هذا الله يسلمكم كــــــــلام مجموعة نســـاء من جنسيات عربيه … لما رحنا انا و اختي العروس لمحل تفصيل فساتيــــــــــــــــن .. و بالمرة مرينا محل للكوش نختااار كوشـــــــه
دخلنا المحل وكانن فيه كم وحده من جنسيات عربيه مختلفـــــــة … عيبتنا كوشــة مو كبيره وايد سعرها التقديري لما تشوفينها تقولين موب اكثر من 35 الف درهــــــــــم
قلنا على كم الكوشه .. ردت بنت عربيه حليوة قالت الكوشــة بــ 80 الف درهممممم
.. قلنا يالله هاذي غاليـــــــة علينا فجــــــــــــأأأأه نســــــمع بصوووت عااالي : ليــــــــــــــــــــش غالي ,, لا لا ابدا ابدا مو غالي حبيبتي هي حلوة وتستاهل و فيها كذا و كذا و كذا و اغلب المواطنين ممكن ياخدوها ؟
رديت قلتلها لا يختي غاليـــــه علينا ..
و لا انتي اذا بتعرسيـــــــن بتاخذين كوشه حق اربع ساعات بــ 80 الف !!!!!!
و هي خلاجين و حطب وليحان ملصق !!!!!! و ياريت بعد لو بيتم عندج على يوم كامل على الاقل تتمنظرين فيها !!!!
خجــه و فشخره و الــ 80 ألـــــــــف عقب كم ساعه تسيــــــــر في الزبـــــــاله…<< يعني فلوسنا نحن في الزباله و ترجع الكوشه لأصحابها
قالت : مو هيك يا حبيبتي انتي اولا موااااااااااااااااطنــــــــه
قلتلها : لا يختي انا انســـــــانه
و الــ 80 الف موب طايحه في السكه .. حتى لو كنت بنت مليونيـــــــر على الاقل بحطها حق مستقبل عيالي باجـــــــر ما يندرى شو بيستوي .. الرزق بيد الله و اليـــــــوم انتي غنيـــــــه لكــــــن باجر يمكــــــن الله يشل عنج خيـــــــره على هالبطــــــــرة …
قلت : جاوبيني بصراحه لو انتي مليونيره بتعقين هالــ 80 الف على كوشه حق كم ساعه !
قالت : بدك اليــــوم تخسيريني وظيفتي و تمـــــــــــت تضحك << لا و زين انها صريحه الاخت
قالت : صحيح كلامـك لكن العرسان المواطنين و خاصه المواطنات بيتجننــــــــوا على شي مثل هيك و خاصه لما يكون غاااااااالي , و على طول بياخدووه حتى بدون ما ينقصوا بالسعــــــــر !
قلت : طيب و انتوا ما تنقصــون لهم شوي احيانا
قالت : ليـــــه و هم قادريــــــن يدفعوا أكتر من هيـــــــــك كمااان … ! خليهن يدفعوا يا اختي و خلينا نعيــــش بأااااه !
قالت : انا جتني عروس تقول بدفع لج 15 األف درهم زيااااده على السعر الاصلي لكن أبتدوا في الشغل بكيــــــــر !!!!!!!!!!!!!!!!!!!!!!!!
قلت : الله كريــــــــم .. ما ألوم الي يضربن علينا بالألــوف الموألفه على مكياج و بودرة و جحال للعروس .. و ما ألوم الأجانب يوم يقصون علينا في الفساتين و في اشيااااااء وااايد نعرفها و مانعرفها ..
و عجبتني وحده عيــــــوز عربيه كانت يالسه معاهم لما قالت : صحيح هي الفرحه فرحه العمر و لكن دايما الوحده تفكر تتصرف بمال الله بشكل صــــح , مو معناه فرحه العمر اتجنن و تمت تضــــــحك هههههههههههه
اليوم الوحده غنيه لكن باجر يمكن فقيره و الرزق عند الله موب عندنا ..
بس صدقتي عزيزتي ..
مرات الاسعار ماتسوووى .. وتنصدمييين ..
كيف هالكوشة او هالشي بهالسعر مع انه عادي .. ومثل ماقلتي كلهاا 4 ساعات وبيشلونهااا .. حرام الوحدة تعق فلوسهاا ..
صحيح انهاا فرحه العمر ..وكل عروس تبي يكون عرسهاا احلى عرس بس لازم نقسم كل شي صح وبدون مبالغه ..
والسموحة على الاطاله 
بس منو يلومهم لما احنا ما نكاسر ونطلب فاتوره على كل شي حتى الميكب طلبن عليه فاتوره وشوفي كيف بينقصن من السعر
المشاركة الأصلية كتبت بواسطة مناويـ 
مادري ليش يتحسبون البيزات ناخذها من الشارع
الله المستعان