مرحبا غالياتي
بقدم لكم اليوم : شي لذيذة و خفيف و سهل جدا
بالاول شوفوا الصور و تشجعوا و بعدين تابعوني
شكله يشهي صح ؟؟؟؟
وصفة اقراص السكر و الزعفران ( خصيصاً لمرضى السكري )
هذه الوصفة جدا لذيذة وحلوة
والعجينه طرية لحد ماتتصورونها !
ترومون تستخدمونها للوصفه هاي او لــ خلية نحل و الفطاير بشكل عام
والصراحه ماينشبع منها
اقراص السكر بالزعفران
(المقادير اللي في الصورة بسيطة وايد ,, اذا حبيتوا دبلوا المقادير)
نحتاج الى :
كوبين طحين رقم واحد
ثلث كوب ماء
خاشوقة سكر
بيضة وحدة
حليب نيدو ملعقتين اكل
خميرة ملعقة شاي
زعفران شوي
ملعقة سكر اضافية
فنيان قهوة زيت
طريقة التحضير :
نكسر البيضة في الطاسة و نشيل مقدار ملعقة وحده من الصفار و نخليه على جنب في طاسة روحها وبنتركة للمرحلة الثانيه للتغطية و مسح العيين
و الباجي نخليه في طاسة ثانيه ( بتلاحظونه في الصورة فوق )
نخلط : (الطحين + السكر ملعقة وحده بس + حليب النيدو + الخمير و الماء ) مع بعض و نضيف له الصفار و البيضاء اللي تبقا عندنا في الطاسة الثانيه
ونخلطة زين لين مانشوف ان العيين صار كتله وحده
بعدها نضيف له نصف فنيان الزيت فقط
بعد مانخلطه مره ثانيه نغطية زين
نتركة نصف ساعه فقط يتخمر في مكان دافي
====
بعدها نييب الصفار و الزعفران و السكر و باجي الزيت
نييب الصفار اللي خذناه قبل في الطاسة الاولى و نضيف له الزعفران و باجي الزيت
وطبعا كان عندنا من قبل ملعقة سكر اضافية
هاي بعد بنجهزها للتغطية
نفرد العيين نصف سانت و نقطعه بالقطاعة لدوائر صغيره
ندهن الدوائر بالصفار و الزعفران و نرش عليه السكر
نخبزه في فرن متوسط الحرارة لمدة 15 دقيقه
وهاي هي النتيجه بعد مانطلعه من الفرنوعاد شمي ريحة الزعفران و شوفي اللون الغاوي و اسمعي المدح ^_^
صورة ثانيه
بصراحه شكلهــ لذيذ
و التنويع مطلوب
ومشكورهــ على الصور الروووعهــ
شكل طعمه لذيذه سلمت الاياادي
تسلم ايدج والله ع هاي الاكله الغاويه
يمكن حبه><
تسلم ايدج