كيراتين ؟!

جوفي حبيبتي انا من العين

شعري ناعم بس مجعد

وحرمة خالي شعرها خششششششن وكيرلي اقولج مرة جفتها وشعرها ناعم وسايح قلتلها شو سويتي قالت كراتين حبيبتي وتمت تنعش >> خبلة

قلتلها خخخخخخخخخخخيبة انتي شعرج يبالة 10000 قالت لا وحياتج 500 قلتلها كييييييييييييف وانا فاجة حلجي منصدمة

قالت كراتين صيني قلتلها يالخبلة قصو عليج وجي قالت لا وطبعن دقت في راسي شور وسرت وياها دبي فسوق نايف بناية وشي وحدة صينية هي وامها وريلها عندهم صالون وحلاق بس صالونها فراس الخيمة وترومين تروحين الشقة بس تحملي منظر البناية سرت وسويت شعري خذت 250 وعطتني حمام زيت ب 50 والله ماجذب عليج من 7 شهور مسوية وشعري قام يطول ونعم صار شرات الفلبينيات ووقف التساقط وايد حبيت شعري لدرجة كرهت عمري من النعومة ههه قمت كلة افجة وبس ان شاء الله باجر ولا عقب باجر بسير اسوي مرة ثانية

قلتلج قصة حياتي هههه سهرانة ورايقة حدي

صح نسيت اخبرج راسليني لو تبين شي لاني ماعتقد ارد عالموضوع ^^

سوي وانتي مغمضه روعه وما عليج من الي يقولون يخرب الشعر
بالعكس روعه بس انا انصحج بالبرازيلي الاصلي لاني مجربتنه وما اقدر افتي بغيره
انا مسوتنه في الشارجه وما اعرف عن العين
بس اسالي اي صالون يسوون لج الي ينغسل بعد ساعه مب بعد 4 ايام

كشخه عرب هههه حمستيني بس وين دبي مافينا على الطريج بس مشكوره فديتج

برق لمع … أنا سمعت الي ينغسل عقب 4ايام احسن يكون الاصلي

مشكورات على الرد

للرفع

معقوله محد مسوي

اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي