قصتي مع ضروس العقل . ارجو الدخول للإستفادة و المشاركة

السلام عليكم بنات ..

القصه باختصار كالتالي:
من شهر رحت دكتور الاسنان ويا اختي .. و فجأه لقيت عمري اسوي اجراءات و فحوصات التقويم … لووول .. ملقووفه !! قلت شو عليي خليني اسوي على اساس تستوي ابتسامتي حلوة على العرس ..طبعا بشله في العرس و برده .. ما بخليه لا تحاتون لووووول .. يا حلاتي و انا في البوم العرس مبتسمه و الفلاش يظرب في التقويم !! خخخخخخخخخ المهم طبعا عقب الاشعه قال لي الدكتور اني لازم اسير اجلع ضروس العقل كلهن لنهم مسوين زحمه و طالعين غلط اصلا … فجلعهم احسن .. و طبعا انا عندي فوبيا من الابرة و خاصه ابرة الدينتست ..بموووووووت من الخوف

الحاصل … دكتور التقويم عطاني رقم دكتور هندي في الروله اونه يباني اسير اجلع عنده .. طبعا مستحيل اسير .. جراحه و قص و دنيا و اسير عند واحد مب مضمون .. تميت اسوي التحريات و الاستطلاعات مالي و سألت كل الي اعرفهم .. اخر شي وحده المانيه قالت لي عن العيادة الالمانيه في دبي و سرت له .. و شاف الاشعه و عطاني موعد في الفالينتاين لوووووووووووول .. المهم سرت له و يا سلام عليه والله انه فناااااان ماشاء الله عليه رهيب .. سالني شو تبين احط لج ميوزك .. قلت له هيه .. حط لي موسيقى كمان وايد هاااااااااادي .. الهم ..بدا الشغل.. الابره كانت خفييفه .. ((بس تميت انتفض عقبها من الخوف لني كنت افكر وايد)) و بعدين بدا في القص و الجلع و الخياطه . طبعا انا تميت مغمضه عشان ما اشوف الابره و هو يخيط .. ((لين اليوم ما تجرأت اشوف)) ..

و عقب بدا في الضرس الثاني الي فوق .. و نفس الشي .. بس الحمدلله الي فوق كان طالع ما يباله جرح .. بس خاطه بكمن غرزه .. (( على فكره اول مره في حياتي يسوولي غرز ولا مره استوالي هالشي))

خلصنا عقب ساعه و حط لي قطنه و عطاني قطن حق التبديل .. و اول ما قمت من الكرسي جان اسير اطالع السيدي الي كان حاطنه .. قلت له اكتب لي الاسم (( متفييييييييييييجة )) لووووووول .. بس لني احب الكلاسكال ميوزك و خاصه الشرقي … ((تركي / ايراني)) المهم قال لي انه بيتم طول اليوم ينزف .. الحمدلله اول ساعه ماشي الم .. بس عقب ساعه بدا و حسيت اني بصيح .(( دمعت عيوني شوي)) عطاني بروفين و مضاد حيوي عشان ما تستوي التهابات و مضمضه حق التطهير ..

و اليوم ثالث يوم .. ورم خفيف جني حاطه حلاوة مدورة في خدي لووول …((لين احين مادري بدوام باجر ولا لا ))

و عطاني موعد بعد اسبوع عشان يشل الخياطه .. المشكله ابا اسوي الظرسين الي على اليسار بعد بس ورايه ملجة الشهر الياي ..فشكلي بأجلها لين عقب .. عالاقل يخف الالم ..

الخلاصه:
1-لازم تختارين الدكتور المناسب حق هالامور حتى لو كان غالي.. مب تسيرين عند اي حد لنه في مضاعفات للجراحه من التهابات و غيره ..
2- لا تخافين من دكتور الاسنان لنه في دكاتره زينين و يديهم خفيفه و شي منهم الي يزيغون عشان جي ردي اقري رقم 1.
3- اذا محتاجة تقويم سيري من احين The sooner The better لا تتريين لين تنخطبين و تمجلين و عقب تفكرين .. لنه بتتوهقين عقب كل شي بيستوي بسرعه ..

و أرجو للجميع السلامه ….. و اذا في وحده لها تجربه في نفس المجال بليز ما تبخل علينا بها ..

يا حيّج والله

عاد انا من3 ايام واعاني من ضروسي..وما يندرى ضرس العقل ولا مصيبه ثانيه

ان شاء الله اليوم بسير العياده وبنشوف شو بيستوي

أنا طلع لي ضرس العقل قبل العرس ب شهر وسويت جراحه واايد تعبت لكن الحمدالله على كل حال لكن مشكلتي أن اللحم ينزل على الضرس إلين ألحين ومب عارفه شو اسوي؟؟؟

انا طلع لي ضرس العقل الشهر اللي طاف… حسيت بالم .. رحت عند دكتورتي اللي دوم اسير عندها و كان وياها دكتور جراح تم يجيك و عطاني موعد عسب ازرع ضرس << ما يخصه فالموضوع
الموهيم … هو قال للدكتورة يبالها جلع جان اتقول نو بروبلم بسويلها ان شاء الله جان يقول زين جلعي الحين .. جان اقول i have the time if you do اونه جان يستانس و قال زين والله و جلعت و لا الم و لا هم يحزنون …

الدرس : لو عندج دكتورة واثقة فيها و لو اسعارها مرتفعة عادي.. صحتج غير قابلة للتساوم .. و انا من ثقتي فيها قلت لها اي شي تبين سوي..و هي حليلها دوووووووم تراعيني …و انا لو ابا شي ادق عليها و هي على طول تعطيني موعد متى ما ابا …
و ان شاء الله الشهر الياي اركب التقويم ^.^

سيري يا ماما . اخس شي الم الظروس يتعب و ماترومين تاكلين .. انا ما كلت اول شي الا اسكريم .. و اليوم الثاني شوربه و تميت اكل على الصوب الثاني كنت زايغه يحرقني لوول بس حمدلله كان زين ..

لين احين اللحم على الظرس ؟ ليش ما راجعتي ؟ و يعورج ولا بس جي يضايقج ؟

سلااامتج عزيزتي .. ماتشوفين شر ..

و مشكوره على المشاركه بتجربتج .

بس بسألج ,, و كانت حالتج عقب الجلع ؟ كم يوم خذتي اجازه من الدوام؟ و تم ويهج وارم وايد ولا عادي ؟