فالوده فراولينا لذيـــــذه و سهله

انا كنت اسوي فالوده بطريقه ثانيه و شفت في المنتدى فالوده بطريقه غير من الاخت مينار فخذت من هذي شوي و من الثانيه شوي شو طلع عدنا " فالوده فراولينا" << خخخخخخ وايد واثقه

يالله جهزوا الاغراض عشان نبدأ…

1 حليب مركز
2 قشطه
1 دريم ويب
1علبة فواكه مشكله صفو الماي عنها بس لا اتعقونه لانه بنحتاجه
1 علبه اناناس صفو الماي الماي عنها بس لا اتعقونه لانه بنحتاجه
نص كوب ساقو
1 و 1/2 ماي
3 ملاعق صغار بريهو " اللي ما يعرفه هو يكون نفس حبه الحمرا بس لونه مايل على البنفسجي الغامج ع الاسود و يوم انحطه في الماي تستوي عليه مثل طبقه بنفسجيه فاتحه او ازرق فاتح "
1/2 كيس بلاليط احمد
1 ايسكريم فانيلا العلبه الصغيره بو درهم
1/2 ايسكريم فراوله العلبه المتوسطه
1 جلي فراوله
1 جلي توت
غطاة فيمتو
ملعقه كبيره فستق مكسر شوي

المقادير وايد بس الطعم احلى

يالله نبدأ سمو بسم الله ..

1-اول شئ نييب طاسه غزيره شوي انحط الدريم ويب و القشطه و الحليب المكثف و نضرب بالسلك
2-نفور كوبين ماي مع نص كوب ساقو لين ما يستوي الساقو و يختفن النقط البيض
3- ناخذ من الساقو ملعقتين كبار و انضيفهم على الخطوه رقم 1 و نضرب بالسلك
4-نحضر البريهو و نغسله و انحطه في مله و نترس المله ماي و انغطيه
5-نفور مقدار كوبين الى 3 ماي و بعد ما يفور انضيف بلاليط احمد عليه طبعا البلاليط كسروه بس وسط مب ناعم و نطفي النار و انغطي الجدر اللي في البلاليط
6-نفور كوب ماي من الكوب ونص و انحط عليه جلي الفراوله و التوت و الغطاه الفيمتو و نضرب بالسلك و يضاف عليه النص كوب ماي و نطفي النار ثم يوضع الجلي في الثلاجه انحطه في صينيه مستطيله عشان بعدين بنقصه مربعات
7-انضيف علبه الفواكه و الاناناس المقطع الى الخطوه رقم 1
8- انصفي البريهو من الماي و انضيف الى الخطوه رقم 1
9-نضيف شوي من ماي الفواكه و ماي الاناناس علشان الفالوده ما اتكون ثجيله لازم انخففها بالماي على الخطوه رقم 1
10-نصفي البلاليط من الماي و يضاف على الخطوه رقم 1
11- نضيف ايسكريم الفراوله و الفانيلا بعد ما تم تذويبهم قليلا على الخطوه رقم 1
12-نضيف الفستق

ملاحظه : بعد اضاف اي شئ على الخطوه رقم واحد يضرب بالسلك
ممكن انحط فيها بعد الكاجو او اللوز انا بس حطيت الفستق

انتهينا من الفالوده

احين بعد ما سوينا الفالوده ننقلها لطبق للتقديم و انزينها بالجلي اللي قطعناه مربع و انحط عليها ملعقه ايس كريم فراوله ..