كيد بعض الحريم

الموضوع مبين من العنوان وابغي رايكم امس ربيعتي كلمتني وبعدين فتحت موضوع وحده عندهم في الدوام اتقول هاي البنت كانت اتحب واحد موظف يشتغل عندنا وكانت اتقول لهم اني احبه وابغي ازوجه علي الرغم ان هذا الريال مزوج وعنده اعيال ويحب حرمته واعياله اتقولي ان هاي البنت طلعت من الدوام من اربع سنين وما انعرف عنها شي اتقول انها من كم يوم شفتها في السوق ومعها ولد قالت سرت وسلمت عليه وسوالفت معها وسالت عن الولد قالت هذا ولدي قلت لها ما شاء الله ازوجتي بس ما خبرتينا ولا عزمتني قالت هيه لاني خذت الي ابالي بس بسر قلت لها شوه تقصدين قالت افلان اتعرفينه قلت هيه معنا في الشغل قالت هذا زوجي بس محد يعرف لا زوجته ولا حتي اهله قلت لها كيف قالت تعبت منه سبع سنوات معه كل يوم اسوي له تلفون واطرش له مسج الي ماخذت قلت لها وانتي شوه مستفيده من هذا الشي قالت ما شي بس يكون زوجي قلت لها وكيف اهلج يرضون قالت وافقوا الامر عادي وهي تضحك شوه رايكم انتوا هل اضنون ان الامر عادي ان الوحده اتكون بهاي الطريقه شوه تبغي من الزواج مب الاستقرار وعقب سالت ربيعتي وكيف حرمته ما كشفته اتقول انها سالت وقالت اصلن هو ما ايي عندها الي بين كل اسبوعين مرة اوحتي في الشهر مره يمكن ساعتين او ثلاث علي اساس انه يكون مع ربعة بس يتصل فيها كل يوم ومحطي اسمها في تلفونه اسم واحد من الشباب وبعده ما سجل اسم الولد بسمه والله شي يقهر

بصراحه لا تعليق
اعلق عالبنت ولا اهلها ولا الريال !!!!!

قذاررررررررررره في نظري تزوحته عشان ترضي شهوتها وغرورها

اوووف ليش .. جي .. كله عشان ريال .. حبيبيتي الرياييل كود .. ليش كل هذا .. شو الفايده يي بالدسه ويروح بالدسه .. و الصغيروني بعده بلا هويه .. شو تتريا لين ما يطلقها اول ما مرته تعرف ..
الحب مو كل شي .. ياما ناس سو قصص روميو وجليت لين ما خذوا بعض وبعد كل هالحرب الرومنسيه .. مشاكل و حسره فالقلب ..

من الاخير ماعندها سالفه .. والله .. واهلها يحليلهم اكيد سوت دراما وحركات عشان يوافقين مافي الايد حيله شو بيسون لو جي مناكر هالبنت

هلا خواتي ابصراحة غريبة اضحي بسمعتي وراحتي علشان واحد ليش احنا وين عايشين ، بصراحة قوية وشو ذنب الولد انا مو ضد الزواج الثاني بس بالسر ليش ، انا اشوف لو اتزوجت زواجه عادية كان وايد احسن لها بس مكر بنات لما يعشقن

والله يا اخوات كل سر لازم ينكشف وكل صغير بيكبر وبيسال واين اهل ابوي شوه هذيج الساعة بتقوله امه انا زوجة بالسر محد من اهل ابوك يعرف والابو كيف يبرر موقفه بيحط اكيد عيوب في زوجته الاولي عشان محد يلومه كل واحد عشان يكون هو الصح يحط له الف عذر

لا تعليق