كيف اعلم بنتي عن سن المراهقة والنظافة الشخصية

مرحبا خواتي

انا ام لبنت عمرها 6 سنوات ، صحيح انه باقي لها 4 او 5 سنوات على فترة المراهقة بس انا احب من الحين اتعلم كيف اهيأها لها المرحلة من حيث الدورة الشهرية وطريقة الغسل وازالة الشعر من الاماكن الحساسة بالجسم وغيره من الامور الخاصة بالبنات .

انا بصراحة اهلي ما علموني الا الغسل ولا حتى كلموني عن هالمرحلة بس بالمدرسة عرفت هالشي .

ياليت من الامهات اللي عندهم خبرة يشاركون بهالموضوع لانه وايد مهم .

الله يخليها لج حبيبتي

بس تو الناس مارح تفهم عليج الحين

نطري ان شالله تكمل ٩ وعلميها كل شي بذاك الوقت تكون فاهمه وتستوعب عليج

تري الحين المناهج فيها كل شي
بس النظافه علميها دائما تشطف وتغسل بطريقه صحيحة
وانها تعتني بملابسها وتبدلين لها
فاهي تتعود جذي

الله يخليها لج يارب

هلا اختي
هي طبعا الحين ما بقولها بس انا نفسي ابا اتهيأ قبل ما اهيأها لانها لو في يوم سالتني لازم اكون عارفة كيف ارد عليها

الله يكون بعونج اختي
ان شاء الامهات الي عندهم خبرة بهالموضوع يفيدونا

من توصل 8-9 سنيين ممكن تتكلمين معاها بشكل مبسط عن الدورة وواضح
وممكن ماتاخذ في بالها وتنسى وبتلاحظين عليها قبل البلوغ بسنة او سنتين يبدا الصدر عندها بالبروز او الخد او جزء اخر من الجسم يبدا يمتلىء نوعا ما
وعادتا البنت تبلغ بنفس سن بلوغ الام ( على الاغلب وخاصة ان كانت لها نفس البنية الجسدية والعادة الغذائية فينفس هذه المرحلة )
لما تبلغ تسع سولفي معاها عن الدورة مرة ثانية بشكل اكثر وضوح ودقيق خذي ملابس داخليه وعلميها طريقة وضع الفوطة واسكبي عليها سائل ملون
وافهميها عن الموضع وعن مكان النزول
وكذلك عن الغسل والتنظيف من الصغر تعلمينها وتتبعينها وتتاكدين انها تجيد ماعلمتيها بطريقة صحيحة مباشرة امام عينك
وكرري عليها ذلك باللعب بالدمى ( لففتيات والصبيان نفس الطريقة في التعليم ) والعبي معها كيفية الغسل واللبس واستخدام الشيىء وضعي الوان او خيوط في الاماكن المطلوبة على الدمية وعلميها
ثم اتركيها تفعل ذلك بنفسها للدمية ولما تكبر 14 سنة احضري لها رسم عن جسد الفتاة وتشريحه تباع بالمكتبات او او مجسمات طبية تباع او بطريقتك وفريها واشرحي لها بشكل اوضع اكثر وصريح

وحتى مسالة التحرش الجنسي لازم نعلمينها من سن دخول الحضانة وتعيدينها ( بنات واولاد ) تعلمينهم مثلث الخطر بجسدهم وهو المنطقة التي تحجب بالملابس الداخلية تعلمينهم ممنوع احد يلمسه او ينزله او او
وتعلمينهم بشكل مجسم لعبتين تحضرينها كل ابن على حدة
مع شرح بيديك علي جسده
وتعليمهم ان يخبروك باي تهديد حركة تحدث لتلك الاجزاء

ولما يكبرون اكثر لمرحلة الاعدادية خاصة الاولاد يحتاجون تعلمينهم اكثر الاشارت والكلمات التي تستخدم في الايحات الجنسية وهي يستخدمها الطلبة الذكور يسبون بعض حركات واشارات لا اخلاقية كل اشارة وحركة ماذا تعني ممكن باستخدام الالعاب ان تشرحي لهم بشكل مبسط وصريح

الله يحفظ يعيالج ويبارك فيهم

ان شاءالله الامهات يفيدونا ‏
مشكورة أختي ع طرح الموضوع