الحمدلله ابني بيتي اليديد ..بدينا و الساس خلص بس بعدهم ما بدو باليدار بس الساس بس ترومين اتشوفين البيت ..بس وايد انصدمت البيت مع انه طابقين بس حسيت به صغير ..الصالات صغار ..و الحمامات بعد ..بس قلت معاليه لانه الصالات كلها مفتوحه على الممر ..و الحمامات مب مشكله المغاسل بره ..
بس ابغي حجرتي كبيره ..
هذا المخططو عطوني افكار ؟؟طبعا ريلي لومني ..قالي من البدايه خليهن 3 غرف نوم احسن ..انا اصريت على 4 غرف للمستقبل .
هذا المخطط
[IMG]
[/IMG]
الماستر على اليمين ..قلت له كنسل البانتري ما اباه ..و دخله في الحجره و حرك الحمام تكرمون والدرسنغ قالي عادي يستوي بس مساحه البانتري اصغر عن الحمام و الدرسينغ ..
انا كنت حاطه في بالي صوب الجامات بسوي يلسه..بس ما بتستوي السالفه لانه ما عندي مجال ..
و لو تلاحظون ما شي صاله فوق ..لانه بيتنا فيه قبه الدويره اللي في النص فتحه لتحت يعني بس ممر ..تغصصت يوم عرفت ما شي صاله ..ريلي الله يهديه وادي كان مستعيل و سوا كل شي بسرعه بسرعه ..وايد زعلانه ..
و ثاني شي ..
تصميم بيتج تقريبا مثل تصميم بيتي ..
انا قبل كان بيتي الغرف على شكل كرستاله ..
بس عقب كنسلت لأني مب ناقصه عوار راس ف الثأثيث ..
احس ان انا و انتي نعاني من نفس المشكلة ..
و انا يوم اقول حق ريلي البيت صغير – يقولي انتي اصبري عليهم لين ما يحطون الطابوق و عقب
احكمي .. الاخت مستعيلة .. تبا الشغال سريع سريع ..
انا سويت بانتري فوق .. عسب اتجنب اني احص ثلاجة صغيره في كل غرفه ..
و و ريلي قالي بسنا 3 غرف فوق .. بس انا قلت لااااااااااااا – 4 غرف
حق المستقبل .. خخخخخخخخ
ما عليج يا اختي ..
شوفي – و راجعي حساباتج .. و قيسي الغرف عالطبيعة احسن ..
يعني قارني بين الغرف عسب تعرفين المساحة ..
كم مساحة الغرف ..( كم في كم )
و بعدين انا اشوف ان فيه مكتب فوق .. تحتاجونه ..
لأنج اذا بغيتي تكبرين غرفج .. بدلي و خذي الغرفة اللي عاليسار و افتحي المكتب ( الاوفيس) مع الغرفة ..
و البانتري , اللي هو المطبخ التحظيري لا تكنسلينه .. لأنه مهم .. هاي وجهة نظري .
انشاء الله تستفيدين من مشاركتي
ديكور الحجرات الصغيرة:
لا تقلق لأننا سنجيب علي سؤالك الذي ستخبرنا به علي النحو التالي:
س – ماذا أفعل لكي تبدو حجرتي الصغيرة كبيرة وأزيد من مساحتها؟
ج – يوجد العديد من خدع التصميم التي تساعدك علي حل هذه المعضلة، وبما أن لكل حجرة شكلها المعماري المختلف الخاص بها، فالحلول التي سنقدمها لك هي الأفكار الشائعة أو النمطية التي من الممكن أن تطبق علي كافة الغرف:
1- السماح بدخول أكبر قدر من الضوء الطبيعي لها بقدر الاستطاعه.
2- استخدام الضوء الصناعي عن عمد لكي تجعل الأشياء مضيئة.
3- استخدام وسائل للإنارة ينعكس ضوئها علي السقف الذي ينعكس بدوره لأسفل ويزيد من المساحة.
4- المرايا لها فاعلية كبيرة وخاصة التي توجد علي السقف، وأيضاً التي توجد علي الحوائط حيث تعطي إحساس بالمساحة الشاسعة. كما أن المرايا التي توجد لها إطارات ومعلقة في أماكن حيوية في الحجرة في مجموعات تؤثر تأثيراً كبيراً.
5- إظهار مساحات من الأرض بين كل قطعة أثاث وأخرى بقدر المستطاع.
6- الموائد الزجاجية بالخيار الأمثل والجيد.
7- استخدام الأثاث الذي له دعامات طويلة غير مصمتة (أرجل طويلة بها فراغات).
وآخر نصيحة هي اختيار قطع الأثاث الصغيرة التي تلائم المساحات التي توجد لديك في المنزل واحرص دائماً علي أن تكون هناك مساحة لوضع قدميك عليها.
وهاي بعض الصور
بس تصميمكم شوي صعب الغرف يوم اتكون جدرانها سيده احسن في التوزيع
لكن يوم فيها زوايا وايد
بس لا اتخلين غرفتج صالة ولا بتستوي (زباله ) عفوا على الكلمه بس نصيحة خلي يلستكم تحت عشان ما ينهجر الطابق الارضي,,,او المدخل حطي فيه قنفتين صغار وممكن التيلفزيون
واما عن النص دائره في غرفتج سويها جلسه رومانسيه لج ولزوجج فقط
اصبغيها لون غامج مثل بني او اسود او رمادي داكن
وخلي اكسسواراتها حمرا او فوشي
يعني خذيلج قنفة ام شخصين مخمل احمر او فوشي
وطبعا غرفتج سويها الوان مقاربه لهاي الالوان
المشاركة الأصلية كتبت بواسطة ام حمدوووه 
اختي كلامج وايد محبط ..انا فرحانه ببيتي ..و هالشي بس اللي كان مضايجني و انتي الله يهديج غصصتيبي …ليش جي ..انا كنت ابغي حل ماابغي تلويم …تراني بروحي الوم عمري ماابغي حد يزيدني
و عن سالفه الصاله انحلت .. سكرنا الفتحه وسوينا صاله فوق ..و شكل الدري جي احلى ..