كيف يكون عندي رايي الخاص

السلام عليكم ورحمة الله وبركاته

انا ما عندي رايي خاص فيني ..كلمة تمشيني وكلمه تيبني ..يوم حد يسالني شو رايج في الشي اخاف ازعلهم واقوولهم حلو ..حتى ما عندي فن اني اكتب تعليق عالصور اذا شفته عالانستقرام او الفيس بوك لان اصلا ما عندي رايي شخصي ..

يوم نكون في تجمع عائلي الكل يتكلم ويخبروون عن سوالفهم وشو يسوون ووين يطلعون انا اتم سااااااااااااااكتة ما عرف شو اقوول !! ولا اعطييهم راييي عن المووضوع واللي يقهر اكثر شي ان ساعات اتجنب ايلس ويا أي شخص عسب ما احب اتم ساكته ويوم يسالوني ليش ما تيينا اقولهم مشغولة وييلسون يحطون علي انج انتي خلاص قمتي تتهربين منا او ما دريبج شو صايرلج ما تحبيين تطلعين من البيت وانا مثل الطشة اقولهم صدق اني مشغولة ..يسالوني مشغولة في شو اقولهم يعني مشغولة في ريلي وبيتي ..يعقون علي كلام اونه خلاص تغيرتي علينا وكله ريلج وريلج …مع اني اندم اني افتح لهم مجال يتكلمون عني بهالطريقة بس لاني ما رديت عليهم برد مناااسب من البدايه اني ما ابي اطلع وياهم ..وايد اتهرب من الكلام بالاعذار

السمووحه اتمنى احصل حل للمشكلة

والله انا مثلك اختي يعني اعطي راي في المنتديات هني وفي الفيس بوك وغيره والحياه العامه لي راي بس اعتمد مرات على راي الغير كثير وصدقه

بس من فتره صار لي موقف وصرت احسن يعني عندي وحده اعرفها اطلع وياها وايد تعتبر ربيعه ومب ربيعه بس ليها اسلوب مب حلو

مره كنت ماريد اطلع معها قلت لها مشغلوه قالت لي بشو مشغوله؟؟؟؟؟

هي شو دخلها مااعرف بس مشغوله وخلاص

ولكن رديت عليها عندي شغل في البيت مع الوالده وسكتت

رغم انه مب صحيح مائه بالمائه انا ماريد اطلع

ولكن انا مب دوم جي مرات اقول لها اني مب جاي على بالي اطلع عادي

ولكن يوم اكون متضايقه منها اقول مشغوله يعني اتحجج

ولكن في حال ردت علي مره ثانيه بشو مشغوله اقول لها مشغوله وخلاص او انتي شو خصك بس مشغوله!!!!!!!

هذا اسلوبي

يعني مرات اسكت مرات ارد بس الحمدلله الحين صرت احاول دوم ارد

ولكن اختي حاولي تتعودي ماتتحججي عشان اخرها بتصك في راسك مش فيهم هم

تطلعين انتي متردده وكذابه ويقولون انك من تحت لتحت

فاحسن شي تكوني صريحه من الاول

اذا قالوا طلعي معانا وانتي اكيده تعبانه قولي تعبانه وبس

يعني شو في بالك قوليه مادمتي متاكده منه هذا الكلام الصحيح

الحجج تفيد بس مب دوم دوم صح مرات الواحد يخاف تصير مشاكل بس بتضعفين قدامهم!!!

هم بعد بعد فتره يحترمون

ولكن في موضوع النقاشات يعني الانسان مايتكلم الا في شي يعرفه! حاولي تتناقشين مع زوجك مثلا يوم تقعدين في اشياء تعرفينها او مع المقربات من الاصدقاء باشياء معينه تتعودين وبس!!!!!!

وامور العيال انتي مسؤوله عنها تناقشي مع المدرسات عنهم ومع الزوج بيصير لك راي

والناس الثانيه من الاقارب خفيفيهم ودوم خبريهم انك مشغوله في حال قالوا ليش قولي بس مشغوله حره!!! او ماريد اطلع وخلاص بس ماريد بيسكتون في حال قالوا تغيرت علينا

قولي نعم تغيرت لان عندي اموري الخاصه وبس!!!

لا تحسسي منهم اذا هم يريدونك ويحتاجونك حتى وقت الشده بيكلمونك اذا هم بس مثل الورق ومافيهم خير خلاص خلصتي منهم

بس ماتكوني وقحه بس اذا واحد تواقح معاكي

انا قاعده احاول اغير من نفسي وان شاء الله انحج

تعرفي اختي الربيعه هذه امبارحه قاعده تتشكى على التلفون عن حياتها الخاصه يوم جبت لها سيرت حياتي الخاصه بعد فيها مشاكل

غيرت الموضوع وماسمعت شكواي!!!!!!! يعني هم يستغلونك لنفسهم بس

الله يبعدهم عنا وعنكم ان شاء الله

انا تخلصت من بعض الناس وناويه اتخلص من الباقي قريب

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

الغالية جاوبيني على اسئلتي :

1- هل انتي سعيدة بحياتج الحالية ؟
2- هل راضيه عن شخصيتج ؟
3- شو تحس وله العيون ناقصنها ؟
4- عندج ربيعات؟واذا هيه شو طبيعه علاقتج وياهن؟
5- من شو تخاف وله العيون ؟

مشكوراااات عالنصايح

محد شراتي ..
ممم انا مشكوراااات عالنصايح

محد شراتي ..
ممم انا مب وايد سعيده في حياتي مع ان ما ساء الله كل شي عندي بس افتقد الراحه النفسية مب مرتاحه وايد اندم عاللحظات اللي طافت اللي ما استغليتهم عدل وافكر في المستقبل بمعنى اذا صارلي شي معين حياتي بتكون احلى

لا مب راضيه عن شخصيتي واحاول قد ما اقدر اني اطورها للاحسن وخصوصا من ناحيه النقاشات ويكون لي رايي الخاص والاستقلاليه
ناقصني اني اثق في نفسي اكثر وابتعد عن التفكير ان شو ناقصني
علاقتي مع ربيعاتي علاقه سطحيه كنت وايد وياهم بس ما حصلت غير المذله والمهانه الحين بس سلام واتهرب منهم وايدمب وايد سعيده في حياتي مع ان ما ساء الله كل شي عندي بس افتقد الراحه النفسية مب مرتاحه وايد اندم عاللحظات اللي طافت اللي ما استغليتهم عدل وافكر في المستقبل بمعنى اذا صارلي شي معين حياتي بتكون احلى

لا مب راضيه عن شخصيتي واحاول قد ما اقدر اني اطورها للاحسن وخصوصا من ناحيه النقاشات ويكون لي رايي الخاص والاستقلاليه
ناقصني اني اثق في نفسي اكثر وابتعد عن التفكير ان شو ناقصني
علاقتي مع ربيعاتي علاقه سطحيه كنت وايد وياهم بس ما حصلت غير المذله والمهانه الحين بس سلام واتهرب منهم وايد

اخاف من المستقبل اخاف من الناس يزعلون مني واخاف ان شخصيتي الحاليه تتم مثل ما هي اخاف اني مااتطو واحقق اهدافي

ممم بغيت اعرف شو الهدفمن الاسئله

اول شي مشكوورة على صراحتج
عيل انتي تعرفين شو تبين وتعرفين شو اللي لازم تسوينه
خلاص خذي قرار وتحملي نتايجه
قولي رايج عيبهم ولا لا هذا رايج لج الحرية انج تقولين اللي تبينه محد بقص راسج
وليش تخافين انهم يزعلون ؟ ليش هم ما يخافون على زعلج
كوني لمرة وحده فحياتج انانية
حبي نفسج
يمكن علاقتج مع ربيعاتج اول هيه السبب الاكبر لهالشي
بس بعد عندج وقت
خلهم يقولون انج تغيرتي وصرتي قويه وصار عندج شخصية مستقله تقدر تتخذ قرارات
وبالنسبة للماضي خلاص حبيبتي حاولي تنسينه كلنا تمر علينا لحظات بالندم لانه فوتنا فرص
لااااااااااااااازم تتغيرين وهالشي مب سهل وماراح يصير بيوم وليلة بس اول الغيث قطرة
حاولي وماراح تندمين ولو حد هاجمج ردي عليه لا تخافين

ربي يوفقج ويحفظج