مرحبا خواتي انا خذت المشد الاندونيسي من المنتدي بس يابس ابغي اعرف الحين اغسله ولا كيف؟ وكيف اللبسه ومتي بضبط بعد الولاده بكم يوم ؟
المشد الاندونيسي وكما هو معروف يمنع ترهل البطن بعد الولاده ويشد الظهر والجسم ولكل من تعمل ريجيم
المشد طوله 10 امتار وعرضه تقريبا شبر يلبس طول اليوم ما عدا وقت النوم وعلى الاقل لمدة شهر وراح تلقين الجسم ملفوف والكرشة رايحة وحتى ممكن تخسرين وزن لأنش راح تبطلين تاكلين طول ما هو حاكرج طول اليوم
فوائده لبعد الولادة:
بالنسبة للولادة يلف المشد حول البطن بعد الولاده بأسبوع أو اسبوعين ويجب عدم شد المشد بقوة حول البطن في الايام الاولى لما بعد الولادة ولكن يتم التدرج في الشد كل ثلاث أيام
فوائده للريجيم:
أما اللي بتسوي ريجيم فعادي تلفه بس انها تسوي تمارين ويفضل المشي ولو نص ساعة 5 ايام بالاسبوع…
المشد باول يومين بيضاقش وهذا شي طبيعي بس بعدها بتتعودين عليه خاصة لو انش في اللحظة اللي بتتضايقين منها بتفكرين انها بتكون السبب في رشاقتج اللي دايم تحلمين فيها وانش راح تلبسين اللي تبين من غير احراج
المشد تسوينه مثل الباندج او الشاش و تدهنين بطنج بالزيت او اي كريم تخسيس وتلفينه على بطنش من تحت لفوق وتظلين لابسته قد ماتقدرين … ما عدا وقت النوم …
لا تنامين وانتي لافة المشد … افتحيه وريحي نفسج وقت النوم علشان الدورة الدموية تمشي وتنشط وتفقدين خلالها الكثير من السعرات الحرارية …. أي استفسار حاضرين
وهذي طريقة استعماله
(1) نطوي المشد جذي بعدين تفتحينه بتدريج
(2) بعدين نثبت المشد على اسفل البطن وتدخلين بطنك زين وتحطينه بهذي الصوره
(3) شدي المشد زين بحيث ما يزعج او يطيح جذي
(4) وبعدي لفي من اسفل البطن الى اعلى نفس الصور
(5) بعدين تدخلينه تحت القماش او تحطين مشباك
