أنا متزوجه سنتين وما عندي أطفال للحين
وكأي زوجين،، تصير بينا مشاكل
وآخر مشكله أنا زعلت فيها،، وشليت أغراضي وقلت لزوجي وديني بيت أهلي
وبعد أسبوع ما اتصلت ولا هو اتصل
ولا سألت عنه ولا هو سال عني
طرشت له مسج إننا ما ننفع لبعض ولازم نتطلق
وهذي مب أول مره أطلب فيها الطلاق
زوجي قال لي اللي تبينه ،،، وراح المحكمه يطلق
بس ردوه لأني لازم أكون موجوده عشان لي حقوق استلمها منه مثل المؤخر والنفقه
وعطوه موعد في آخر الشهر
المهم طول هالفتره أصلي استخاره
والله يا أخواتي كل ما اذكر موضوع الطلاق يصيبني ضييييق في صدري وأحس جسمي كله يتنافض
وأهلي مب راضيين على الطلاق
وحسيت إني ندمانه وتسرعت بطلب الطلاق
قمت أطرش لزوجي مسجات بس هو ماخذ موقف مني ومتضايق
اليوم اتصلت به أكثر من مره وقال لي اذا تبين شي بنتفاهم بالمسجات وأخيراً رد عليّ وكلمته
وقلنا كلام كثير ،، حاولت اطيّب بخاطره بس هو قال لي انه خلاص وصل حده
وقلت له تعال وخذني،،، قال آسف
قال صحيح ان كنت مرتاح وسعيد معاج.، بس طلبج للطلاق قلل غلاج عندي
اللحين أنا مب عارفه كيف اتصرف ،، اصبر عليه لين يوم المحكمه
ولا أكلم أهلي وأعترف بإني غلطانه وندمانه ،،، وأحاول أقنعهم إني أرجع لبيتي بنفسي يعني حد من أهلي يوصلني
بس خايفه أهلي يرفضون إني أروح له بنفسي
وخايفه إن زوجي ما يرضى يستقبلني
خواتي،،، محتاجه لتصرف ناضج وحكيم لهالموقف
انصحوني شو أسوي،،،،*
اللهم اجعلني خيراً مما يظنون و أغفر لي مالا يعلمون ولا تؤاخذني بما يقولون00
رب اجعلني مفتاحا للخير 00 وأجر الخير على يدي واجعلني مباركه اينما كنت
اللهم يامالك الملك ملكني قلب من أحوجتني إليه فأنت تقدر ولا أقدر و تعلم ولا أعلم
وانت علام الغيوب وأسلل سخيمة قلبه واصلحه لي واجعله لا رى احداً غيري
اللهم اصلح بيننا ولا تجعل بأسنا فيما بيننا وأجعل بأسك على عدوك و عدونا
اللهم أفتح ل قلوبا غلفا و أعينا عميا وآذانا صما
اللهم أستر عنه عيوبي و أستر عني عيوبه وأضهر لي محاسنه ورضني بما رزقتني
وبارك لي فيه00 اللهم الجم فاه بكلمة لا إلاه إلا الله و أسكن غضبه بلا حول ولا قوة إلا بالله
اللهم أرزقني حنان الزوج والولد ومالا حلالا بلا عدد و قراءة القرآن إلى الأبد000
هو صدق باللي قآله
اتعرفين شو معنآة كلمة الطلآق > يعني جنج ترخصين العلآقة اللي من بينكم
سبحآن الله رب العبآد له حكمة يوم خلآ العصمة بإيد الريآل والطلآق بإيده
لأن الحرمة من أدنآت الدون تطلب الطلآق
حبيبتي دآم إنج متضآيجة من هالموقف
سيري اعتذري من ريلج وتنآقشوآ وحطوآ كل الموآقف اللي ضآيجتكم على ينب وابدوآ حيآة يديدة
ولو بعده على موقفه كلمي أهلج ول أهله وقوليلهم إنج ندمآنة على هالموقف
وطمينآ عنج شو يصير ويآج
وربي يصلح بآلكم ويسخركم لبعض ^^
بالعكس انتي لازم تتمسكين بريلج يعني مب جي علىطول اتقولين له طلقني بروحج قلتي كل ما تذكرين الطلاق تتنافضين
انتي لي يبتيه لنفسج روحي وكلمي اهلج وقوولي لهم انج انتي الغلطانه والمفرووض انج روحج لي تروحين له مب تقولين له ايي ياخذج وربي يوفقج دقي لريلج وطيبي خاطره قولي له والله ما ارقد لين ما ترضى انته
امممم ها اللي اشووفه يعني مع اني بعدي مب معرسه لكن هاللي قدرت افيدج فيه
طرشي له مسجات وادعيه دوري اختي فالنت ايات واحاديث يمكن الله يحنن قلبه عليج وادعي ربج فالثلث الاخير ان الله يحنن قلبه ويصلح الامور بينكم
اتمنى تكون هذي سحابة صيف وتمر بسلام من حياتج الغاليه
و هو يبين إنه ما يبا يتصالح وياج
قيمي علاقتكم و ارجعي فكري مرة ثانية
و تمي استخيري لين موعد المحكمة.. لو ربج كاتب بيستوي شي و بترجعون لبعض
بس شو سبب الخلاف انج ودرتي بيت ريلج؟ اكيد كان فيه شي قوي
واعرفي ان امر الله كله خير سواء رديتي حقه او تطلقتي لانج استخرتي وماخاب من استخار