فقدت املـــــي ف الحياه >.<!

شحالكـــن شخباركــــن عساكن بخير و بصحة سلامة
انا بدش ف الموضوع دايركت …!!

انا كرهـــت حياتي ..كرهـــت نفسي …كرهت كل شيء
ما عندي شيء اتفااااءل فيه ..خلاص احس ان حياتي ما لها معنى
خلاص ما عندي ربع …اهل ما اسير لهم ..و ما احب اسير لهم ..ما اطلع من البيت
مع ان اهلي من النوع الي يحب الطلعااات و ها السواالف ..بس كل ما يبووون يطلوون اي مكاان
انا ما احب اطلع وياااهم …ف المدرسة احس ان ربعي كل شوي و يقلووون ..حتى ما قمت اهتم
ان شاء الله اصير برووحي ما قاام يهمني ..زعلوا اضايجووا مني ..كيفهم هم الي بيتعبووون

الحين اكيـــد اتقولووون ها كله من شوو ..انا برووحي ما اعرف بس
بقوولكم شو الي يصير ف حياتي و انتووا قولولي شو الحل

اولا ف المدرسة :
انا انسااانة حبوبة احب السواالف احب اليمعة ..{اجتماااعية }
بس الي صاار الحين ..اني عرفت واايد عن ربعي اشيااااء مستحيـــلة
ما كنت اتوقعها …صارت خيانة و غدر واايد …صار تفرقة ..صاروا اذا انتي رحتي
صف ثااني خلااص ما اتعرفج و لا اتعرفينها ..يعني مب ربع ما اعرف كيف اوصف لكم
يعني ترووح ويا قرووب ثاني ..و خلاص ما اتعرفج
من كثر ها الاشياااء الي صااارت ما قمت اثق ف احد حتى اعز ربيعااتي الرووح بالروح
خونت فيني ف كيف بثق ف ربيعاتي الثانياات ..عشان جي خليت كل علاقاتي الي ف الصف و ربيعاتي
سطحية سلام ..و مشاريع و دراسة و فقط لا غير .و اذا كانت عندنا حصة فاضية او ف البريك
اقعد برووحي و على حظي بعدي انا مكااني آخر شيء و قاعدة برووحي ..يعني ما ادري اذا هذا الشيء
نعمة و لا نقمة ..حتى الابلة من الابلواات حست في شيء و سألتني انتي ليش متغيرة و كل كئيبة
اقولها ما في شيء ..كل ما في شيء ..ما تدري ان انا ابى احد يساعدني ..ان انا بروحي
بس ما حبيت اقوولها …لان السنة الي طاافت كنت داايمة اضحك و وناسة حتى ف الحصة اشاغب شوي
يعني اسوي جو ف الحصة الحين ..اشارك و بس …

و ثانيا ف البيت :
اخواااني الصغاار مخبيلين فيني ..مطلعين لي قرووون ..كل حشرة حشرة ..ابى وقت ارتاااح فيه
من الصراااخ و الضراابة ..و المشكلة اذا نازعتهم او ضربتهم ..امي تنازعني ..اونه ما لج خص فيهم
كيف ما لي خص فيهم و انا اختهم الكبيرة ..المهم قلت خلاص ما يخصني فيهم ان شااء الله يموتون ما
يخصني فيهم …امي من النوع العصبي …حتى صرت ما ادااني ارمس وياها ..انتي الحين ترمسين وياها
عادي فجأة تقلب عليج و اتم اتنازعج …شو ها ..احس ما شيء اسلووب ..اكيد بتقولين هاي امج مهما
اتكوون لازم تحترميها ..انا احترمها بس الصراحة مراات اتكرهني فيها ..بس ما اقوول غيرالصبر زين

ابى اكمل بس احس واايد كتبت ..بتملووون ..لو تبووون زياادة قولولي لان الي كتبته احس
جزء بسيط من الي اعااانيه …بس ان شاء الله اتقولون لي شو اسوي ف حياتي عشان تتعدل ..
بس حبيت اقووول أو أسأل {في احد عنده ضمير ها الايام و لا صاروا عملة ناادرة}
و السمووحة ع الاطاالة