السلام عليكم جميعا …
بصراحه انا مشتركه من زمان فالمنتدى
بس وانا ادور في قوقل .. لفت انتباهي مجلس حريم السليمات
وشفت ما شاء الله الكل يدور ويرتب بيته وووو
وحن بعد طلع لنا بيت ف السليمات " الحمدلله "
بس صبر طويل ..
والله يسر علينا وسكنا فيه .. ولله الحمد
صار لنا 3 شهور تقريبا …
واليوم بحط لكم صور لغرفتي الجميله …
خليكم مع الصور ..
وإن شاء الله تعجبكم
نبدأ الحين بصوره غرفتي ..
نسوي زوم ع الرفوف
زوم غيره
مثل ما تشوفون .. ششليت قطعه من الي باقي من ورق الجدران وحطيته داخل البرواز
عشان يعطي شكل حلوو …
،
شبريتي ..
مب اعلان عن كريم خخخخ
الزوليه ،
،
استغليت المساحه ورى الباب .. حطيت كرسين وعدلتهم ..
وهاذي الستاره ،
من زاويه اخرى
يتبع
،
وهنيه عدلت الدريشه .. كان شكلها مب حلو ابدا
وما حبيت اسوي لها ستاره .. لاني لو سويت لها ستاره الجدار كله بيكون فيه ستاير !!
هنيه قصقصت من ورق الجدران وحطيته فيه .. اصلا فالوسط كانت فيه مرايه .. بس انا لصقت فوقها زيبرا " من ورق الجدران "
وهذا الكبت بأبواب انزلاقيه .. بما انه الغرفه صغيره .. قلت احسن اخذ كبت بأبواب انزلاقيه
نستغيل ال 5 سم هههه
همسه ..
الزيبرا " حمار الوحش " هذا ورق الجدران
ورق الجدران ركبته بنفسي .. بنفسي .. بنفسي ..
انا الي قصقصت
وانا الي ركبت الدرج .. وانا الي لصقت وانا الي سويت كل شي ..
وتركيبه جدا ممتع وحلو … ومايتعب ..
بدال لا تضيعون 500 درهم ع الفاضي . احسن تركبونه بروحكم ..
ورق الجدران هذا ااشتريته من دبي .. كان بحوالي .. 280 درهم .. لفه كامل تتكون من 16م
صناعه كوريه … وعليه ظمان سنتين
وانتظر ردودكم الطيبه
روووعة الغرفة … حبيت الألوان واااايد … احب الزيبرا مع الأحمر … يطلع روووعة ^_^
وماشاء الله عليكي ذوووق … الغرفة واايد مرتبة واستايلها حلو
وحلو انك ركبتي ورق الجدران بنفسك … وفكرة الشباك بعد واايد حلوة ^_^
الله يعطيكي العافية ياقمر
وتتهنين فيها يارب
.
.
.