ماشاء الله علي صايره نشيطة في هالقسم خخخخخخ ….
اليوم يايبتلكم طبق لذيذ ….. و طبعا مفيد فيه وايد خضروات و ما فيه وايد زيت .. اللهم زيت زيتون ..
المكونات:
– لحم مفروم
– مشروم
– بصل مقطع مربعات صغيره & بصله مقطعه ارباع
– 4 طماطم مقطع ارباع و طماطتين مقطعات صغار + كوسا مقطع مكعبات صغيرة
– 2 علبة ماجي + علبة معجون طماطم
الطريقة :
– اول شي ييبي الكوسا و الباذنجان و لازم يكونون شوي كبار … الباذنجان شوي قشريه يعني الوحده قشريها 3 خطوط بس … لا تقشرينها كامله … و الكوسا بس بالسكين قشريها شوي .. يعني يوم تمشين السكين على القشر مب انج تيلفينها كامله … و كل ثمرة قصيها لنصفين و حطيهم في جدر في ماي مغلي و مكعبين ماجي وياهم .. و خليهم تقريبا 7 – 10 دقايق .. مش اكثر ..
– في هالاثناء هاتي الخلاط .. و حطي البصله الي قطعتيها ارباع + ال4 طماطات ارباع و حطيهن فيه .. و حطي البهارات التالية : ملعقة كزبرة مطحونه & ملعقة فلفل اسود + ملعقة فلفل احمر مطحون + ملعقة ثوم مطحون …….. و يوم بتخلصين من تفوير الكوسا و الباذنجان خذي مقدار كاس من الماي الي فورتي به .. و حطيه في الخلاط … & معجون الطماط …….. و اظربيه على السريع .. ما نباه وايد عصير … لا خليه شوي فيه قوام ثجيل ..
– الحين نوصل للحشوة او الtopping … اول شي اقلي البصل في زيت زيتون .. و من يحمر حطي اللحم المفروم و خليه ينضج .. و عقب الطماطم و الكوسا الي قطعناهم مكعبات + المشروم المقطع + مكعبين ماجي + ملعقة فلفل اسود و تميت تحركين لين تشوفين الطماطم ذاب و الكوسا استوت ..
– الحين تيبين الكوسا و الباذنجان الي فورتيهم و و تحفرينهم بحرص تخلينهم مثل القوارب…. و تيبين الصينية الي بتدخلينها الفرن .. انا البايركس العوده مالتي ما تسد فحطيتهم في صينية معدن .. حطيت بطاط شرايح تحت (اختياري) و عقب قمت احشي قوارب الكوسا و الباذنجان بالخلطه الي سويتها .. و صفيتهم في الصينية .. و يبت الصلصلة الي سويتها في الخلاط و صبيتها على المحتويات .. بحرص عشان ما تطلع الخلطه برع ..
و عقب ما صبينا الصلصه
و عقبها حطيت جبنه موزاريلا
و تخلينها في الفرن تقريبا نص ساعه الى ساعه الا ربع في درجة حرارة 200 .. و عقب تطلعينها و تغرفينها …… و بالهناء و الشفاء
الشكل النهائي:
تحياتي لكم ..
اشوف الهمة مشدودة هاليومين ههه
يعطيج العافية ريمــوتي
ما قصرتي
تسلم ايدييج وبالعافيه عليييكم