انا عندي تكيس مبايض فالمبيضين واعاني من اعراضه اللي هي زيادة وزن وحب شباب وتساقط شعر والدورة عندي ملخبطة الحمدلله على كل حال
راجعت عند دكتورة وعطتني جلوكوفاج وقالتلي نزلي وزنج حاولت بس اشوفه يزيد ماينقص اشك ان الغدة فيها كسل
قريت عن القسط الهندي وفوايده واحمست اني استخدمه رحت شريت المطحون من القرية وبكل حماس ابا اجربه واتمنا يكون فيه علاجي
بس شو اقولكم طعمه ذبحني يلوع بالجبد استغفر الله قد ما اشرب ماي الطعم مب طايع يخوز
حطيت مقدار ملعقة في كوب ماي وشربته بس 
ابا تشجيييع واللي مجربتنه او تعرف حد جربه واستفاد تقولي كتحفيزز
المهم فالموضوع اني ابا اعرف شو احسن طريقة لاستخدام القسط الهندي او العود الهندي اذا في طريقة تخفف الطعم المر اسعفووووني فيهاا بليييزز
للرفع
المهم
معلقة منه على ماء مغلي في كوب الشاي و تحطين عليه صحن صغير تسكرينه عشان ما تلوع جبدج من الريحة لين يستوي دااااافي يعني ترومين تشربينه على ثلاث مرات فقط ,, و أول ما تفتحينه تسكرين خشمج بيد و باليد الثانية تشربينه على ثلاث مرات بدون ما تشمين ريحته … وعقب تكوني محضره موزة وتاكلينها وراه على طول تنسيج الطعم المر …
كنت أكرر هالشي مرتين في اليوم مرة على الريق الصبح و مرة المساء قبل النوم …
الله يوفقج
السلام علييكم ورحمة الله وبركاته
هذي اول مشاركه لي في المنتدى واتمنى اني افيدكم واستفيد من تجاربكم
قريت كثير في المنتديات عن القسط الهندي وفوائده ….واغلب السيدات يشتكون من طعمه وريحته الكريهه وانا بعد عانيت من ريحته… بس الحمدلله حصلت القسط الهندي متوفر على شكل كبسولات 
ب25 درهم للعلبه في مركز الرحمه في ابوظبي .