من المتعارف عليه أن السنة الأولي من الزواج غالبا هي اللي تكون متأججة بالمشاعر و لا يصاب الطرفين فيها بالملل.وطبعا في حالات إستتنائية تنجو بعض العلاقات من الرتابة و الروتين.
للأسف أغلب الأزواج يحاولون الهرب و كسر الملل خارج بيت الزوجية,أغلبهم لا يحبون التواجد بين أسرهم إلا قليلا كأن بيوتهم جحيم.
أسئلتي لكم أخواتي :
-كيف نطرد شبح الروتين و الملل من علاقاتنا الزوجية ,كيف نجعل أزواجنا متشوقين للعودة للبيت و متحرقين لرؤية الزوجة؟
-كيف نجعل أزواجنا يمضون أغلب أوقاتهم بيننا بدون ملل؟
-ماهي الطرق و الوسائل التي يمكننا اللجوء إليها لكسر حاجز الملل و الروتين؟
بس التفاهم بيييين الزوجييييين
والتغيييير يعني يوم اي الريايل يعرف انه في شي غير
مثل البييييت متغيررر والاستقبال يوم يكون برع
يعني يوم يرد البيييت يشوف ابتسامه اشياء تفرحه
مب شكوات وحزن وزعل
لازم الحرمه تخلي بيتها مثل الجنه عشان الريال يحب يكون وياها دوم في هاي الجنه
بالنسبه لاسئلتج :
-كيف نطرد شبح الروتين و الملل من علاقاتنا الزوجية ,كيف نجعل أزواجنا متشوقين للعودة للبيت و متحرقين لرؤية الزوجة؟
لو حس الريال انه حرمته هب امقصره وياه ومجهزتله كل اللي ايحبه من مكان نظيف ومرتب .. تستقبله باحلى الكلمات وباحلى اسلوب .. يوم يظهر اطرش له مسج الله ايحفظك يا اغلى شي ف حياتي..( على سبيل المثال )
-كيف نجعل أزواجنا يمضون أغلب أوقاتهم بيننا بدون ملل؟
لو كانت الحرمه من النوع الصبور وهب لحوح .. ومن النوع اللي ايتغاظى عن اي كلمه شينه ايعقها الريل .. من النوع اللي اتشاركه ف كل هواياته .. مثلا" ايحب التلفزيون اطالع وياه التفزيون ونفس نوعية البرامج اللي ايحبها .. لو مثلا" ايحب الكوره اتابع وياه المباراريات .. لو ايحب يلعب بلبلاي ستيشن تلعب وياه ..
نصيحه لا ترمس ف الشي اللي ما ايحبه سوا" كان شخص والا موضوع .. اي شي ما ايحبه ما تطريه ..
-ماهي الطرق و الوسائل التي يمكننا اللجوء إليها لكسر حاجز الملل و الروتين؟
عشاء برع .. والا حتى ف اي ويك اند يطلعون ايسيرون اي اماراه ثانيه.. والا حتى ايسون حفلة باربكيو ويشون خاري ف الحديقه .. والا حتى عسب انه يولها عليها ويشتاق لها اتسير بيت هلها .. والا حتى اتخليه يوم ايقول يبا ايسير ويا ربعه .. ما اتضيق عليه ..
عسى الله ايسخر كل ريال لحرمته يارب ويسعد الميع .. ويرزق كل البنوتات بازواج صالحين ..
ميروووه
انا والحمد لله بعد هالسنين اكتشفت الاجابات بس سامحوني الحين مافيني حيل اكتب وريلي توه راجع فلما اذكر بارد عالاجوبه بس يمكن تكون هالاجوبة مناسبة لي ولزوجي ولعلاقتنا وظروف بيتي وبيتي بس ما تناسب غيري وقد تناسب الجميع
بس مثل ما قالت احد الاخوات علاقتي بزوجي كانت بدايتها مشاكل لاني غيوره فنصيحه يا بنات اتركو الغيره تراها مدمرة ودايما عطي الريال الثقه
والمملل الحرمه تقتله مو الريال
يحه لا ترمس ف الشي اللي ما ايحبه سوا" كان شخص والا موضوع .. اي شي ما ايحبه ما تطريه
ماعندي فكرة لكن اختي ميروووووه
كيف يعني كل شي مايحبه الريال مانطرية ليش يعني ..
المفروض يكون شعور متبادل ولازم يسوي مثل مانسويلهم صح ولا انا غلطانه