مرحبا الغاليات
اكيد كل حرمه تتمنى تعيش فبيتها ومملكتها الخاصة
اللي سكنت مع الاهل بعد الزواج كم سنه تميتي عندهم لين ما انتقلتي لبيتج ومملكتج
الكل يشارك
مع ذكر الايجابيات والسلبيات
^_^
صار لي ست سنوات في بيت أهلي ،،، ما شى شباب و مرتاحة نفسيا ،،، اخوان ريلي كلن في بيته ،،، بس انا ما احب الشقق ،،، احب البيت ،،، اكثر عسب جي ،،،، و علاقتي وياهم طيبة ،،،، ما بنتقل الا يوم يطلع لي خدمات الارض الي صار لها ست سنوات ما طلعت ،،، و دام أني مرتاحة في بيت اهل ريلي فليش أسير و أضيق بروحي في شقة ،،،
12 سنه
من عرست لين يومج وانا عندهم 19 سنه واخوان ريلي 8 بعد عرسو وكلنا في بيت واحد انا اكبر عيالي عمره 18 وتحتى 7 وعمرى 32 سنه والصراحه هو حلو وموب حلو انا ما احب الوحده ملل بروحى ايلس لانى جربت يوم سرت لندن كنت بموت والى موب حلو تعب وازعاج العيال وزحمه الحريم وبعد مطبخنا واحد والشغل علينا ما فيه خدمات
انا ما سكنت عند اهل زوجي
ريلي اول ما ملج عليه ، سار ودور له شفة وأثثها..
انسير عند اهل ريلي كل اسبوعين ، بسبب طبيعة شغل ريلي
سنة وعشر شهور . طبعا كان البيت اغلبه شباب فاكون لابسة شيلتي لمن اطلع من غرفتي ولابسة كندورتي . كلهم كانو طيبين ومحترمين الله يوفجهم ويدكرهم بالخير . صح اول سنة صعبة شوي لحد ما تتاقلمين ع الوضع
ماسكنت ولا يمكن أسكن صراحة أنا مزاجية أحب الهدوء ومنظمة أوقاتي زوجي ماعرض علي فكرة السكن عند أهله
نسير عندالأهل كل أسبوع مرة أو مرتين وأحيانا أروح من الدوام اتغدى لأن عمي ماشاء الله دوما يتصل يباني أروح عندهم هم طيبين الحمدلله مايتدخلون بحد
عادات بلدنا البنت تسكن بروحها بس الصغيرونة تسكن فترة
نسير عندالأهل كل أسبوع مرة أو مرتين وأحيانا أروح من الدوام اتغدى لأن عمي ماشاء الله دوما يتصل يباني أروح عندهم هم طيبين الحمدلله مايتدخلون بحد
عادات بلدنا البنت تسكن بروحها بس الصغيرونة تسكن فترة