طبعا مثل ما بعض الخوات يعرف اني انا رحت امريكا ويا الوالده علاج وقلت بسوي شوبينغ حق نونوتي واللي صار انه الجماعه هنيه ما هدوني وما سمحت لي شركه الطيران اني ارجع البلاد واضطريت اني اتم هنييه لي حزة الولاده واخرو لي ولادتي ولعوزوني والحمد لله المهم يوم السبت 18/09 قررو لي اخيرا طلق صناعي ورحت طبعا منشكحه الساعه 6 الصبح المستشفى ماعرف اللي بيي وحطوني عالجهاز يشوفون الطلق طلع عندي طلق منتظم كالعاده لاني على هالحاله من اكثر من اسبوع بس الرحم ما فاتح الا 1سم لمده اسبوعين تقريبا والساعه 8 حطو لي المغذي اللي فيه دوا الطلق وبدا الفيلم الهندي طبعا انا من دخلت المستشفى وهم يقولولي بنحط لج ابرة الظهر وانا مستوية شجاعه واقولهم لااااااا ما ابا بس اول ما بدا الطلق يزيد زقرت النيرس وقلتلها ابا الابره قالت نعرف اصلا احنا مخبرين دكتور البنج خخخخخخخخخخخ شكلي يبين اني برجع بكلامي طبعا اول شي كنت مستانسه قبل لا يحطون الابره واقول حق امي صوريني اخر صور ويا الكرشه وشاااده حيلي بسوي فيلم بس عقب ابره الظهر النفسيه موووووووووووول صارت دااون لانه الاحساس بالعجز مصييبه الله لا يذوقها لمسلم والله يا بنات تتمنوون الويع مليون مره ولا هالاحساس بالعجز موووووول ما شي كنترول النص اللي تحت كنه مووو موجود كنت اصيح اقول حق امي حركي ريلي حركي صبوعي غيري مكانها والله موووووووووووول موو شي فايدتها اني ريحت شوي ليي الليل لاني تمييت على هالحاله ليي الساعه 11 بليل والساعه 11 حسيت اني ابا ارووح الحمام وازقر عالنيرس الحقي ابا الحمام قالت متاكده قلت هيه شوي واشوف الجماعه كلهم عندي 3 دكاتره ودكتور البنج و3 ممرضات استويت بارتي وبدو 12345678910 بوش طبعا اول نص ساعه ما كنت اعرف اسوي بوش وما كنت حاسه بالم غير انه في شي بيطلع وعقبها يا ربييييييييه والله تييني حييسه يوم اتذكر الويع كان ايي كل دقيقتين اول طلق يريحوني والثاني بوش بس والله شفت المووت بعيني وامي حليلها تقولهم خلاص بسها طبعا تخيلو انا على هالوضع ليي الساعه 2 تقريبا وانا بوش وبوش والحمد لله انا انجليزيتي اوكيه بس على قولت امي تقول حسيتج بنت امريكيه ساعتها وانتي تفاتنين عليهم بالانجليزي خخخخ ما خليت عليهم شي مساكيين الا مره اقولهم اشفطوه ومره اقول سوو عمليه وكل شوي اقترح اقتراح على اساس اني دكتوره يعني وهم مشيين وياي ويردون مساكيين واخر شي يوم شافو مافي فايده من البوش سو لي جراحه طبعا هنيه عندهم الشق هذا اخر حل مو مثلنا اول ما يعرفون انج بكريه شقوج وعقب الصريخ والعويل وصل عيسى الساعه 1:58 فديته ومثل كل ام قريت قصتها والله العظيم انه بس من طلع وحطووه على صدري نسيت كل الويع ما كنت اقول غير الحمد لله رب واصييح وبدو يخيطوني عاد اوووف يالويع لانهم وقفو ابره الظهر والا هيه مفعولها خلص والله ما اعرف بس صراحه كانت الخياطه تعور بس يوم كان ولدي عندي فالغرفه عادي ما حسيت كنت مطنشتنهم وارمس النيرسات اللي يتعبلون فالولد اسالهم عن الوزن واقولهم يطبعون لي ايده وريله ويصورون يعني كنت متفيجه واول ما شلووه عني وودوه الحظانه فجيت الناعوره يعور ويعور حتى الدكتوره قالت توج يوم الويع الصح ساكته الحين تعورتي خخخخخخخخخخخ . اهم شي الصراحه اني ما انصح بابره الظهر صح انها هدتني ليي فليل بس كانت نفسيتي زفت يمكن عشان جييه ما فتح الرحم بسرعه وحزة الولاده ما تساعد ابدا وعقب ها كله اتميين تحسين بويع بالظهر لمده كم يوم جنها الابره بعدها مكانها وبس توته توته خلصت الحدوته عااد امااانه خواتي ادعو لي ربنا يسهل امورنا ونرجع البلاد بسرعه والله مليييت هالغربه.
ايتربى بعزكم ان شاء لله
ولله يبلغج اتشوفين اعيال عيسى الامريكي P: …
ويتربى في عزج ان شاء الله
وربي يحفظه ويجعله من مواليد السعاده والصالحين
وتردون بالسلامه
ومبروووك ما ياج يتربي ف عزكم ان شاء الله
و يعيش بعزج ان شالله
و ترجعين البلاد بسلامة