون يديه مع الماي حبه حبه
اجهز ماي الملفوف او ما يفور اماي انحط شوي شوي الملفوف ولا ننسى انقص الراس عدل بالسكين وانشيل حبه حبه
بعد ما انغسل عدل الكوسا انقص الراس وانقشره بطيقه خفيفه ونبتدي نخرمه
وانجهز الفلفل الحلو الطويل عسب بالنكهه
نغسل العيش المصري وممكن باسمتي
انجهز الطماط من 4 الى 5 طاط في الخلاط
ناخذ حبه بصل كبيره ونفرمها
وانحطها في الجدر مع زيت زيتون وشويت سمن
وهاي السمن الافضل
اندق ليمون كويتي اسود وانخليه بودره + بزار+كمون مطحون 1م ونص كبيره
عقب بيبدي البصل يذبل انحط العيش والبهارات اللي ذكرتهم
اللومي الاسود
البزار
السنوت الكمون المطحون
وهاي مع الخلطه الطماط
ومع الصلصه هاي رووووعه اخذه من التسويق الزراعي
وهاي الكزبره والنعناع والبقدونس والشبت
وانحط بعد 2ليمون
انجهز الجدر انحط فيه عيدان النعناع والبقدونس صدوردياي او لحم واتحطين الفلفل الحلو بعد ما تحشينه بالعيشوزيت الزيتون عدل
ونبتدي نحشي الكوسا وورق العنب والملفوف
انجهز جدر فيه ماي وماجي وكمون وانغطي جدر المحاشي بصحن عود
عقب انصب الماي فوق الصحن المحشي
وبس خليه على نار هاديه لمدة 3 ساعات
مرات يبقى عيش حطيه على نار هاديه مع ماي واكلي الصغاره
وهاي بعد ما خلص بس ما لحقت هجموا عليه ما خلوني اصوره
اتمنى بس دعوه صادقه من الخاطر انه الله يوفقني
اموووووت في المحشي
بس ما شفناه ونتي مجهزتنه ؟!