ألحين بتاريخ 28 12 شرفت بنت العم و أبدا زيارتها لازم تكون شهرية أقصد الدورة و رحت
للدكتورة و عطتني ابرة تكبر فيها البويضة طبعا خذيتها بثامن يوم للدورة لمدة خمس أيام و أنا آخذ
الابر .. و كل يوم رحت للدكتورة علشان أشيك على البويضة لو نزلت أو لأ و طمنتني و قالت لي
البويضة نازلة .. و قالت لي إذا ما ياتج الدورة بتاريخ 28 1 – 12 تعالي أسوي لج فحص دم … و أنا
من أول يوم للتبويض كنت أحس بويع بالظهر و أسفل البطن و نغزات صوب المبايض و أكثر شي ألمني
صدري حسيت انه وارم و كل ما أضغط عليه زاد أكثر و قبل يوم التبويض صار جماع … أدري انكم
بتقولوا هذي الأعراض عادي تصير بأيام التبويض .. بس أنا متزوجة من سنتين و الأعراض اللي كنت
أحس فيها كانت أسفل البطن و الظهر بس … أما عن صوب المبايض و ألم الصدر أحس أول مرة تصير
فيني ما حسيت فيها طول هالفترة … و صار لي من يومين ألم بالظهر و أسفل البطن مرة أحس اني
بموت منه و نزل لي دم لما رحت الحمام المرة الأولى كانت مب وااايد … المرة الثانية حسيته خف بس
قطعة دم و المرة الثالثة خفيف حتى انه قام ما يبين …. خواتي بالذمة هذي حاله … استغفر الله
تعبت و تعبت نفسيتي … أنا خلاص مب متفائلة بسالفة الحمل لأني كل ما أفكر أعور راسي و بالنهاية
يأثر على نفسيتي … المهم خوااتي شو رايكم بالمسلسل ماالي و شو تفسيركم له .. و دخيلكم لا تطلعوا
قبل ما تجاوبوني أو ترفعوا موضوعي و الله تعبت من كثر ما تعرضت للتطنيش و الله يرزقنا بالذرية
الصالحة .. الحمد لله أنا راضية بقضاء الله و قدرة ..
ويرزق كل من تتمنى الحمل.. يا رب العالمين…
اختي.. سيري وامتسحي ..
وبيد الله الارزاق..
اهم شي تفائلي
اممممم شوفي دكتورة ثانية
واهم شي ضبطي الدورة اذا متخربطة
وبالتوفييييييييييج
واذا كنتي ماخذه ابره تفجيريه هاذي اعراض الابره
وبعدين حبوبه لا تيئسين انا خذت كلوميد وابرة تفجيريه 4 شهور وكل شهر كل شي عندي تمام واتوقع يصير حمل بس مايصير والشهر الي فات قررت اني ماآخذ اي ادويه ومافكرت بالحمل ابد لاني ماتوقعته والحمدلله حملت
فاكتشفت انه الحاله النفسيه هي المانع الاساسي للحمل وبعدين قالت لي الدكتوره انه وايد حريم يحملون بعد مايودرون الكلوميد فلا تيئسين وخلي ثقتج بربج كبيره واذا مو هالشهر الي بعده واذا مو الي بعده الي بعده
ودام الانسان عايش المفروض مايفقد الامل ابد بربه
سوي تحليل للهرمونات
روحي للدكتورة طلبي منها اسوي لج هذا التحليل لأنه يأثر على امكانية حصووول الحمل
أنا عانيت مثلج كل مرة اتقووول لي البويضة نازله و في امل تحملييين و اقعد على اعصابي لين موعد الدورة حتى اني اسوي الفحص و دايما يطلع ساااااااااااااااالب
و اتم متضايقة
مع اني ما كمل سنة من اتزوجت بس خاااطري بياهل يشغلني شوي من الملل
و الاسبوع الماضي سوييت فحص للهرمونات و بشووف النتيجة بالخميس ان شاء الله
بس الوحده لازم تقوووول الحمد الله على كل شيء
يارب يرزقج و يرزقني الحمل القريب و يرزق كل محرووومه
آمين يا رب العالمين