يا كثرها المرات إلي كنت أسمع فيها عن كلينك و منتجاتها … فهل هي ممتازه مثل ما يقولون …
فشو رايكن فيهن ؟
ياليت الكل يحط تجربته مع أي منتج … و مع الصوره
و لو تذكرون طبيعة بشرتكن بعد 
بشرتي مختلطة و حساسه …
مرطب
ما بقول واااااو … مستواه متوسط … و ما يحسس …
ربي يحفظكم
انا عن تجربتي ياما جربت دكتورة جلدية متخصصة وكل حد يقولي هذا احسن وهذاك احسن من منتجات طبية
لكن مافي شي نفع لويهي لأنه مختلط جاف و دهني ومنطقة الخد احمراااار وايد حتى في وحدة قالت اونه حرق!!
المهم عقب ما الوالدة ربي يحفظها شافت معاناتي قالت ليش ماتجربين كلينك؟؟
وجربت الخطوات ال3 من الغسول و السائل و اللوشن
والحمدلله رووووووووعة كلمة شوي عليه
والوالدة كله تمدحه لأنها من سن مبكرة تهتم لبشرتها
وتقول افضل شي لبداية العشرينات كلينك وهو من زمان موجود
ومكوناته طبية بس مب قوية على البشرة و تكون اوكي ^^
واستخدم المقشر مرة وحده في اليوم
واستخدم الماسك مرة في الاسبوع
و عن مكياجهم كنت استخدم مكياجهم فترة وهو حلو والوانهم خفيفة وحلوة .. بس حاليا ما ستخدم
جربت ماسك للمسااام "امون محطيه صورته " حللوو
جربت سيرووم للمسام ما استخدمته وايد عسب جي ما اقدر احكم
كريم للمسام كنت استخدمه قبل االمكياااج كان واايد حلوو
وبالنسبه للمكيااج استخدمت بودره لونها اخضر فاااتح و كانت من احلى البودرااات الي استخدمتها
وبودره المنيرايل بعد حلوة استخدمها كل يوم الصبح
البدايه كانت لما طلعتلي وايد حبوب في وجهي سرت اتعالج وما تغير شي
عقب قلت خلني اطالع كلينيك يمكن احصل شي
وكان نازل عندهم انتي بلمش سلوشن
خذت الست كامل ووايد نفعني وهاي صورته
يوم خفت الحبووب خذت المجموعه العاديه وهاي صورتها
وهي خاصه للبشره المختلطه
بس التونك ما ارتحت منه احس يقرص ويهي .. عشان جي اللحين استخدم الغسول والمرطب من كلينك والتونك من لانكوم
واستخدم سوبر ديفينس يوم اطلع لانه فيه حمايه من الشمس ومرطب في نفس الوقت
وها غسول ثاني من كلينيك بغد وايد اوكي
يعني مرات استخدم هذا ومرات الثاني وهاي صورته
ومن الاشياء اللي استخدمتها هالكوركتر
عشان يفتح بقع الحبوب والاثاار
والصراحه فتح البقع بس المشكله ما استمريت عليه
ان شاء الله برد استخدمه
وهاااي تجربتي ويا كلينيك