اشحالكم ان شاء الله بخير
تعرفون انا هاليومين صايرة مهووسة باعمال الورق وسبحان الله بعد دروس الغالية مناية فديتها اكتشفت ان عندي موهبة في الموضوع وممكن اني ابدع فيه بس اهم شي اني اكثف من دراستي حول الموضوع ,,, ومتى ما كان عندي فرصة وفاضية ادور في النت على اشكال يديدة واحاول بعد اني اصمم اشياء بروحي طبعا على خفيف ,,, المهم من ضمن المواقع اللي ادور فيها ووااااايد تعيبني الاشياء اللي فيها موقع اليو تيوب عسب تشوفون الطريقة بالفيديو حلووووو
فها فيديو الحين شفته وحبيت اني احطه لكم لانه صراحة رووووووووووووووووووووووووعة واااااااااااااااااااااايد ينفع في التنزيين يعنين لو سويتوا البوكسات اللي علمتنا اياها منايتي حبيبتي تقدرون تزينونها بها الشي الحلوووو اللي راح تشوفونه في الفديو هذا ….
https://www.youtube.com/watch?v=12_nJ…eature=related
*
*
*
ها شو رايكم ؟؟؟ روووعة صح
والله يوفق الجميع وييسر الخير للجميع ان شاء الله دنيا واخره
@ اختكم في الله @
رهيب ..
تسلمين يا أم ناصر ..
يباله حد له بارض ..
بس بعد بحاول أسوي هالشغلات إن شاء الله ..
ونتريا شغلج اليديد بعد
انا شاريه كتب ويا الادوات و الخطوات بس لين الحين مب متقبله الموضوع ^_^
انا بعد بحاول
مشكوره الغاليه على الموقع الحلو
Kirigami
Quilling
السالم عليكم الغالية
ابلتي حبيبتي شرفتني يا مرحبا يا مرحبا
على قولتج رهيب هالفن ويباله بارض وافكر اني اتعلمه وادخله في شغل التوزيعات اللي اسويها وفي نفس الصفحة في كيف تسوين وردة من الورق صراحة رووووعة بس يبالي اجرب بايدي عسب اعرف الطريقة اشلون … واكيد يباله بارض + مكان تشتغلين فيه الله يعين غرفتي وحليلها انتحرت كلها اوراق مقصقصة انزين بعد ريلي ساكت عني يوم يكون اشتغل ——> للحين والله يستر …
وان شاء الله اول ما اسوي شغل يديد بنفس الفكرة راح احطها هنيه وعموما انا قاعدة اجمع بس بعض الديزاينات عسب اشوف شو اللي يناسب ,, والله يوفقج الغالية وييسر لج الخير ان شاء الله دنيا واخره
وتسلمين على تفاعلج الطيب,.,,,
@ اختكم في الله @