شحالكن خواتي ربكن بخير وسهاله
بغييت فزعتكن معي
عرسي ما بجاله غير شهرين ..وانا لين الحين ما اعرف شو اسوي
عن الزهبه انا كتبت لسته وان شاء الله من الاسبوع الياي ببدا
لاكني بعدني ما اعرف هلااشياء لاني اول وحده من العايله بتعرس فما عندي خبره
وابي فزعتكن
من ناحبة فستان العرس وين تنصحني اسير والمكياج وباجي السوالف
وحفلة العرس ما عندي افكار الها ابى شي سبشل وحركات يديده
واهليه ما بيبون وحده تغني او حتى بنات يرقصن اونه منقوود عندنا
السمووحه منكن اعرف بتعبكن بس موول ما اعرف لهسوالف
^_^
والله لو عندي خبرة مابقصر وياج
ثاني شي قولي انتي من وين عسب البنات يخبرونج من وين تاخذين الفستان وتحجزين المكياج والشعر
وهذا اختي رابط للزهاب انشاء الله تستفيدين
https://uaewomen.net/showthread.php?t=61815
والافضل تضوفين مواضع دليل عروس عيب تستفيدين وخاصة يوميات عرايس 2024
ولو على حفلة العرس دام ما يبون مغنيه ولا رقاصات يبي دي جي وبس…بي مب اي ديجي..لانه في منهم اغانيهم خرابيط
خلصيه من الحين ..
خلصي الحجوزات اول شي .. كلها
عن العرس .. احجزي دي جي .. واحجزي التصوير ( انا حاجزة اضواء المدينه _ عندج ياقوت بعد غاوي تصويرهم + الاميرات) .. الفستان + الماكياج + الشعر .. امور الحنا وسوالف التعديل .. خلصيها .. واذا تبين تعرفين معلومات عنهم وتبين شي اسالينا واحنا حاضرين .. تعالي موضوع يوميات عرايس 2024 وبنساعدج ان شاء الله في اي استفسار ..
اقري اللسته اللي طرشتها الاخت حورية العين بتفيدج وايد .. وخذي لي يناسبج منها وبالميزانية لي تناسبج ..
فصلي لج عبـــي لان ما شي وقت .. ومخاوير .. وخذي لج بدل بس لا تكودين منهن .. لانج بتتشرين عقب العرس ويا ريلج .. وحتى قمصان النوم خذي لي يناسبج لا تكودين منهم .. وجلاليب البيت اهم شي .. ويعتمد كله على المكان لي بتسكنين فيه
واذا نسيت شي برد اكتبلج اياه خلاف ان شاء الله
وتعالي يوميات عرايس وبتستفيدين ان شاء الله
ما شاء الله البنات ما قصروا وايج … االه يعطيهم العافيه..