شحالكم خواتي
شفت فهالقسم وايد معرسات يستحن من رياييلهن ووايد رياييلهن يستحون منهن
الحين هذا الموضوع راح ينفع للي ريلها يستحي ومايسوي شي غير مسكة الايد
واللي مستحية من ريلها وريلها جرئ مب مشكلة هو بيعودها
المهم خلونا نبدأ بقصتي وعقبها النصايح
بسم الله
أنا ريلي كان وايد خجول بس يمسك ايدي لكن مايبوسني ويوم ركبت ويا السيارة حبيته على خده وحبيته فطرف فمه
عيونه استوت جذى @_@ هههههههههههههههههههه ، قلتله شو بلاك ، قال هاه لا ماشي ومع الأيام كل مره اقرب البوسه لين تصير نص شفايفه وعقب شفايفه كلهم ومن انش عنه يطالعني بنظرات خجل ويبتسم ويصد صوب الدريشه من القفطه فأنا ماخلي مجال للحيا فيوم يبتسم مابتسم اكون عادي ومن اشوفه بدى يستحي مابتسم واتكلم عن سوالف جديه يعني اقوله انزين الحين وين حاط فراسك تروح من بعد ماتخلص من عندي وعندك اشغال بعدك ماخلصتهم وله اكلمه عن مطعم اباه يجربه وجي يعني عشان ابينله اني ماحسيت بخجله لان الريال اذا شاف ان خجله بين في عيونج بيستحي اكثر واكثر
وأنا يوم شفته من النوع الخجول قلت مصيبه لاني روحي خجولة فحاولت اتجرئ واسوي هالاشياء وبعدها هو قام يجرئ بأشياء قوية أنا مستحيل أجرئ وأسويها هههههههههههههه
النصيحة :
اذا ريلج خجول وانتي خجوله جربي أطبقين سالفة البوسة اللي خبرتج عنها
حطي ايدج فايده واضغطيه عليها شويه يوم بيقعد يسوق قوليله ماتعرف شكثر ولهانه عليك واتريا هاليوم عشان اشوفك بتلقينه ضغط على ايدج من كثر ماستانس من هالكلمة واقل شي بيقولج اياه فديتج والله او انا بعد مشتاقلج
يوم بتودعينه بوسيه على خده وبعدها أحضنيه ( خلج قريبه وايد منه عشان تحصلين فرصه تحضنينه )
وبعدها حطي ايدج على خده وبوسي خده الثاني وقوليله ربي يحفظك ودرب السلامة عيوني
فالمكالمات قوليله كان فخاطري احضنك اقوى عن جي
بتلقينه ثاني يوم هو اللي بيحضنج لان فخاطرج
وقبل لاتنزلين من عنده أسأليه شي فخاطرك ؟ أكيد ؟ مول مافي شي فخاطرك ؟
واذا سألج انتي شي فخاطرج قوليله هيه ابا ألوي عليك ( أحضنك )
ويوم بتحظنينه خلي ايدج تدخل من تحت ايده لظهره والايد الثاني من جتفه لشعر راسه من ورا ( أخر راسه ) وحركي صبوعج فشعره شوي ونتي حاظنتنه وبوسيه فعيونه وطرف خشمه ( من بين خشمه وخده ) والله هشي يذبح الريال يحس بحنان موب طبيعي
حاولي تبدين خطوة بخطوة ولاترصين ععمرج اذا كنتي وايد مستحية منه ابدي بالابسط شي واللي هو مسكة الايد
هو صح الكلام اللي كتبته شخصي فيني لكن من باب أني أساعدكم وأخبركم النتيجة كيف صارت ويايه لان وايد يعانون من خجل الريال
والله يوفقكن ^^