قبل سالتكم عن شروطج علا الخدامة طبعا انا عندي اهلي ما شفتهم يفتشون باغراضهم اول ما يوصلوا بس لما صرت ادور خدامة حقي شفت الناس يفتشوهم بالمكاتب ولما يبت كذا وحدة فتشت أغراضها بالمكتب بس طبعا سرعه سرعه وتقولي راعية المكتب توكل علا الله مدام طبعا هم شو عليهم بس في مرة كنت فمكتب اشوف حرمة مرجعه خدامتها اليديدة اونها شايفة عندها عمل وانا شفته خيوط ودبابيس وعقته علا مكتب راعية المكتب قالت اونها تخلي شرطية تفتش خداماتها قبل لا يوصلن
ياليت تجاوبوني وتتفاعلوا معي
يوم تسيرون تيبوا الخدامة من المكتب
1-هل تفتشوها؟
2-تحطوا شروط وشو هي الشروط وتكلموها هي ولا راعية المكتب؟
3-هل تودونها علا طول تشتروا الها أغراض ولا عقب ولا إنتوا تشتروا بروحكم؟
4-تاخذوا عنها الموبايل بالمكتب ولا بعدين؟
5-اول ما توصل البيت كيف تتصرفوا معها تبدوا تعطوها تعليمات وشروط و جدول ولا خلوها ترتاح ولا كيف؟
6-متا تفحصوا؟
6-بعدين كيف تتعاملوا مع الخدم تكلموهم بعصبية ولا عادي وكيف ارتب الها الشغل بحيث انه عندي شقة صغيرة وغسيل الملابس مش كل يوم وانا اطبخ بروحي وعندي
يهال 2 وبنتي ما تتقبل الخدم بس المشكلة أني اروح فالويكند عند الأهل بملحق عند أهل ريلي وما عندي مكان للخدامة غير المطبخ كنت اخلي الخدامة الأولية تنام فيه بس ريلي يقولي خليها تروح تنام عند اهلي عند الخدامات وغير الحمام تروح عندهم وكل شوي تختفي ما احصلها تروح تسولف هناك لأَنِّي ما اعطيهم موبايل واتوهق وياها وعمتي تحاسبنا اونه تاكل وتشرب ولا اشتغل وَيَا الخدامات انزين انا هاي خدامتي احتاجها فشوروا علي بليز؟
شوفي . . أول ما توصل البيت عندج قولي لها فتحي الجنطة وخليني اشوف شو يايبة وياج . .
ثانيا : عطيها كل الشروط وقوانين البيت . .
ثالثا : عرفيها ع اقسام البيت وشغلها الروتيني الي بتسويه ولو ماكنت تعبانة ابدي علميها ع الشغل . .
رابعا : خليها تتسبح وتتنظف وعلميها شقايل تستخدم الشامبو والفرشاة والمعجون والمرحاض وانتي والقارئين بكرامة . . وبعدين بنفس اليوم او بالباجر اشتري لها 3 لبسات مع الملابس الداخلية وجي >> العدد قليل عسب توها تحت الاختبار ما تضمنين تكدين عليها واخر شي تطلع لاسمح الله مب نافعة . . بعدين لو حابة اخذي لها زيادة . .
وتعلميها تغسل ملابسها وتكويهم وتلبس بنظافة وترتيب ..
بالنسبة للفحص : عندج خيارين :
اذا سويتيه بالحكومة لازم تسوين لها اقامة يعني راح عليج ضمان المكتب .. وانتي سألي مستشفاكم الي تسوين فيه الفحص وتأكدي .. فالافضل تسوينه بعد فترة الاختبار الي هي تقريبا شهرين عشان تتأكدين انها زينة وبالمرة تسوون لها الاقامة. .
الخيار الثاني وهو مهم إنج تسوين لها فحص بالخاص ع حسابج مثلا عشان تتطمنين انها خالية من الامراض المعدية . .
والتعامل مع الخادمة بما يرضي الله بس بحزم ﻷنهم ما ينعطون ويه .. والتلفون ع راحتج جان بتعطينها او لا . .
وبخصوص بيت اهل زوجج : افضل لو تخلينها ببيت اهلج تجنبا للحساسيات . .
وبالتوفيق
يوم تسيرون تيبوا الخدامة من المكتب
1-هل تفتشوها؟
بصراحه مع كثره انتشار سوالف الخدامات صرت أخاف ما بخسر شي اذا فتشتها و لا بخليهم في المكتب يفتشونها و انا بطالعهم و عقب أقرر اذا أباها او لا
2-تحطوا شروط وشو هي الشروط وتكلموها هي ولا راعية المكتب؟
كل وحده و شروطها بس لا تدلعينها بزيادة و لا تحرمين من شي بس عامليها بالحسنى و كوني وسط معاها .. و كل هالشروط تكون عارفتنها الخدامه من الأول ف المكتب و بعد راعيه المكتب تكون على علم تجنبا للمشاكل و عوار الرأس
3-هل تودونها علا طول تشتروا الها أغراض ولا عقب ولا إنتوا تشتروا بروحكم؟
لا مب شرط على طول أوردي هيه يايه مع أغراضها و ملابسها بس بأخذ لها الشغلات اللي ناقصتنها مثلا الصابون و المعجون و اللي تحتاجه
4-تاخذوا عنها الموبايل بالمكتب ولا بعدين؟
الأفضل بالمكتب عشان أصحاب المكتب يعرفون هالشي من البدايه و خلي الفون وياج و متى ما بغت تتصل على أهلها بتعطينها .. اغلب مشاكل الخدم من سوالف الموبايل
5-اول ما توصل البيت كيف تتصرفوا معها تبدوا تعطوها تعليمات وشروط و جدول ولا خلوها ترتاح ولا كيف؟
على حسب الوقت اللي وصلت فيه .. يعني اذا وصلت فليل متأخر مو معقولة اخليها تشتغل باجل الشغل لين الصبح .. و حتى لو وصلت من وقت ما بقولها اشتغلي براويها البيت و بعلمها ع طريقه التنظيف كيف تستخدم الأدوات و شوه تسوي و ترا وايد منهم ما يكونون اشتغلوا من قبل بس أصحاب المكتب يقولون أنها اشتغلت ف أكثر من مكان
6-متا تفحصوا؟
الفحص قبل من البدايه .. اول ما أخذها من المكتب على طول الفحص ..
6-بعدين كيف تتعاملوا مع الخدم تكلموهم بعصبية ولا عادي وكيف ارتب الها الشغل بحيث انه عندي شقة صغيرة وغسيل الملابس مش كل يوم وانا اطبخ بروحي وعندي
يهال 2 وبنتي ما تتقبل الخدم بس المشكلة أني اروح فالويكند عند الأهل بملحق عند أهل ريلي وما عندي مكان للخدامة غير المطبخ كنت اخلي الخدامة الأولية تنام فيه بس ريلي يقولي خليها تروح تنام عند اهلي عند الخدامات وغير الحمام تروح عندهم وكل شوي تختفي ما احصلها تروح تسولف هناك لأَنِّي ما اعطيهم موبايل واتوهق وياها وعمتي تحاسبنا اونه تاكل وتشرب ولا اشتغل وَيَا الخدامات انزين انا هاي خدامتي احتاجها فشوروا علي بليز؟
بعصب عليها اذا غلطت و بفهمها الصح من الغلط و بلتمس لها العذر تراها إنسانه ف النهايه .. و انتي فهميها ع الشغل متى تبين تغسل او تكوي او تنظف عسب تتعود على نظامج و ترا وضعج صعب دام انه ما عندها غرفه خاصه فيها .. بس مدام أنها عند عمتج خليها تساعدهم وقت ما تكونين خلصت من شغلها ف شقتج تنظف معاهم و اتسوي شي بسيط عسب ما تقول عمتج أنها بس تأكل و تشرب عندهم
أتمنى أكون أفدتج حبيبتي