كيف الحال؟
بصراحة انا قاعده اكتب الموضوع وانا بصراحة قاعده ابكي
لاني خلاص اكتئبت
اليوم حصلت وظيفه بدواااام جزئي وبقسم تقنية المعلومات يعني حسب تخصصي في مركز صحي في العين وهو مركز محترم وكبير
ولي متخرجه من سبع سنوات تخصص اي تي وشتغلت سنتين والكل يعرف القصة
بس للاسف مرفوووووووضه الحين
لان ماعندي جنسية بدووووووووووووون (كائن فضائي ليس لي جنس ولا لون)
+ صارت عندي مشكلة في اذني اليمين بسبب استخدام التلفون والاصوات العالية
خاصة شغلي الاول كله كان على التلفون فاكيد اذني تاثرت (ومااعطاني مستحقاتي)
بس
فماحد بييشغل طرشه شر البلية مايضحك
على الاقل اضحك على نفسي قبل ماغيري يسوي جي
الحين انا اعرف ان الدنيا ارزاق بس كان نفسي بهذي الوظيفه من خمس سنوات وماقبلوني
زين شو اسوي الحين
ليش كل ربيعاتي لقن وظايف وعادي وكلهن حسب الي يناسبهن الا انا (اعرف اعرف انا احسن منهم وباخذ وظيفه اكبر)(احلام العصافير)
وكلهم مبسوطات بوظايفهن حتى لو عندهن مشاكل عادي
وليش الناس الي شتغلت معهم سو معاي جي!
هو عادي
بس انا الحين يوم ماقدرت اخذ هذي الوظيفه بس انزعجت لاني كنت اريدها وصرت افكر بالذي مضى وبصراحة
شهادتي وعلمي قدم وصرت اريد راتب عشان ظروفنا الحين صارت اصعب
عشان جي اتضايقت
بس فضفضة
اعرف ان الخيره فيما اختاره الله
ولو كانت الوظيفه لي كنت باخذها
وانا الله يوفقني
اعرف الردود مسبقا
بس فضفضة
انا الاحسن راسي شامخه
و بعدين انتي الحين دوام جزئي و ان شاء الله بعد كم شهر بيخلونج دوام كامل قولي اميييييييين
مااعرف ليش الواحد ينوح وجي الحين عمري 29 وخلاص مالقيت عمل يناسب والجنسية فليش ابكي الحين وجي
ومافي حد كان يريد يساعد
حسبي الله ونعم الوكيل
حتى مرات افكر اقول ايش اريد من الشغل حتى والله بالجنسية ايش اريد منها!!!!!!!خلاص مالها داعي
لما شاب ودوه الكتاب
امي عمانية قدمت لي على البريمي ومسقط وكل يوم يقولون اليوم باجر من 25 سنه
خخخخخخخخخ والله لو طالبه المغفرة من الله كنت حصلت عليها في اصغر جزء من الثانية
اخر شي صارخت على الموظفين في مكتب الوالي راحو زعلوا ونزعجوا !
يعني انا الحين بالله عليكم انسانه ولا ملف قضية للدراسة
وموضوع السمع يمكن زاد الاكتئاب عندي