.gif?w=1200&ssl=1)
.gif?w=1200&ssl=1)
.gif?w=1200&ssl=1)
السلام عليكم ورحمة الله وبركاته
خواتي وغالياتي وحبيباتي بنات المنتدى
اتعودت أني أشارككن واتشاركونيه وأخبركن كالعادة عن قصص حملي وولاداتي
والسموحة منكن هالمرة وااااااااااااايد متأخرة
فأطلب منكن العذر لأنيه صدق صدق انشغلت فترة الحمل والولادة بالدوام وبالدراسات العليا
لكن بما أنيه فضيت شوي ولله الحمد
حبيت اليوم أنيه أكتب لكن قصة ولادتيه الرابعة
وكالعادة .. قبل لا أبتدي وأكتب القصة
للخوات اللي ايحبن يعرفن قصة قصة ولادتي بغاليتي ميثاء
https://forum.uaewomen.net/showthread.php?t=266504
وهالرابط فيه قصة ولادتي بحبيبي محمد
وهالرابط فيه قصة ولادتي بغاليتي مريم
https://forum.uaewomen.net/showthread.php?t=913939
+++ ونبتدي مشوار طرح قصة ولادتيه الرابعة +++
الحمدلله رب العالمين اللي وهبني هالنعمة العظيمة .. بنتي وغاليتي "مهرة"
يوم السبت .. وفي تاريخ مميز جداً .. 10/11/2019 .. الساعة 06:36 مساءً
عسى الله يحفظها ويحفظ أبوها وخواتها وأخوها
قبل موعد الولادة بفترة بسيطة
اتكرر ويايه نفس موضوع الحمل الثالث
الياهل انجلب والراس صار فوق
لكن هالمرة أصعب .. لأنه مش في الشهر الثامن شرات قبل
هالمرة في الأسبوع الأول من الشهر التاسع .. يعني في فترة جداً حرجة
رددت الحمدلله على كل حال .. والمكتوب لي بيصير
في المستشفى .. عطوني موعد عشان أرد لهم عقب كم من يوم
لأنهم بيحاولون يعدلون وضعية الياهل
دعيت رب العالمين أنه يسهل علي ويكتب لي اللي فيه الخير
وفي يوم الموعد سرت للمستشفى
وعقب الفحوصات قالوا لي أنه الياهل وضعيته اعتدلت وخلاص ما له داعي أتم عندهم
طلعت من المستشفى وحمدت رب العالمين على النعمة
لكن عقب أسبوع تقريبا كان عندي موعد مراجعة في المستشفى
ويومها قالوا لي .. أنه الياهل رجع انجلب والراس صار فوق
وعطوني موعد عشان تعديل وضعية الجنين
الحمدلله تمت المهمة بنجاح
وأنا تميت تحت الملاحظة لساعات .. وعقبها رديت البيت
++ 10/11/12 ++
في نفس يوم الولادة .. واللي كان في الأسبوع الأخير من الشهر التاسع
الصبح تعبت ..وسرت الطواري .. وقالوا لي 3 سم
وكلام أسمعه قبل كل ولادة ……. الياهل راسه بعيد
الفرق الوحيد .. أنه في ثالث ولادة الدكتورة ردتني البيت
لكن هالمرة أصرت الدكتورة اللي فحصتني أني أترقد في المستشفى
لأنه على حسب كلامها أنه ممكن لين آخر الليل أولد بإذن الله
طلبت من ريلي يسير دوامه
وأكدت عليه أنه لا يخبر يدته وأمه
لأنه الوضع ماكان يحتاج أنيه أتعبهن ويايه
العصر .. تعبت بزيادة
وحسيت الويع زاد
القابلة فتحت لي كيس الماي على الـ 4 سم
لأنها قالت خلاص بتدخلين مرحلة الولادة الفعلية إن شاء الله
وحولوني غرفة الولادة
اتصلت بريلي وقلت له اييب يدته وأمه
وشرات كل ولادة .. أمايه فديتها ماتعرف إلا عقب ما أولد
المهم .. وصلن يدة ريلي وأمه ربي يطول لي بعمارهن
يدة ريلي فديتها تقرا لي آيات من القرآن بنية تيسير وتسهيل الولادة
وفنفس الوقت تذكرني عشان أدعي للكل
وأم ريلي فديتها شرات كل مرة .. تمسح على ظهريه وتيود ايدي عشان اتخفف علي
وريلي أشوفه متوتر ويدعي لي
وأنا أردد" ياااااااااا رب سهل " .. "يااااااااااااااااااا رب هون "
تميت شوي
عقب زقرت القابلة .. قلت لها أنا أحس أنه الراس يطلع
وهي يالسة تكتب الملاحظات في ملفي .. وتكتب متى اييني الويع ومتى يخف
جان اترد علي وتقول .. لا بعدج .. عقب شوي عقب شوي
قلت لها شو هو اللي عقب شوي؟ أنا خلاص أحس أنه الراس ينزل
ما أعرف كيف أوصف الإحساس
لكن صدق كل اللي أروم أقوله
أني كنت متأكدة أنه تيسير من رب العالمين له الحمد والشكر أولا وأخيرا
القابلة يوم شافتني مصرة على رمستيه وأني أحس أنه الراس
يت وبتكشف .. جان تقول هيه هيه صبري لا تدفعين .. هذا الراس
لكن أنا لا رمت أصبر ولا رمت أسمعها شو تباني أسوي
دفعت لأني حسيت الشي لا إرادي
والحمدلله يا رب
نورت أغلى وأحلى وأجمل مهرة هالدنيا
بتاريخ مميز
10/11/12
وريلي ربي يحفظه كعادته صور لحظة وصول البيبي بالفيديو وصور كل شي في الغرفة
"لكن هالمرة بالآيفون .. يعني نخلي مهرة تواكب تطور التكنولوجيا"
عقبها ظهر على طول يبشر أمايه وختيه والأهل
والحمدلله رب العالمين على نعمه ظاهرة وباطنة
+++++++++++++++++
دعواتكن يا خواتي .. أنه رب العالمين يحفظ لي ميثاء ومحمد ومريم ومهرة
ويجعلهم من الذرية الصالحة
ويحفظ لنا أبوهم وايطول لنا بعمره
آااااااااااااااااااااااااامين يا رب
مبروووووووك الحمدلله على سلامتج و سلامة البيبي
الله يحفظ لج عيالج و يخليهم من الذرية الصالحة
الله يحفظ لج عيالج و يخليهم من الذرية الصالحة
ماشاء الله تبارك الرحمان اولا الله يجعلها من الذرية الصالحة تتربى بعزكم ان شاء الله
حمدالله عللى سلامتج ومبروك ما ياااج حبيبتي
بنات بسالكم عن الدكتورة زينب الي في عيادة الشنار موجودة ولا مسافرة
الف مبروووووووووك
وتتربى في عزكم ان شاء الله
وتتربى في عزكم ان شاء الله
تتربى بعزكم أن شاء الله
حمدالله عللى سلامتج ومبروك ما ياااج حبيبتي