السلام عليكم اخواتي
بقولكم شو سويت تذكرون هالموضوع المهم هو رجع لي وقالي انه ماعرس وجي
وانا لاني احبه يعني في بقلبي حب له مهما كان عطيته فرصه وسمعت شو يبا
حسيته كله يبغي يظهر وياي ويقنعني بهالشيء ويزعل يوم ارفض المهم انا حسيته يلعب
وكله اتعذر له وما ارضى وهو مرات يتقبل ومرات لا المهم لانه بخاطري قلت له انا بخليه وبغير
رقمي جريب وبتوب نائهي بقطعه مابخلي شيء يقدر يوصله لي
المهم طرشت له مسج قلت له اني حبيته من قلبي وانتي اتمناه يكون ريلي
وابوعيالي لانه خلوق وطيب وقلت له لو تباني وخاطرك فيني اخطبني ولو ماتباني عادي
وانا احسك ماتشوفني ك زوجه فمارضى اتم معاك واللحين ندمت اني طرشت له جي
احس رخصت عمري له مادري احس ندمت شورايكم بنات
بالي سويته صح ولا غلط يعني الكلام نزلني ولا عادي
لازم اعرف انا طلبت الحلال منه بس ماعرف هو للحين مارد بمسج ولاشيء
بعد قلت بخاطري لو هو لعاب من يقرأ هالمسج ع طول بيشرد ومابيدق
وجي ضربت عفورين بحجر اني ارتاح منه ويشرد مني ومايدق خير شر
جاوبوني ضروري
اني ما اعرف الموضوع القديم
بس انتي سويتي الي عليج و بينتي نيتج الصادقه الشريفه وياه
و هيه تبقى يمه اذا يريدج و يحبج راح يخطبج ان شاء الله
واذا كولش طنش يعني لعاب الرجال و انسيه
انتي انتظري مده بس مو هوايه
اذا بقى هيج مطنش غيري رقمج و البسيه
ما اظن انج رخصتي نفسج
هذا واقع و نقاش بين اي ثنين وانتي ردتي تعرفين مصيرج من حقج الي سويتيه
و ان شاء الله يفرحج و يرزقج بالرجال الصالح
ها الشي يحق لج دامه يحبج
وزين انج طرشتي مسج الحين بتعرفينه اذا هو لعاب ولا لاا
وووو الله يسر امورج ويفرجها عليج وتلقين الريل الصالح
ونا راي انج تسوين لقلبج ستوب ساعه وحده بس…و فكري بتصرفاته بعقل …
يكلمج وويودرج عشان ولا شي..و يخلي اخوه الصغير يرمسج …و يلقنه حجي …
يقولج بيتزوج …و بعدين يقول لا …ما كنت بتزوج …يعني بالعقل شو تفسرين حركاته و تصرفاته ؟؟؟
طول عمري اعرف انه الريال اذا حاب البنت و شارنها …ما يبهدلها ..ولا يفكر يسوي شي يظرها و يظر سمعتها ..
ولا يفكر انه يحد البنت انها تقدم تنازلات..مكالمات و يطلب صور ..ومدري شو …الواحد اذا حب صج ..لازم يرفع من قدر اللي يحبه ..مو يذله …
اذا على الكلام الحلو اللي تسمعينه منه …كل ريال بهالوقت يقدر يقوله لج ….لكن اللي صج حابنج بيصونج ..و بي سييييييييييييييييييييده لبيتكم يخطبج ..مو يقول يمكن تطور مشاعري بعدين …
هذي السوالف ما فيها لعبان …هذا زواج
تبين نصيحتي …اتخذي قرارج بسرعه و احسمي الموضوع …
انتي قلتيله اذا تباني تعال اخطبني …و خلاص لا تندمين على شي صح سويتيه …
غيري رقم تلفونج و اقطعيه …
و الماضي لا تفكرين فيه..فكري بربج و طاعته ..
اذا هو صج حابنج
..بتلاقينه فبيتكم …
و اذا يا خطبج واحد قبل ما الاخ يشرف ..سئلي عنه و استخيري فيه ..و اذا ارتحتي …توكلي على الله و خذيه …و خليج من اللي يبا يذلج ..وما يندرى بنيته شو هي …
و خذي اللي شراج و بغاج بالحلال ..واول ما بغاج فكر كيف يحافظ عليج … من غضب الرب و كلام الناس ….
و على فكرة انتي اذا تزوجتي غيره وكان زين …بتحسين انه ها ما يسوى …لانه الانسان مفطور على الارتياح للحلال …
و انتي يوم بجربين المشاعر و الكلام الحلو بالحلال ..بتحسين بالفرق الكبير ..و بتقدرين تتخلصين من مشاعرج ناحية هذاك الاولي ..
و الله يهديج و يهدي الجميع يا رب
هل ترين انك رخصتي بنفسكِ عندما طلبتي ان تكون علاقتكما بالحلال؟!
الم ترخصي بنفسكِ عندما سمحتي لها ان تحادث شخصا اجنبيا وتلعب معه لعبة الحب الرخيصه؟!
يااقلبي..
الحب بمعناه الحقيقي ان انزه من احبه عن طريق الحرام وطريق الخطـا واسعى ان اكلل علاقتنا بما لا يغضب الله
كيف احبه واهواااه وامشي معه طريق نهايته معروفه؟!
للاسف…
من اتخذتيه حبيبا لم يحبكِ قط
لانه يساومكِ على امـر منهي عنه شرعـا لنيه لا يعلمها الا الله
تحديد موقفكِ منه صح
وارسالك للرساله الاخيره خطوة مصيريه
يجب ان تكوني مستعدة لنتائجها…
وتوقعي..الاسـوء..لان الجواب واضح
هدانا الله واياكِ 