حبيت اقولكن شو صار معااي
في الفتره من نزلت الموضوع الأول ليين اليوم
اللي تبا اتعرف الموضوع الأول تدخل من هالرابط …
https://forum.uaewomen.net/showthread.php?t=763584
أنا عندي البيبي بإيدي 24 ساعه بس عشانها هيييه
المهم
ربيعتي الحينه متزاعله وياي .. مره أوكي وكل شيء عادي
ومره اتحس انه بيي يوم بنشغل فيه وبهدهاا ..!!
مع اني ماتغيرت عليهاا وكنت ارمسها واايد لأن ريلي بدأ يدااوم
لكن الله يسامحها ماعرف شو تباا ووااايد تدلع عليي …….
جاان تحذفني من اللسته عندهاا واطرشلي مسجات زعل وعتاب وتغلق عقبها الفون
وماترد على حد اي من باجي ربيعاتنا أبد وصارلها 3 ايام جي
،
المهم من خلتني وأنا عاقه البيبي واستخدم الفون الثاني أكثر شيء
ويوم اقعد مع حميااتي وحرمة أخوهم وعمتي وعمي
يستغربون لان البيبي دووم يكووووون بإيدي والحينه ماا اعبره ابد !!
لوو يحتررق بروودكااستس ماا افتحه ولا اجيسه
وهااكي اليوم دخلت الصالة
(( ف يوم خبر هيئة اتصالات بتعلق وبتبند الخدمة ))
جان ترمس مرت أخوهم
حسييت مرت أخوهم اتحاول اتنبهني اني لازم ابعد شوي عن الفون
قلتلهاا بكل بابتسااااامه لكن غلبها الحزن لاعادي ماهتم ..
وهي حليلها ابتسمت لي ابتسامه بسيطه اتحاول اتهديني واتغير عليي الجو
وأمس حسييت رووحي ضااااايجه وودي أكلم حد وأصيييح
ورحت لحميتـي وقلتلهاا كل شيء عن ربيعتي وارتحت عقبهاا ولين الحينه أحاول
ارد علاقتي بربيعتي بس شكلها مب رااضيه واطرشلي مسجاات اتحسسني بالذنب
إني عرست …..
وكل ماقعد بروحي أتمنى ريلي يرد من الدوام ويشغلني عن التفكير
قلت هالكلام حق حميتي وشكلهاا خبرت البااجيات ><
والحمدلله مب مقصرااات معااي يقعدن معااي سوالف وضحك أفلام وطلعات وبحر
اليوم مر شوي أهون عليي من اللي قبله
الحين أحس إني افضفض حقكن سوري بس ودي حد يشاركني 
ويخفف عليي
والله يستر فالليل شو بصير لي
حميتي من 3 ايااام وربي ماتخلييني إلا ترقد معااي لاني دوووم اصيييح وربي
ولهااانه على ربيعتي متعووده دوم فالليل ارمسهاا واسولف معااهاا واتكون معايي
هيلوو كيتي صغيرونه ترقد معاي .. (الدبدوب هيلو كيتي هدية من ربيعتي)
والحينه كل ما اشوف هيلو كيتي أو أي شيء يخصها اتم حزينه واذا كنت بروحي
احضنها واصييح …..
مب عااارفه شو اسوي ….
…
المفروض تقدر ..
طرشيلها مسج انا مانسيتج وانتي ع بالي واشتقتلج
بس الحين حياتي غير عن قبل مسؤوليه اكثر
ويوم بفضى اكيد بتصل ولا تخلين الزعل بينا نحن خوات…
والله يوفقج ياربي شكلج صغيرونه..
بس ماتوصل لـ هالدرجــه ..
صديقتي تزعل عشــآاان عرســــت ..!!!!!!!
الحمدلله والشكــر ..
لو إنتي عاقله ماتعطيها هالقـدر من الأهتمام ..
مثلها مثل أي وحـده ..
الصديق الخيّر إللي يتمنالك الخير والتوفيق والسعاده ..
أقولج من متى وانتي اتعرفين ربيعتج !
وبعدين خيره واختارها ربج انسيها واشغلي نفسج بريلج اتصلي فيه
رمسيه
سولفي وياه
صدقيني بيدور ع غيرج عقب اذا تميتي على هالحال
وبعدين ربيعتج من تعرس بتنساج
انتي لا تقطعينها ولا اتمين وايد وياها
وخليج ويا خوات ريلج احسسن صدقيني حلات الدنيا وانتي مرضيه ريلج
ربي يوفقج يالغلا
اسمحيلي اختي صح انتي وايد تحبين ربيعتي وجي ..
بس انتي متزوجه يعني وعلاقتج وياها وايد اوفر .. !!
لان الصداقه لها وقت مب 24 ساعه وإذا عندج شي يذكرج بربيعتج لاتخلينه جدام 24 ساعه
وليش تصيحين ؟؟؟
الا ما يباج ماتبينه انتي وراج ريل ومسؤوليه لازم تفضين لـ ريلج مب لــ ربيعتج
خصصي وقت حق ربيعاتج مب 24 ساعه انتي شكلج توج عروس يديده وريلج ما بيقولج شي بيستحي منج بس عقب بيطفر محد يتحمل جي بصراحه