شحالكن خواتي سيدات الامارات
من أمس يوم كنت راقدة .. حسيت بويع آآآآآآآآآآآآآآآآآه .. ألم لا يطاق
والالم مصاحب بحمه.. لوعة
وأنا كله آخذ بندول
بس اليوم .. اللوعة زادت .. وقمت أرجع أي شي أكله 
قلت لا لا
الوضع موب طبيعي
هالحمة وهالويع واللوعة والدوخة
جااااان أكتشف الخبر السعيد
كلولولولولولش
أنا كبرت >>> بس استحي لوووووووووووول
جااااااااان أكتشف انه قام يطلع لي ضرس العقل
بس موب عارفة شو أسوي
الدكتور يقول انه يديد .. يعني أصلا موب مبين.. الا اذا حد يدقق.. شرات البيبي
والدكتور يقول.. انه أصلا ماله مكان.. وممكن يأثر على ترتيب بقية الأسنان..
ويقول أحسن لو أسوي عملية.. وخياطة >>> يمكن خيااط .. خخخخخخ عادي الموضة .. الخياييط يسوون عمليات حق الناس
عاد خياطة مكان الاسنان.. كيف جي ؟؟
بس والله موب قادرة أستحمل الويع
من يخلص تأثير الدوا … كله في صوب واللوعة … أنا يوعانة أبا أكل >>> هذا همها
شو رايكن
الصراحة اذا أنا جي
عيل العيال من يسننون شو يستوي فيهم
شو استوى فيكن يوم عضرس العقل ؟ >> يمكن أنا حالة نادرة
وانا داشه ابا اباركلج انج حامل اخرتها يطلع ضرس العقل خخخخخخخ يسلام عليج
انا ماطلعلي ضرس العقل لين احينه بروحي مخي مفتر وماراح اعقل خخخخخخ
المهم مادريبج بس اللي عليج اشربي ماي بارد او هاتيييييج ثلج واكليه خخخخخخخ ..>> بدال ما اكحلها وجان عميتها خخخخخخخخخخخخخخخخخخخ
المهم الله يعينج حووبي .. لو يعورج زياده فج حلجج وقولي آآآآآآآآآآآآآآآآآآآآآآآآه خخ بيخوز الويع لول
انا طلعلي ضرس العقل في الثانويه العامة
لا تخافين ريلي نفس حالتج وسوا له خياطة فديته بس كنت اسوي له ما ي وزعتر وشوية ملح كان يخفف عليه الالم حرام ما يروم ياكل خيطوه بعد ما شلوه ضرس العقل لمدة 5ايام عقب شلوا الغرز والحمد لله … دكتور قال له لازم تشيله لانه وايد متعبنه الصراحة عوار وحمى ربي يعافيه ويشفي جميع المسلمين