بنات والله اني اعاني من شعري المحترق احس عمري بتخبل والله لا والقهر اني اعاني بعد من الشيب المبكر.
مشكلتي بدت يوم كان عمري 16 سنة يعني تقريبا من 10 سنوات المهم اقولكم جفت حرمة اخوي صابغة شعر بنتها عيبتني الصبغة واجوف البنات في هذيج الفترة كل وحدة صابغة شعرها ابلون جان اقول في خاطري ليش ما اسوي شراتهن رحت الجمعية وخذت لي صبغة وصبغت شعري ببني غامق
طلع حلو علي بعدها بشهر غيرت اللون وصبغته بعدين بأسود مزرق وبعدين أحمر بركاني وبعدين اسود كامل والفترة ما بين كل صبغة والثانية تقريبا شهر والقهر ان شعري من النوع اللي ما يصبغ بسرعة بعد عشان جي جربت كل هالالوان.
بعد هالتجارب قررت اروح الصالون واصبغ شعري هايلايت الله لا يوريكم صبغت خصل حمر وسوت لي سحب لون وعقبها ابيض شعري والله اذكر هاك اليوم تقطع شعري فديته كانت حاطة القبعة واتطلع بابره خصلة خصلة انا احيد الناس يسوون المنيوم المهم والله سويتي يمكن خمس خصل عقب قلتلها بس حرام عليج شعري وايد تم يعورني عقبها.
عقب فترة تم اعاني من الشيب لا والقهر في القصة من جدام بعد وكل حد الحين في الدوام يسالني انتي كم عمرج ويقولون انتي صغيرة ليش شعرج فيه شعر ابيض هذيل شو اجاوبهم؟ المهم خبرت اختي اللي اصغر عني عن معاناتي جان تقولي ليش ما تحنينه بحنة سودا من السوبر ماركت انا ربيعتي حنته وطلع روعة عليها قلت لها انا ما عندي شي اخسره خلني اجرب والله اني شعري عقب ما حنيته حسيته احترق من خااااااااااااطر بعد اول كان على الاقل فيه حياة شوي اما الحين والله تقولون شعر العروسة اللعبة ما ادري اذا تذكرونها هاي اللي كنا نمشط شعرها وحنا صغار ومتقصف وااااااااايد.
المهم اقولكم عقبها قلت خلني اعالج شعري ما خليت خلطة في كل مكان ما شريتها لا والجهاز مال البخار بعد مرتز في حجرتي تقول صالون حتى خلطات المنتدى جربتها وما نفعت.
الشي الوحيد الاوكي في شعري الحمدلله انه ما يتساقط وانه غليظ وايد الحمدلله على كل حال سويت فحص دم من فترة قلت يعني يمكن المشكلة في الحديد طلعي ان نسبة الحديد في الدم عادية لكن فيني فقر دم وااااااااايد بسيط وما يتلاحظ حتى ما يحتاج حبوب.
بنات دخيل الله ساعدوني والله اني تعبت كل حد يسألني شو بلاه شعرج ادري اني غلطت وعذبته بس الحين ندمانة وابا الحل
بعد حالات الاعداام المتتاليه اللى سويتها
بشعرج تبينه يعيش..؟؟!!
عالعموم عليج بالحنه والسدر وكل الشغلات الطبيعيه
والحمدلله تبارك الله انه شعرج المسكين لازال غليظ
ومايتاسقط حراام يبى يعيش ..بس انتى مو معطيته فرصه
مثل ماقلت لج الحنه والسدر وبيض وعسل اضيفيهوم
للحنه..وكل ماطال قصيه شوى مو وايد ليما يرد الشعر
الحقيقى والصحى..
ترا ان ماسويتى جذيه بيبدا يتساقط وبتتحسفين اكثر
وربى يعوضج خير.
أول شي عليج بالإستغفار والإلحاح فيه بأمل أن الله يرد شعرج مثل قبل وأحسن من قبل
أنصحج تقصين أطراف شعرج الميته لأنها ما بتحيا
الغالية إستخدمي مرتين أسبوعيا دابر أملا لا تقولين ريحه هذا الزيت ينعم الشعر بطريقة ما تتخيلينها
ومرتين اسبوعيا هالخلطه ويا فوطه حارة أو جهاز البخار جان عندج
الخلطه والله العظيم غيرت من شعري 180 درجه كان نفس شعرج
2 م زبادي
2 م عسل طبيعي
2م حلبة مطحونه
2م كريم شعر أي نوع كريم مثل صانسلك بالبيض أو باراشوت
عدد 2 صفار بيض الصفار للشعر الجاف لا تحطين البياض بيبس شعرج
2 م زيت شعر (دابر أملا)
وخلطيهم وحطيهم على شعرج ثلاث ساعات
وبتلاحظين الفرق وبتعيلي إبتدي بالخلطه من باجر بس لازم التدليك ربع ساعه والبخار على راحتج
وسلامتج
عليج بحبوب الزنك واايد مفيده للشعر الأبيض أنا أستخدمها والحمد لله وأستخدم حبوب بيرفيكت للشعر والأظافر والجلد تراه جنان من دكتورة جلدية تلقينه في الصيدلية ب43 درهم
جربي هالنوعيه،،، دوف + البلسم ماله+ الماسك
او شامبو لوريال البرتقالي ،،، خيااالي في التنعيم والترطيب،، انا يوم سحبت لون وصبغت اشقر،، محد عدل شعري وخلاه رطب الا هووو
وديري بالج من الحنا ،، هي صح اوكي ،، بس مب وقتها احين ،،، لانها تنشف وااايد،، وانتي مب ناقصة
والسموحه