تحليل ايجابي
في حمل
واااااااااااااو
فرحة
و
و
و
السونار يقول كيس الحمل فاضي ما شي جنين
!!!
الله لايقول ويصير فاي وحده..
عادي اول شهر مدري شهرين دوم يقولون فاضي
بس يطمنون انه في حمل
بس انا كنت متأكده انه فيه جنين بس طاح قبل السونار (السالفه بتيج بس تراها طويله خخخخخ)
الله يسلمج و يسلم الجميع انا حملت بعد ما عرست
و بعد اسبوعين تقريبا من اكتشافي للحمل نزل عيله دم أحمر و بني غزييييير يعني الهاف انترس.
رحت العياده و قالت لي الدكتوره انتي عروس و خوافه أكيد نزل عليج قطرات بنيه و خفتي و هولتي الموضوع،،،، و هاي حاله تصيب اغلب الحوامل (نزل افرازات بنيه) فلا تخافين ولا تتدلعين
انا تميت اقول حق الدكتوره والله ان غزير و انا اعرف ان الحرمه يصير لها افرازات بنيه بس اللي صار لي غيييير
ما عطتني ويه 
و عطتني مثبت لمده 10 ايام….
بعد العشر ايام سرت عشان تسوي سونار و تشوف الجنين ويه الدكتوره اتغير بس ما تكلمت و قالت لي كملي عالمثبت اسبوع و تعالي انشوف النبض.
بعد اسبوع رحت شيكت و قالت لي ان الكيس بدون جنييييييييييييين
انا انصدمت و ما عرفت اصيح ولا شو…تميت ساكته و مصدومه…
حولتني الدكتوره للطواري في مستشفى دبي و في المستشفى هزبوني اونه العيادات الخاصه يغلطون و بعدين يفرون اغلاطهم عالمستشفى.
و يوم دخلت علي دكتوره ثانيه في مستشفى دبي بعد هزبتني و انه المفروض اول ما نزل عليه الدم لازم اترغد في المستشفى تحت ملاحظه…
بس انا كنت عروس و ماعرف و اهلي في إماره ثانيه و ريلي راح عني دوره عسكريه…
تمت عيني ادمع
و بعد ما الدكتوره قرت التقرير و سمعت السالفه كامله مني
قالت لي اصلا الجنين طاع عليح في البيت (يوم نزل عليه الدم الغزير)
بس لان الدكتوره عطتني مثبتات قويه لمده عشره ايام و بعدها اسبوع زياده
المشيمه تمت ثابته (و كملت اكثر عن شهر ثابته من تأثير المثبت)
عشان جيه يوم الدكتوره سوت لي السونار اتحسبته كيس من غير جنين…..
بعد شهر و اسبوع ،،،،نزل الكيس بروحه لاني كنت اشرب اشياء حاره طول اليوم (قالولي ينزل بروحه احسن ما يبون يسوون تنظيف لاني بجر)
و الحمدله نظفت و ماحتجت غساله في المستشفى…
و هاي سالفتيه
و اسمحولي طولت بس الهرمونات ضاربه عندي و حبيت افضفض (^^)
و في النهايه الحمدلله على كل حال….
ربي لا تذرني فردا و انت خير الوارثين
وفديتج يا أخت أمورة وربي يعوض عليج الغالية…