هذي اول مرة اشارك بهذا القسم دايم ادخل واقرا بس واطلع
المهم انا مشكلتي غريبة شوية
مااريد حد يلومني او يقول انتي غلطانه لا اريد حل بسيط ومتفهم لمشكلتي
المهم
مشكلتي بدت من مات الوالد الله يرحمه قبل موته حطني عند حرمه ربتني احسن تربيه صرت ما اعرف امي الحقيقية مع انها تزورنا بين فترة الوثانية
بعد عدة سنوات توفيت الوالده الله يرحمه صح ماعرفتها زين بس الله يرحمه ويرحم الوالد
المشكلة صارت في عيل الحرمة اللي ربتني مايحبوني ويكرهوني لاني مقرب من امهم
كبرت وصرت حرمه وكنت قريبه منها بس الله لا سامح اللى غيرها عليه
كانت تحبني لكن بعد تحب عيالها واكيد بتم انا الغريبه بينهم
وعلى فكرة ترا اللي مريت فيه منهم مب بسيط لدرجة اني طلعت استقليت بحياتي بعيد عن امي اللي حبيتها بسبب خوفي على عمري وعلى حياتي
بتقولون ليش سويتي جيه لي اسبابي اللى خاصه فيني مثل ماقلت خوف على (( حياتي ))
المشكلة اني احسن واتولهه على امي اريد ازورها بس خايفه من عيالها واحد من عيالها مهدد فيني الله لاسامحه
انا مااريد اكمل حياتي بدون مااشوفها او استسمح منها
احبها واتولهه عليها دوم الحمدلله الله انعم عليه بالخير اشتغل ومعتمدة على نفسي بس فيني فراغ العاطفة ابكي فرقاها دوم
وعلى فكرة من طلعت من البيت محد سال انا حيه ميته لا والله قالوا تنجلع حصاه وخازت عن الدرب
وانا مثل ماقلت في البداية مااريد حد يلومني اريد حل بسيط لا اكثر
والسموحة على الازعاج
وقولي حسبي الله ونعم الوكيل
وبس لازم اتطمنين اللي ربتج وخليها ما تقول انج ناكرة الجميل
وبأي طريقة المهم لازم تعرف حتى ولو من اي احد
وديري بالج على عمرج وروحي عند خوالج او عماتج او احد جريب منكم وحتى لو ما كانت في صلة رحم
المهم لازم اتشوفين حياتج وانا افضل انج اتعرسين واتكونين حياة جديدة واسرة جديدة
الله يرزقج بولد حلال يستر عليج
الله بيفرج همج يارب العالمين
وقولي حسبي الله ونعم الوكيل
ولا حول ولا قوة الا بالله العلي العظيم
واستغفري وااااااااااااايد وقولي استغفر الله الذي لا اله الا هو الحي القيوم واتوب اليه
خلج احسن من كل هذا و دام نحن في الشهر الفضيل
روحي زوريها و باركيلها بالشهر و استسمحي منها
و ان شاءالله كل شي بينج و بينهم بيتصلح ..
الله يكووون معاااج و يخفف عنج ..
المشاركة الأصلية كتبت بواسطة الهرمودي 
وقولي حسبي الله ونعم الوكيل
وبس لازم اتطمنين اللي ربتج وخليها ما تقول انج ناكرة الجميل
وبأي طريقة المهم لازم تعرف حتى ولو من اي احد
وديري بالج على عمرج وروحي عند خوالج او عماتج او احد جريب منكم وحتى لو ما كانت في صلة رحم
المهم لازم اتشوفين حياتج وانا افضل انج اتعرسين واتكونين حياة جديدة واسرة جديدة
الله يرزقج بولد حلال يستر عليج
الله بيفرج همج يارب العالمين
وقولي حسبي الله ونعم الوكيل
ولا حول ولا قوة الا بالله العلي العظيم
واستغفري وااااااااااااايد وقولي استغفر الله الذي لا اله الا هو الحي القيوم واتوب اليه
تسلمين اختي على الرد
ترا انا مقطوعه من شجرة لا اعمام ولا عمات الوالد الله يرحمه ما كان عنده حد بالدنيا اخته توفيت قبله وهي ماخلفت اي ذرية
والخوال والخالات الله يسامحهم يتحروني يالسه على كنز قارون لاني اشتغل الله يسامحهم
وانا وصلت رسالة لامي اني متولهه عليها بس مافي رد
حتى ربيعاتي تخلن عني تصدقين هذا الشي عبالهم اني اختربت وهم اول ناس قالوا لي ارتحتي منهم
الله لا سامح اللي اذاني وخرب عليه
اللهم يا جامع الناس في يوم لا ريب فيها .. اللهم اجمعها مع امها عاجلا غير اجلا ..
ان شاء الله بتتيسر امووورج وبتجوفين امج " اللي فمكانة امج " بس انتي ادعي ولا تيأسين …
الله يرحم ابوج وامج .. يسكنهم فسيح جناته
ع الاقل سوي لها تلفون لو تخافين تسيرين عندها وهي اكيد بتكون متولهه عليج بعد وبتستانس لو سمعت صوتج
الله يوفقج حبيبتي ويسهل عليج امورج ان شاء الله
وبخصوص الاتصال فيها جميع الارقام تغيرت هب اني ماحاولت